|
Post by Sukhanwar on Nov 2, 2007 0:13:57 GMT 5
Khud apane liye baiTh ke soche.nge kisii din yuu.N hai ki tujhe bhuul ke dekhe.nge kisii din
bhaTake hue phirate hai.n ka_ii lafz jo dil me.n duniyaa ne diyaa vaqt to likkhe.nge kisii din
hil jaaye.nge ik baar to arsho.n ke dar-o-baam ye Khaak_nashii.n log jo bole.nge kisii din
aapas kii kisii baat kaa milataa hii nahii.n vaqt har baat ye kahate hai.n ke baiThe.nge kisii din
ai jaan terii yaad ke be-naam parinde shaaKho.n pe mere dard kii utare.nge kisii din
jaatii hai kisii jhiil kii gaharaa_ii kahaa.N tak aa.nkho.n me.n terii Duub ke dekhe.nge kisii din
Khushbuu se bharii shaam me.n jugnuu ke qalam se ik nazm tere vaaste likkhe.nge kisii din
soye.nge terii aa.Nkh kii Khlvat me.n kisii raat saaye me.n terii zulf ke jaage.nge kisii din
Khushbuu kii tarah ,asl-e-sabaa Khaak numaa se galiyo.n se tere shahar kii guzare.nge kisii din
'Amjad' hai yahii ab ke kafan baa.Ndh ke sar se us shahar-e-sitam_gaar me.n jaaye.nge kisii din
Amjad isalaam Amjad
|
|
|
Post by Atif Mirza on Nov 2, 2007 6:56:00 GMT 5
Wah razi sahib wah! Kia barpoor intekhab hai!
|
|
|
Post by Rafi Tabasum on Mar 8, 2008 0:14:55 GMT 5
wahhhh Khoobsoorat intekhaab Razi bhai
|
|
|
Post by rooh on May 6, 2008 20:26:08 GMT 5
Wah!!!...Mazaa aagaya.....
Razi bhai thanx...ek bharpoor ghazal share kii hai aapne....hum aap ke intekhaab ki daad detay hain...
|
|
zaki
sukhanshanas
Posts: 446
|
Post by zaki on Mar 19, 2009 17:14:31 GMT 5
Wah! Bahut he khoobsorat sharing Razi bhai ..... Bahut acha laga parh kar .... Sada khush raheay ...
|
|