Post by kanwal on May 19, 2008 2:35:42 GMT 5
Salam Dosto! ...
Aap bhi sochte hoN ge ke Saima Kanwal kaisi hai jo koi jawaab hi nahiN deti aur yuN ghaib hui jaise ,....... ke sar se seeng ,....
Bai asl meiN mera trip kuch lambaa hi ho gaya aur yehi wajah hai ke main chahte hue bhi na aa saki, bohat mushkil se thoda sa waqt milta jis meiN main apni zimedaari nibhaane ki koshish karti ke jaane se Qabl hi to saad ne aik zimedaari mere natawaaN kandhoN pe dhar di thi,..... so bas ussi ke liye mushkil se thora waqt nikaal leti aur ab aap ke dil meiN ab zaroor khayaal aaye ga ke kya hi acha ho ke kaNwal apne trip ke baare meiN kuch bataa de to janaaB aap fikr na kareiN huM aapke dil ke khayaal ka sar aankhoN pe rakhte hue chand halaat Qalam band kar dete haiN ,.... kiyoN theek hai na ,....
To janaaB pakistan ka trip asl meiN iss liye tha ke apni shadi ki shoping ki jaa sake, so hum bhaage pakistaan ke khoob jee bhar ke shoping kar leiN ge, lihaaza hum 31 march ko pak sar zameen pe the, 17 saal baad pakistan ki fizaa ko mehsoos karna aik anokha hi tajarbaa tha, jab aayee thi Germany tab zindagi ik khaab thi aur jab pakistan ki fizaa meiN saans liya to zindagi ik haqeeqat ban chuki thi, ab aap khud andaaza laga leiN ke kya ehsaasaat hoNge aisi larki ke jo 12 saal ki nikli thi apne watan se aur waapis uss waqt gayee jab jeevan ke 28 saal guzaar chuki thi, ...
khair jaate waqt khushi thi to buraa haal bhi ke samaan humaare paas be haal tha 4 log the aur hand cary 40 45 kilo ,... uffffffffffffffffffffff
so 2 din to lag gaye thakan aur haath paoN ki sojhan utaarne meiN ab aap poocheiN ge ke aisa kya kya le gayee kaNwal to janaab samaan meiN sab rishtedaaroN ke gifts the apna samaan to naaM ka tha ,....
so 3 din baad hum Millat pe baithe karaachi jaa rahe the jiske muqable pe agar gadha bhi daur lagaata to pehley pohanch jaata magar humaari Millat ka kamaal ke akele bhi chale to sab se late pohanch ti hai so hum bhi poore 24 ghentoN meiN karachi pohanche, ab marte kya na karte thakan utaari, aur khush the ke mausam bara khushgawar raha par yeh sochna hi tha ke doosre din Aftaab sahib barham ho gaye aur pakistan ki pehli garmi humko beemar kar gayee ,....
bas ab kya tha majbooran apne kaam bhi karne pare aur beemari bhi bugatni pari 3 din hum wahaN raha aur ghanchakar bane rahe, din meiN market meiN jee bhar ke Aaftab miyaN ki tapish sehte aur raat ko rishtedaaroN ke ghar jaa ke khoob khaate ,....
wahiN Mamoo ki mangni ki aur waapsi pe Sahil e samandar pe jaa kar raat ki kaali chadar meiN lipte safed paani ko dekh kar haseeN nazaare ko apne andar utaar kar agle din doobara Millat sahiba rehm o karam pe rahe, Qismat achi rahi ke humare karachi cant pohanchte hi khabar aayee ke hangaame shuru ho gaye, Bas yuN samjhiye ke Khuda ne Qareeb aa ke bachaa liya humeiN warna 2 mint ka faraQ para iss sab meiN ,....
waapis aa ke hum the aur lahore tha, phir shor macha ke sasuraal jaana hai wahaN bhaagte bhaagte salaami di, aur haanpte kaanpte Multaan pohnche jahaN Razi jee, aur dostoN se bhar poor istaqbaal kiya, 1 din meiN Multan ko bhugtaaya aur sar pe paaoN rakh ke phir Lahore bhaage khala behan ki mangni karwaayee, aur shoping meiN haal be haal ho gaye, so majbooran Cargo karwaana para, aur waapsi par phir se lade phade airport pohnche jahaN phir se 2 bag wapis karne pare jo ab aa rahe haiN, aur 40 kilo hand cary meiN phir se apne haath ko zehmat deni pari ,...
ab aap poocheiN ge ke bhala kaNwal jee ab kya le aayee aap to bai iss baar to haQ tha na shadi ki shoping 3 mangniyoN ki mubarak baad ,.......
so aate hi naye ghar ki shifting aur bas uss ke baad se aaj faraghat milli hai,.... .
Pakistan ki trip ne jahan thaka diya wahaN bohat maza bhi diya, Aftaab miyaN ki garmi ke saath sakanjawi, loadshading ke saath machhroN ki baraat, dust ke saath trafic ki saughaat sab hi kamaal ka raha ,.......
kyuN kaisa laga aapko humara yeh trip;....?
>>>bai sab ko to jawab baad meiN deiN ge sab se pehle haal e trip ,... <<<
Aap bhi sochte hoN ge ke Saima Kanwal kaisi hai jo koi jawaab hi nahiN deti aur yuN ghaib hui jaise ,....... ke sar se seeng ,....
Bai asl meiN mera trip kuch lambaa hi ho gaya aur yehi wajah hai ke main chahte hue bhi na aa saki, bohat mushkil se thoda sa waqt milta jis meiN main apni zimedaari nibhaane ki koshish karti ke jaane se Qabl hi to saad ne aik zimedaari mere natawaaN kandhoN pe dhar di thi,..... so bas ussi ke liye mushkil se thora waqt nikaal leti aur ab aap ke dil meiN ab zaroor khayaal aaye ga ke kya hi acha ho ke kaNwal apne trip ke baare meiN kuch bataa de to janaaB aap fikr na kareiN huM aapke dil ke khayaal ka sar aankhoN pe rakhte hue chand halaat Qalam band kar dete haiN ,.... kiyoN theek hai na ,....
To janaaB pakistan ka trip asl meiN iss liye tha ke apni shadi ki shoping ki jaa sake, so hum bhaage pakistaan ke khoob jee bhar ke shoping kar leiN ge, lihaaza hum 31 march ko pak sar zameen pe the, 17 saal baad pakistan ki fizaa ko mehsoos karna aik anokha hi tajarbaa tha, jab aayee thi Germany tab zindagi ik khaab thi aur jab pakistan ki fizaa meiN saans liya to zindagi ik haqeeqat ban chuki thi, ab aap khud andaaza laga leiN ke kya ehsaasaat hoNge aisi larki ke jo 12 saal ki nikli thi apne watan se aur waapis uss waqt gayee jab jeevan ke 28 saal guzaar chuki thi, ...
khair jaate waqt khushi thi to buraa haal bhi ke samaan humaare paas be haal tha 4 log the aur hand cary 40 45 kilo ,... uffffffffffffffffffffff
so 2 din to lag gaye thakan aur haath paoN ki sojhan utaarne meiN ab aap poocheiN ge ke aisa kya kya le gayee kaNwal to janaab samaan meiN sab rishtedaaroN ke gifts the apna samaan to naaM ka tha ,....
so 3 din baad hum Millat pe baithe karaachi jaa rahe the jiske muqable pe agar gadha bhi daur lagaata to pehley pohanch jaata magar humaari Millat ka kamaal ke akele bhi chale to sab se late pohanch ti hai so hum bhi poore 24 ghentoN meiN karachi pohanche, ab marte kya na karte thakan utaari, aur khush the ke mausam bara khushgawar raha par yeh sochna hi tha ke doosre din Aftaab sahib barham ho gaye aur pakistan ki pehli garmi humko beemar kar gayee ,....
bas ab kya tha majbooran apne kaam bhi karne pare aur beemari bhi bugatni pari 3 din hum wahaN raha aur ghanchakar bane rahe, din meiN market meiN jee bhar ke Aaftab miyaN ki tapish sehte aur raat ko rishtedaaroN ke ghar jaa ke khoob khaate ,....
wahiN Mamoo ki mangni ki aur waapsi pe Sahil e samandar pe jaa kar raat ki kaali chadar meiN lipte safed paani ko dekh kar haseeN nazaare ko apne andar utaar kar agle din doobara Millat sahiba rehm o karam pe rahe, Qismat achi rahi ke humare karachi cant pohanchte hi khabar aayee ke hangaame shuru ho gaye, Bas yuN samjhiye ke Khuda ne Qareeb aa ke bachaa liya humeiN warna 2 mint ka faraQ para iss sab meiN ,....
waapis aa ke hum the aur lahore tha, phir shor macha ke sasuraal jaana hai wahaN bhaagte bhaagte salaami di, aur haanpte kaanpte Multaan pohnche jahaN Razi jee, aur dostoN se bhar poor istaqbaal kiya, 1 din meiN Multan ko bhugtaaya aur sar pe paaoN rakh ke phir Lahore bhaage khala behan ki mangni karwaayee, aur shoping meiN haal be haal ho gaye, so majbooran Cargo karwaana para, aur waapsi par phir se lade phade airport pohnche jahaN phir se 2 bag wapis karne pare jo ab aa rahe haiN, aur 40 kilo hand cary meiN phir se apne haath ko zehmat deni pari ,...
ab aap poocheiN ge ke bhala kaNwal jee ab kya le aayee aap to bai iss baar to haQ tha na shadi ki shoping 3 mangniyoN ki mubarak baad ,.......
so aate hi naye ghar ki shifting aur bas uss ke baad se aaj faraghat milli hai,.... .
Pakistan ki trip ne jahan thaka diya wahaN bohat maza bhi diya, Aftaab miyaN ki garmi ke saath sakanjawi, loadshading ke saath machhroN ki baraat, dust ke saath trafic ki saughaat sab hi kamaal ka raha ,.......
kyuN kaisa laga aapko humara yeh trip;....?