zaamin
ibtidaai rukn
Posts: 69
|
Post by zaamin on Jan 18, 2008 0:03:47 GMT 5
dil-lagii ke mashGhaloN ki baat hai 'ishq kyaa hai? dil-jaloN ki baat hai.
daastaan-e-gham ba-chashm-e-khoon-rez khoon se riste taloN ki baat hai
haiN sitaare aasmaaN pe naqsh yooN paa-ye-shab ke aabalon ki baat hai
bujhtii aankheiN chehre pe laachargii dil pe barpa zalzalon ki baat hai
geet kyaa hai? wilkate kuchh qalmon ki, warq se, bheege paloN ke baat hai
bezm-e-jaaN men gham khiraam-e-naaz ki chhankati kuchh paayalon ki baat hai
mah-rukhii aur abr-e-baaraan ka ghumaan niim- raqsaan kaakuloN ki baat hai
khooN munaqqash dil ki basti ku-ba-ku shahr-e-khoobaaN qaatilon ki baat hai
|
|
|
Post by sunita on Jan 18, 2008 3:18:19 GMT 5
Zaamin ji aap ko bhi bahut arse baad pad rahi huN.waah kya baat kahi hai aap ne, Ishq kya hai? samjhane ki baat hai.jo iss ishq ki raah se guzara uss ke liye ishq sab kuch hai, ishq hi zindagi hai ishq ki maut hai.ishq pyaar hai ya taqraar hai.bas ishq ishq hai. dheron daad meri aur se.khush raheN.
|
|
|
Post by Atif Mirza on Jan 18, 2008 17:09:50 GMT 5
Qabil-e-Sadd Ehtiram Zaamin Sahib! Aap ki ghazal pasand aaee, daad hazir hai. Laikin do jaga say samajh nahiN aaee. Main aap kay muqablay maiN aik adna sa shaer hooN, aap say kuchh seekna chahta hooN aur aik jaga per aik adna sa mashwara bhi dena chahta hooN. Umaid hai keh aap par garaN nahiN guzray ga.
daastaan-e-gham ba-chashm-e-khoon-rez khoon se riste taloN ki baat hai
Meri kam ilmi lafz "TaloN' ko samjh nahiN paaee, wazahat ki guzarish hai
geet kyaa hai? wilkate kuchh qalmon ki, warq se, bheege paloN ke baat hai
Yaha bhi meri kam ilmi lafz "wilkate'' ko samjh nahiN paaee, wazahat ki guzarish hai
bezm-e-jaaN men gham khiraam-e-naaz ki chhankati kuchh paayalon ki baat hai
Guzarish hai keh lafz "Chhanakti" hota hai lihaza doosray misray maiN hijjay durust kar kay aur lafzoN ki tarteeb badal kar iss tarah paRhaiN
kuchh chhanakati paayalon ki baat hai
Apnay khayal say aagaah zaroor kijiay ga
|
|
|
Post by Aqeel Malik on Jan 29, 2008 17:37:08 GMT 5
Zor e Qalaam aur Ziada
|
|
|
Post by Rafi Tabasum on Jan 30, 2008 3:06:14 GMT 5
wahhhh bujhtii aankheiN chehre pe laachargii dil pe barpa zalzalon ki baat hai
bohat khoob
|
|
|
Post by kanwal on Feb 12, 2008 3:30:51 GMT 5
bohat khoob ,....
|
|