|
Post by brijinder on May 10, 2011 0:40:29 GMT 5
Bekhudi
Ik mauj-e-samndar-e-kaynaat hai zindagi Khud hi jawaab aur swaalaat hai zindagi
Khud ki talaash yeh safar-e-hyaat Abhi din ki aarzu ab justju-e- raat
Kuch jaani anjaani raahon pay UmroN kay qaafilay Ghardish-e-doraaN main pinha manzilaiN Kabhi manzil ka pa laina Phir us say ukta jaanaa Yeh shauq-e-manzil nahi Shayud jeenay ka bus bahaanaa
Jab bar gayi bahut tanhai Banaya phulsupha-e-khudai But banayay banai azaanaiN Phir sajaai rishton ki dukaanaiN
Jab jab bhi khud say uktaiya insaaN Daur-e-wehshat main laut aayaa insaaN
Is hajoom-e-zindagi main tanha hai har koi Bus girafat-e-khwaab-e-bahaanaa hai har koi
Ik bhatkan umr kay jaNgloN main Liyay bekasi-e-namaloom diloN main Har koi jiyay jaataa hai Dard-o-masarrat kay ajab saNgam ko Unwaan-e-zindgai diyay jaataa hai --------
|
|
|
bekhudi
May 10, 2011 12:56:29 GMT 5
Post by Atif Mirza on May 10, 2011 12:56:29 GMT 5
Bahut khoob khayalat haiN Briider Sahab. Daad wasooliay aur qabooliay, sir.
|
|