|
Post by neelofar on Feb 29, 2008 4:17:22 GMT 5
YuN to maloom hai anjam e duaa kiya ho ga
Dil ki taskeeN ke liye hath uthaa dete haiN
|
|
|
Post by neelofar on Feb 29, 2008 4:21:34 GMT 5
Asar na kyon ho jo aaye larez ke hoNtoN per
Duaa to maang ke dekhe koi Duaa ki trah
|
|
|
Post by Atif Mirza on Apr 30, 2008 5:57:07 GMT 5
Khudaa say jub bhi haiN maNgi khusshiyaN Dua maiN taira khayaal aayaa
(Atif)
|
|
|
Post by Tanweer on May 11, 2008 1:58:25 GMT 5
vo jaate hai.n aatii hai qayaamat kii sahar aaj rotaa hai duaao.n se gale milake asar aaj
[Daag Dehlvi] .................................................
hotii nahii.n qubuul duaa tark-e-ishq kii dil chaahataa na ho to duaa me.n asar kahaa.N
[Altaf Husain Hali] .................................................
maa.Ngaa kare.nge ab se duaa hijr-e-yaar kii aaKhir ko dushmanii hai duaa ko asar ke saath
[Momin] .................................................
sunate hai.n ki mil jaatii hai har chiiz duaa se ek roz tumhe.n maa.Ng ke dekhe.nge Khudaa se
[Rana Akbarabadi] .................................................
sab kuchh Khudaa se maa.Ng liyaa tujh ko maa.Ng kar uThate nahii.n hai.n haath mere is duaa ke baad
[Aga Hashr] .................................................
maa.Nge.nge ab duaa ki use bhuul jaaye.n ham lekin jo vo baavaqt-e-duaa yaad aa gayaa
[Khumaar Barabankvi] .................................................
mujh ko ye aitaraaf duaao.n me.n hai asar jaae.n na arsh par jo duaae.n to kyaa kare.n
[Akhtar Sheerani] .................................................
aaKhir ko_ii umiid-e-asar bhii duaa ke baad kuchh aap bhii kahe.n merii iltijaa ke baad
[Fani Badayuni] ................................................. is kaa gilaa nahii.n ki duaa be-asar ga_ii ik aah kii thii vo bhii kahii.n jaa ke mar ga_ii
[Tilokchand Mehroom] ................................................. hatheliyo.n kii duaa phuul le ke aa_ii ho kabhii to ra.ng mere haath kaa hinaa_ii ho
[Parveen Shaakir] ................................................. yuu.N tujh ko iKhtiyaar hai, taasiir de na de dast-e-duaa ham aaj uThaae.n hue to hai.n
[Majaz] .................................................
arsh se ho ke jo maayuus duaae.n aa_ii.n mai.n ye samajhaa ki mere ghar me.n balaae.n aa_ii.n
[Jigar Moradabadi] .................................................
marane kii duaae.n kyo.n maa.Nguu, jiine kii tamannaa kaun kare ye duniyaa ho yaa vo duniyaa, ab Khvaahish-e-duniyaa kaun kare
[Moin Ahasan Jazbi] .................................................
kiijiye aur ko_ii zulm agar zid hai yahii.n liijiye, aur merii lab pe duaae.n aa_ii.n
[Jigar Moradabadi] .................................................
marzii-e-yaar ke Khilaaf na ho log mere liye duaa na kare.n
[Hasrat Mohani] .................................................
lamhaat-e-yaad-e-yaar ko sarf-e-duaa na kar aate hai.n zi.ndagii me.n ye aalam kabhii kabhii
[Shakeel Badayuni] .................................................
ik terii tamannaa ne kuchh aisaa navaazaa hai maa.Ngi hii nahii.n jaatii ab ko_ii duaa ham se
[Ejaz Kamravi] .................................................
tum salaamat raho hazaar baras har baras ke din ho pachaas hazaar
[Mirza Ghalib] .................................................
hai duaa yaad magar harf-e-duaa yaad nahii.n mere naGmaat ko a.ndaaz-e-navaa yaad nahii.n
[Sagar Siddiqui] .................................................
vo dil hii kyaa tere milane kii jo duaa na kare mai.n tujh ko bhuul ke zi.ndaa rahuu.N Khudaa na kare
[Qateel Shifai] .................................................
sar pe saayaa saa dast-e-duaa yaad hai apane aa.Ngan me.n ik pe.D thaa yaad hai
[Bashir Badr] .................................................
sunate hai.n ki mil jaatii hai har chiiz duaa se ek roz tumhe.n maa.Ng ke dekhe.nge Khudaa se
[Rana Akbarabadi] .................................................
haath uThe hai.n magar lab pe duaa ko_ii nahii.n kii ibaadat bhii vo jis kii jazaa ko_ii nahii.n
[Ahmad Faraz] .................................................
TuuTe huye dilo.n kii duaa mere saath hai duniyaa terii taraf hai Khudaa mere saath hai
[Nizam Rampuri] .................................................
khaa kar zaKhm duaa di ham ne bas yuu.N umr bitaa dii ham ne
[Farhat Shehzad]
|
|
|
Post by Atif Mirza on May 16, 2008 16:23:28 GMT 5
Wah Tanweer Shaib! Kia achhotay aur munfarid ashaar paish kiay haiN aap nay, Iss tarah kay maHol maiN kaha jaata hai keh:-
Dua Bahaar ki maaNgi tau itnay phool khilay Koi jagah na mili mairay aashiyanay ko
|
|
|
Post by suhelulfat on May 19, 2008 17:10:43 GMT 5
woh baDaa raheem-o-kareem hai, mujhe ye sifat bhi ataa kare tujhey bhoolne ki duaa karooN to merii duaa meN asar nah ho
[Dr. Bashir Badr]
|
|
|
Post by Atif Mirza on Jun 3, 2008 17:53:38 GMT 5
Har ik dua maiN tumhara khayaal hota hai Tamaam aarzoowoN ki faqat asaas ho tum
Atif Mirza
|
|
|
Post by nazghazal on Jul 18, 2008 17:24:17 GMT 5
jo zehr pi chuka hoon,tumhi ne mujhe dia ab tum to zindagi ki duaain mujhe na do
|
|
neha
rukn
Posts: 239
|
Post by neha on Nov 11, 2008 23:33:24 GMT 5
Dushman mere jeenay ki dua maang rahay hain Ehbaab mujhay zehr pila kiun nahin detay
|
|
|
Post by HASIB RANA on Nov 29, 2008 19:57:44 GMT 5
UJALA HAMIN RAAS AaTA NAHEEN NA MANGO DOAAIN SAHR K LEY
|
|
jooni
sukhanshanas
Posts: 480
|
Post by jooni on Nov 30, 2008 18:51:21 GMT 5
"Duaa k Liye jab bhi meray haath ut'thay Be saakhta labb pe tera hi naam aaya"
Junaid Sikander
|
|
|
Post by neelofar on Jul 8, 2009 20:27:23 GMT 5
Bacha ke rakhti hai har aafat o museebat se Barra aser hai meri maaN ki sab Duaon mey
|
|
|
Post by nazghazal on Mar 13, 2010 20:48:49 GMT 5
duaain maangne waale hamare jeene ki tere khaloos ko neend aagai to kia hoga
|
|