zaamin
ibtidaai rukn
Posts: 69
|
Post by zaamin on Feb 12, 2008 23:34:30 GMT 5
phir dhaRaknaa na ho qasam khaa lo dil ko ab daagh men badal daalo
seedhee kab zindagii ki raahen hain zulf-e-pechaaN men ho to uljhaa lo
vo na tera thaa ,aur na hoga kabhii koyii saadah ho to bharam paalo
zakhm-e-dil hai khula rahegaa sadaa ho ki jis se bhii chaahe silwaa lo
khaa lo pee lo khuda ki bakhshish hai kuch safar ke liye bhii bandhwaa lo
main tumhaaraa naseeb ho jaa'uuN apne haathon men aise khudwaa lo
zindagi bas sabab hai rone ko ho sake gar to phir bhii muskaalo
dekhiye yaaN bahut andhera hai ik zaraa sa naqaab sarkaa lo
yaad ke naqsh bhii mitaate chalo raah men tanhaa chhoRne waalo
|
|
|
Post by kanwal on Feb 13, 2008 3:17:20 GMT 5
Zamin jee bohat khooB ,.... daad e guL aapki nazR ,....
|
|
|
Post by sunita on Feb 13, 2008 4:18:30 GMT 5
phir dhaRaknaa na ho qasam khaa lo dil ko ab daagh men badal daalo waah zaamin ji bahut khoobseedhee kab zindagii ki raahen hain zulf-e-pechaaN men ho to uljhaa lo sher achha hai, lekin jaane kyun mujhe lag raha hai ki typo hai, `uljha lo` ki jagah `suljha lo` hona tha.vo na tera thaa ,aur na hoga kabhii koyii saadah ho to bharam paalo yeh sher bhi bahut achha laga, pehle misre mein aur nikaal den, aur doosare misre mein aap ho ko hi kar den to aur achha lagega.zakhm-e-dil hai khula rahegaa sadaa ho ki jis se bhii chaahe silwaa lo bahut khoob, ab aap mujhe maarenge to nahin na, pata hai kuch nahin kahenge aap iss liye ek aur mashwara meri aur se gar theek lage...doosari line ko agar aise kaheN zakhm-e-dil khula rahega sadaa is ko jis se bhii chaahe silwa lokhaa lo pee lo khuda ki bakhshish hai kuch safar ke liye bhii bandhwaa lo bahut khoobmain tumhaaraa naseeb ho jaa'uuN apne haathon men aise khudwaa lo waah waahzindagi bas sabab hai rone ko ho sake gar to phir bhii muskaa lo achha sher hai daaddekhiye yaaN bahut andhera hai ik zaraa sa naqaab sarkaa lo bahut khoob , ik ki jagah agar tum zaraa sa.... kaheN to?yaad ke naqsh bhii mitaate chalo raah men tanhaa chhoRne waalo pehla misra wazn mein nahin hai, sher achha hai.zaamin ji aap ne bahut achhi ghazal kahi hai, mujhe jo samajh aaya keh diya yeh soch kar ki aap bura nahin manaayenge aur agar mera kehna kahin aap ko achha na laga ho to ignore kar dena.
|
|
|
Post by Rafi Tabasum on Feb 13, 2008 11:16:11 GMT 5
wahh
|
|
|
Post by khalid on Feb 13, 2008 23:57:29 GMT 5
mohtaram ghazl mazameen k lehaaz sey to qaabil e daad hai, lekin aapki nazr e saani ki bhi talabgaar hai! mujhey aisa mehsoos hota hai k aap jaldi meiN haiN
daad qubool keeje!
|
|
|
Post by waqaar on Feb 14, 2008 2:33:35 GMT 5
Zaamin SaaHeb, bahut khoob huZoor. maqt^'ah to jaan lewa hay. daad qubooliYay! waQaar
|
|
|
Post by Aqeel Malik on Feb 15, 2008 15:42:20 GMT 5
wah
|
|
|
Post by Atif Mirza on Feb 17, 2008 9:46:34 GMT 5
Umda mazameen, khoob alfaaz aur qafiay. Nazar-e-saani darkar hai.
Daad bahar haal qabool kijiay.
|
|