|
gazal
Jun 28, 2008 17:14:16 GMT 5
Post by dilshad on Jun 28, 2008 17:14:16 GMT 5
[ janab
salam _o-alaekum ,
zar_ra nawazi ka be had shukriya ,
dua ka talib hoon
dilshadnazmi
|
|
|
gazal
Jun 28, 2008 17:12:49 GMT 5
Post by dilshad on Jun 28, 2008 17:12:49 GMT 5
khoobsoorat ghazal hay janab thanx razi razi bhai salam _o-alaekum , shukriya hon'sla afzai ka dilshadnazmi
|
|
|
gazal
Jun 28, 2008 17:11:47 GMT 5
Post by dilshad on Jun 28, 2008 17:11:47 GMT 5
wahhhhhhhh Rewait say juri hui khoobsoorat ghazal Dilshad sahib rafi sahib , salam _o-alaekum , gazal ko srahne ka be had shukriya , dua ka talib hoon dilshadnazmi
|
|
|
gazal
Jun 28, 2008 17:10:42 GMT 5
Post by dilshad on Jun 28, 2008 17:10:42 GMT 5
Wah Nazmi Sahib! Umda ghazal kahi hai aap nay. Achhchhi composing ki hai aap nay, Insha Allah jald improve kar jaeiN gay aap.
atif bhai , shukriya salam _o-alaekum , composing ke liye abhi aap se bahot kuch seekhna hai , insha allah gazal ki pazirai ka be had shukriya dilshadnazmi
|
|
|
Post by dilshad on Jun 26, 2008 14:59:18 GMT 5
:)Gazal: 2
DeewarO-Dar the, chat thi, vo acha makaan tha Do chaar teeliyOn pe hi kitna guman tha.
Jub tak ki dil mein teri yaadein jawan thiN ChoTe se ek ghar mein saara jahan tha.
ShabdOn ke teer choDe gaye hum pe is tarah Har zaKhm ka hamare dil par nishan tha.
Tanha nahin hai tu hi yahan aur hain bahut Tere na mere sar pe koi saybaan tha.
Koi nahin tha Devi museebat mein mere saath Bas main, mera muqadar aur aasman tha.
Devi devi ji aadab . aap ki gazal dekhi , bahot mahzooz huwa , keya tewar hain , keya laheja hai . waah waah , DeewarO-Dar the, chat thi, vo acha makaan tha Do chaar teeliyOn pe hi kitna guman tha gazal ka matla pad>ha tou pahela misra saaf saaf laga . yani dewaar aur dar (darwazah) chat aur munasib makan ki maoujudgi ki baat hai , lekin cani misre me aap ne teeliyo.n ki baat ki ,jo mujhey uljhan me daal gaein , yahaan aap ne tilliyo'n ka istemaal kiyo'n kiya , main samajhney se qasir hoon , wazahat chahoonga .. 2:- Jub tak ki dil mein teri yaadein jawan thiN ChoTe se ek ghar mein saara jahan tha. aap agar pahela misra yo'n kahtein tou wazn me hota .. jab tak ke dil me aap ki yadein jawan thein aur dusra misra yo'n hota tou wazn mokammal ho jata chote se eak ghar me bhi sara jahaan thaa yani dono misrey yon kahey jaein tou .... jab tak ke dil me aap ki yadein jawan thein chote se eak ghar me bhi sara jahaan thaa . 3:- ShabdOn ke teer choDe gaye hum pe is tarah Har zaKhm ka hamare dil par nishan tha. shabdo'n ke teer chor gaey ham pe iss tarah har zakhm ka hamare hi dil par nishan thaa sirf do ack_char bad>ha diye main ne , yani ( hi) ko wahaan rakh diya .jis se wazn me misra aa gaya .. Tanha nahin hai tu hi yahan aur hain bahut Tere na mere sar pe koi saybaan tha. iss sher me aap bayek waqt do do zamano'n me maoujood hain ,pahley aap kah rahi hain ke tu hi tanha nahi hai aur bhi log hain aur dusrey misrey me kaha ke tere na mere sar pe koi aasmaan thaa , yahaan lafz . haey aur thaa ki kafiyet aur manwiyet ko zahn me laaein tou baat wazah ho jaey gi , maqta :- Koi nahin tha Devi museebat mein mere saath Bas main, mera muqadar aur aasman tha. cani misra be wazn ho gaya hai . agar yo'n kar liya jaey tou baat bhi puri ho jaey gi , jo ke aap kahena chahti hain aur wazn bhi bahal ho jaey ga Koi nahin tha Devi museebat mein mere saath bas main , mera naseeb , faqat aasmaan thaa . umeed hai meri kisi baat ka aap bura hargiz nahi maneingi , aap ke jawab ka muntazir rahoonga mukhlis dilshadnazmi
|
|
|
gazal
Jun 18, 2008 1:37:36 GMT 5
Post by dilshad on Jun 18, 2008 1:37:36 GMT 5
|
|
|
Post by dilshad on Jun 11, 2008 13:18:24 GMT 5
rafi sahib , salam _o-alaekum , sari gazal bahot hi dilkash aur mutasir karne wali hai , keya keya sher nikaley hain janab aap ne , waqai maza aa gaya , har sher apne andar eak sawaal liye huwey hai aur khud jawab bhi de raha hai , bahot khoob , aesi murssa aur kamiyaab gazal pesh karne pe meri janib se dher sari daad ka tohfa qabool farmaein , mukhlis . dilshadnazmi
|
|
|
gazal ,
Jun 11, 2008 12:59:33 GMT 5
Post by dilshad on Jun 11, 2008 12:59:33 GMT 5
salam _o_alaekum ,
gazal pesh hai , aap ki aaraa ka muntazir hoon ,
dilshadnazmi
moar_rikh azmat_e_rafta ki jab tafseer tak pahoncha
mere kashkol ka shajra meri jageer tak pahoncha
takab_b_ur inkesar_e_ zaat ki tanweer tak pahoncha
main ik chat_taan thaa , tuta tou phir ta_a_meer tak pahoncha
hamari be hissi jab maslehat ki pusht par aaei hamara paa'on khud hi halqa_e_zanjeer tak pahoncha
falak bosi dhamako'n se huwi thee sarnago'n ,lekin
dhuwaa'n bagdad , kabul , wadiy_e_kashmir tak pahoncha
kamaa'n rakh di mere dushman ne la kar mere qadmo'n par
mera josh_e_shahadat khud machal kar teer tak pahoncha
kabhi khamooshiyaa'n dilshad nazmi mujh me dar aaei'n
kabhi aawaz ka path_thar meri tash_heer tak pahoncha [/color][/color][/b][/quote] Dilshad Nazmi Saheb, Achi kavish hai....aur zameen bhi buhut khubsurat hai ...classical touch ke saath. Mujhey ye ghazal (behr aur qafia) paRhker Jalib ki yeh mash-hoor ghazal yaad aayi: "Sar-e-member woh khwabooN ke mahal ta-meer kartey hain" Acha lagta hai jab kisi naye likhney waley ke kalam se kisi senior ke yaad taza ho. radeef thoRi tang aur kafi mushkil hai isliye baaz ashaar pe abhi nazr-e-sani ki zroorat hai. Is misrey ko dekh lijyega "main ik chat_taan thaa , tuta tou phir ta_a_meer tak pahoncha " lafz chataan hai Chat-taan nahen. Mujhey ghazal ka matla buhut acha laga.. moar_rikh azmat_e_rafta ki jab tafseer tak pahoncha mere kashkol ka shajra meri jageer tak pahoncha Daad hazir hai. Saeed [/quote] saeed sahib , salam _o-alaekum ,, aap ne janab shakeeb jalib ka misra ata kar ke mere ilm me izafa kiya " shukriya " lafz chat_tan ke mutal_liq main loghat me dekhoonga , hanlakey kai eak jagho'n pe mein ne logo'n ko issi tarah pad<htey aur kahtey dekha hai , shayed ke galatul awaam ki shakl me mujhe se wzaa ho gaya , lafz chat_taan .... bahr haal yeh lafz mujh se tahqeeq chahta hai , jo main karoonga . aap ka be had shukriya , gazal ki pazeerai ke liye aur meri hosla afzai ke liye mazeed shukriya mukhlis , dilshadnazmi
|
|
|
gazal ,
Jun 10, 2008 17:19:11 GMT 5
Post by dilshad on Jun 10, 2008 17:19:11 GMT 5
Muhtram Dilshad Wa alikum us salam mujh par aik qarz tha wo yeh keh aap naen meri ghazal ka tafseeli mutala kiya tha aur tafseeli jawaab bhi ata kiya tha aaj aap ki ghazal paRhi to is ka aik aik lafz basar kiya jo aap ki khidmat maen arz kar raha hoon yeh kehtay howay mujhay khushi mehsoos ho rahi hai keh aap kay haan shairi mehz radeef qafiey ka naam nahen balkay aap bahut napay tulay misray kehtay haen aur shairi kay buniyadi qareenay say aap pori tarha waqif haen
moar_rikh azmat_e_rafta ki jab tafseer tak pahoncha mere kashkol ka shajra meri jageer tak pahoncha
acha matla hai
takab_b_ur inkesar_e_ zaat ki tanweer tak pahoncha main ik chat_taan thaa , tuta tou phir ta_a_meer tak pahoncha
dosra misra aisay hota to meray hisaab say bahut acha hota maen ik chaT_Taan tha aur TooT kar taameer tak puhncha
hamari be hissi jab maslehat ki pusht par aaei hamara paa'on khud hi halqa_e_zanjeer tak pahoncha
is sher ka dosra misra agar aisay hota to bahut maza aata shutar ghurba ka shaiba na rehta hamaray paoon khud hi halqa e zanjeer tak puhnchay lekin radeef ki majboori hai is liey aap naen isay aisay kaha achi ghazal maen yeh sher acha nahen lag raha baqi aap behtar samajhtay haen
falak bosi dhamako'n se huwi thee sarnago'n ,lekin dhuwaa'n bagdad , kabul , wadiy_e_kashmir tak pahoncha
is sher maen jugrafiya to hai lekin sheriyat kam nazar aa rahi hai aur abhaam bhi bahut mehsoos ho raha hai ho sakta hai yeh meri kam ilami ho aap is ki wazahat karaen gay to kuch pata chal sakta hai keh aap kiya kehna chah rahay haen
kamaa'n rakh di mere dushman ne la kar mere qadmo'n par mera josh_e_shahadat khud machal kar teer tak pahoncha
bahut acha sher hai
kabhi khamooshiyaa'n dilshad nazmi mujh me dar aaei'n kabhi aawaz ka path_thar meri tash_heer tak pahoncha
yahan bhi radeef naen aik achay sher ko kha liya hai agar aisay hota to bahut acha hota
kabhi khamoshiaan dilshad nazmi mujh maen dar aaen kabhi aawaz kay pathar meri tashh_heer tak puhnchaen
bahar haal aap ki ghazal parh kar lutf aaya aap kay jawaab ka muntazir rahoon ga takay meray ilm maen izafa ho sakay nadeem sahib salam _o-alaekum . janab , main aap ki iss ibarat se apni baat shuroo karta hoon , yeh kehtay howay mujhay khushi mehsoos ho rahi hai keh aap kay haan shairi mehz radeef qafiey ka naam nahen balkay aap bahut napay tulay misray kehtay haen aur shairi kay buniyadi qareenay say aap pori tarha waqif haenshukriya , moar_rikh azmat_e_rafta ki jab tafseer tak pahoncha mere kashkol ka shajra meri jageer tak pahoncha daad ke liye shukriya ,\ 2. . takab_b_ur inkesar_e_ zaat ki tanweer tak pahoncha main ik chat_taan thaa , tuta tou phir ta_a_meer tak pahoncha
dosra misra aisay hota to meray hisaab say bahut acha hota maen ik chaT_Taan tha aur TooT kar taameer tak puhnchamujhey yo'n hi kahena behtar laga , so main ne yo'n hi kaha , aap ne jis tarmeem ke saath samajhne ki koshish ki woh mere kahe huwey misre se kuch alag kafiyet zahir karti hai . main aap ko iss misrey ka darmiyani thaheraao batata hoon , jo shayed ke main ne usse yahaa'n post karte waqt wazah na kiya ho , main ik chat_taan thaa , tuta , tou phir taameer tak pahoncha . 3. hamari be hissi jab maslehat ki pusht par aaei hamara paa'on khud hi halqa_e_zanjeer tak pahoncha
is sher ka dosra misra agar aisay hota to bahut maza aata shutar ghurba ka shaiba na rehta hamaray paoon khud hi halqa e zanjeer tak puhnchay lekin radeef ki majboori hai is liey aap naen isay aisay kaha achi ghazal maen yeh sher acha nahen lag raha baqi aap behtar samajhtay haennadeem bhai aap kahaa'n ulajh gaey
hamara se aur hamari se ,,,, aap ne muraad ye le li ke baat jama ke seghey me ho rahi hai , ,, haan yeh sahih hai lekin bhai jab puri qoam ki baat kahi jaey gi tou paao'n hi kahena hoga
qaom ka paao'n
hamarey paao'n nahi main aap ko eak mical pesh karta hoon ,
jab ham kahtey hain ke ,
" chand logo'n ki nadani ne qaom ka sar sharm se jhuka diya " na ke " qaom ke sar sharmindagi se jhuk gaey ""' aap keya kahtey hain iss zimn me 4. falak bosi dhamako'n se huwi thee sarnago'n ,lekin dhuwaa'n bagdad , kabul , wadiy_e_kashmir tak pahoncha
is sher maen jugrafiya to hai lekin sheriyat kam nazar aa rahi hai aur abhaam bhi bahut mehsoos ho raha hai ho sakta hai yeh meri kam ilami ho aap is ki wazahat karaen gay to kuch pata chal sakta hai keh aap kiya kehna chah rahay haennadeem sahib ,
har baat khol khol kar nahi bayan ki jati , phir ham sher kah rahe hain , nacr nahi , kuch ilamati kafiyet hai iss sher me ,
9 / 11 ke waqiye ko yaad kijiye , tou sari baat aap ki samajh me aa jaey gi . insha allah 5. kamaa'n rakh di mere dushman ne la kar mere qadmo'n par mera josh_e_shahadat khud machal kar teer tak pahoncha
bahut acha sher haishukriya ,6. kabhi khamooshiyaa'n dilshad nazmi mujh me dar aaei'n kabhi aawaz ka path_thar meri tash_heer tak pahoncha
yahan bhi radeef naen aik achay sher ko kha liya hai agar aisay hota to bahut acha hota
kabhi khamoshiaan dilshad nazmi mujh maen dar aaen kabhi aawaz kay pathar meri tashh_heer tak puhnchaen.bhai aap ke tabsrey ne khoob lutf diya ,
aap ja_baja wahid ko jama ki shakl me dekhney ke khwahish mand hain , lekin main keya karo'n , radeef wagairah ki majboori hargiz nahi thee , ye meri majboori hai ke mujhey yo'n hi kahena thaa , so main ne kaha ,
haan agaz me aap ke iss jumley ne mujhey mayoos kiya , mujh par aik qarz tha bhai isse qarz hargiz na samjhein , yeh tou adbi farz hai ke jo kuch aap ne urdu ke ta_alluq se seekha hai usse dusro'n tak pahonchaein , aur dusro'n se kuch hasil karein ,
mujhey behad khushi huwi ke aap ne apna qeemti waqt meri gazal ke liye diya , insha allah ham aaeindah bhi eak dusrey ki takhleeqaat par apna izhar_e_khayal barmla karein gein , puri sach_chai se aur deyanat dari se , insha allah shukriya
mukhlis
dilshadnazmi[/b
|
|
|
gazal ,
Jun 10, 2008 16:35:41 GMT 5
Post by dilshad on Jun 10, 2008 16:35:41 GMT 5
[quote author=admin board=andazebayan thread=1102 post=9310 time=1213037997]dilshad sahab boht khoobsoorat andaz hay munfarid zameen hay aur is main khoob ashaar taraashay hain aap nay
kamaa'n rakh di mere dushman ne la kar mere qadmo'n par
mera josh_e_shahadat khud machal kar teer tak pahoncha
yeh shair boht munfrid hay poori ghazal aik khaas ahand tarteeb dayti hay aur is ki lafziaat bhi munfarid hain aap ka andaz boht mukhtalif nazar aa raha hay daad qabool kijiay thanx razi[/quote][/font]
;;;;;;;;;;;;;;;;;;;;;;;;;;;;;;;;;;;
razi sahib , salam _o_alaekum,
aap ne jin kalimaat se meri gazal ki tareef ki hai , aur usse sraha hai , yeh mere liye bahot ho'n'sla afza baat hai , mujhey bahot taqwiyet mili hai , shukriya ,
umeed hai aaeindah bhi aap meri kawisho'n par apni alimana raey zaroor dein gey , mukhlis dilshadnazmi
|
|
|
Post by dilshad on Jun 9, 2008 22:34:35 GMT 5
AOA mohtram dilshad sahib bohat umda khobsorat aur lab o lehje ke hawale se inthei shandar ghazal atta ki he ap ne bohat sari dad qabol ki jyie waslam mukhlis ramishjaan ;;;;;;;;;;;;;;;;;;;;;;;;;;;;; ramish bhai salam _o_alaekum ,
aap ki mahab_bato'n bhari daad pa kar mujhey ach_cha laga ,
duao'n ka talib hoon ,
dilshadnazmi
|
|
|
Post by dilshad on Jun 9, 2008 22:31:55 GMT 5
dilshaad jee bohat hi dilshaad si ghazl kahi aapne jis ke liye dil ke gulshan se Daad e guL aapki nazR ,... kanwal ji , salam _o_alaekum , aap hamesha mujhey apni duwao'n se nawazti hain , iss gazal aap ki tawaj_ja pa kar mujhey bahot khushi huwi , duwao'n me yaad rakhein , mukhlis dilshadnazmi
|
|
|
Post by dilshad on Jun 9, 2008 22:29:49 GMT 5
moar_rikh azmat_e_rafta ki jab tafseer tak pahoncha mere kashkol ka shajra meri jageer tak pahoncha takab_b_ur inkesar_e_ zaat ki tanweer tak pahoncha main ik chat_taan thaa , tuta tou phir ta_a_meer tak pahoncha kabhi khamooshiyaa'n dilshad nazmi mujh me dar aaei'n kabhi aawaz ka path_thar meri tash_heer tak pahoncha Khoobsoorat ghazal Dilshad sahib sabhi ash,aar khoobsoorat daad qabool farmaiN rafi sahib , salam _o_alaekum , aap ki duwao'n ka saya mujh kam ilm par yo'n hi barqarar rahe . gazal ki pasandeedgi ka be had shukriya . mukhlis dilshadnazmi
|
|
|
Post by dilshad on Jun 9, 2008 22:26:59 GMT 5
Wah kia shusta kalaam ataa kia hai Nazmi Sahib aap nay. Poori ghazal hi qabil-e-daad hai, aik aik sher napa tula aur moassar. Maani aur mazaameen kay e'tibaar say bahut khoob soorat ghazal hai yeh. Meri jaanib say bay hisaab daad aap ki nazr.
Mandarja zail sher tau hasb-e-haal hai, iss per khasoosi daad: -
Falak bosi dhamakoN say huwi thee sarnagooN, lekin DhuwaaN Bagdad, Kabul, Waadi-e-Kashmir tak pahonchabhai atif , salam _O_alaekum , aap ki purkhloos daad pa kar mujhey bahot khushi huwi , main koshish karta hoon ke issi ahang pe hamesha kahney ki sa_eei karta raho . mujhey yeh jaan kar khushi huwi ke mere lahejey ne aap ko mutasir kiya , duwao'n ka talib hoon , dilshadnazmi
|
|
|
Post by dilshad on Jun 6, 2008 10:44:54 GMT 5
AOA ehle sukhanwar aj phir aik bohat aham masale ki janib dilshad sahib ke hawale s eis bazm me behas ka aghaz howa .............. me apni is guftagu me sirf razi sahib ko muakhtib kar ke bat karo ga take KHUDA NA KAHStA agar meri koi bat kisi ko buri lagi to wo use apni zaat ke taraf na le ja sake razi shaib ka name is lyie kaha ke aik to wo bazm ke bade hain dosra mujhe yaqeen he ke wo meri bat ko samjhe ge aur unhe yeh kehyal nahi guzre ga ke me koi esi wesi bat kar raha ho,n kion ke ab bohat dar lagta he kuch bhi kehte howe ................................ me dilshad sahib ki baat aur jesa razi bhai ne bhi likha 100000% itfaaq karta ho,n ke hum sab naye likhne walo ke liye yeh nazam ke yahan adbi behas honi chahiye take tumam logo ko yaksa;n faeyda pohanch sake me itfaq karta hon dr sahib aur razi shaib ki bat se bhi ke aksar dekha geya ke tanqeed ke jawab me musbat ki jaga manfi rawaya samne aya ......................... jee isi tarf razi bhai me tawaju dilana chahta hon .......................................... razi bhai is bazm me jab jab kisi bhi tanqeed par manfi rawaya samne aya wo ibtada ki bat ho ja haliya jhagre ki us ki wajha sirf aik thi mere nazdeek ke tanqeed karne wale ne chahe kitne hi khlos se haumdardi se tanqeed ki ho magar tanqeed karne wala ke lab o lehja is qadr dursht talkh aur hatak ameez hota tha ke insan na chahte howe bhi bura man jata he is ke muqable par me samjhta ho,n ke tanqeed ke mamle me dr rafi shaib jesi mushfaqana andaz me haqeeqat me islah ke rang me tanqeed ki jaye to shayd wo sab kuch na hota jo kuch kai bar is bazm me howa me bohat maazrat chahta ho,n yeh kehte howe ke hum sab me se aksar afrad ne jab jab tanqeed ki un ka lab o lehja esa hi hota he jese wo jis par tanqeed kar rahe hain use insan hi nahi samjhte razi bhai behas aur mufeed behas se me nahi smajhta koi bhi dost ghabrata ho gabrahat aur bura tab hi manya jata he jab bura manane wali bat ho is liye me ap ki hadyat par ke yahan is cheez par behas ki jaye me yehi darkhwast karo ga ke agar to tanqeed barye islah ki jaye to mujhe yaqeen he koi bura nahi manye ga mere nazdeek in 4 salo me mujhe nahi yad ke kabhi kisi nye likhne wale ja porane likhne wale ne kabhi razi shaib ja dr rafi sahib ki kisi bat ka bura manya ho is liye dosto ko chahiye jo ustatza hain jo smajhte hain ke wo dosro ko kuch sikhla skate hain wo apne rawio,n ko narmi aur hilm kesath peesh kare to INSHALA koi bad mazgi nahi ho gi .................. dosra islah ke sath sath yeh option bhi hona chaiyhe ke sirf ghaltio,n ki nishandahi na ki jaye ja yeh na kaha jaye jee ke yeh is qabil nahi ke is par raye di ja sake ja yeh keh kar tanqeed ki jaye ke is is misre me khami he jahan tak mumkin ho us ghalti ki nishan dahi ke sath sath us ko door karne ka tareeq bhi sath likha jaye take jis ko ap us ki ghalti se agah kar rahe hain use samjh bhi aye ke ap ki ghalti ko kese sudhara geya he take aenda wo is cheez se seekh sake umeed he mujh jese tifle maktab ki bat ko smajha jaye ga aur koi bhi mimber is ko zatiyat ki taraf nahi le kar jaye ga ap ki douao,n ka mutaj ap ka mukhlis ramishjaan salam _o-alaekum , ramish jaan ne woh sab kah diya ,jo ke mere zahn me aa raha thaa , bas eak baat ki janib mera zahn gaya hai ke , koshish ki jaey ( agar mumkin ho tou ) ke kisi bhi takhleeq par koi bahac ho , koi fan_ni khami ya khoobi nazar me aaey aur ham me se koi uss par apna khayal pesah karna chahey tou lazmi hai ke kisi aham nuktey par kuch kahtey huwey uske saath dalaeyl zaroor chaspaa'n kar de, take kisi ke bura man_ney ki gunjaish baqi na rahe , akcar hota yeh hai ke islaah karne wale hazraat apne zoam me zara sakht rawaiya apana lete hain , jo ke sirey se galat tareeqa hai , aur apni baat manwaney ke liye dat_te rahte hain , hona yeh chahiye ke ham jo kuch kahein agar mubtadi ke ya mad_de muqabil ki samajh me na aa raha ho tou kitabo'n ke hawaley se , yani asaztzahh ki pesh ki huwi misalein samney la sakte hain , kuch jagho'n par mukhtalif school's ka nazariya mutsadam ho jane ka khadsha bahar haal tab bhi qayam rahta hai, magar yeh koi bahot bada masla nahi hai , ab yeh apne apne tarz ki baat hogi , mujhey khushi huwi ke meri darkhwast ko atif bhai ne numayaa'n kiya aur uss par bahac chal nikli hai , main bazm ke senior membraan se guzarish karoonga ke woh aesei kisi suratehaal ke samney aate hi burdbari aur haleemana tour se baat ko sanbhaal leingey , waesey janab ramish jaan ne tafseeli tour se sab kuch kah diya hai , mukhlis dilshadnazmi
|
|