zehrab
rukn
ham pe guzrey hain khizaN ke sadmey--Ham sey poochey koi afsaana-e gul
Posts: 125
|
Post by zehrab on Oct 7, 2009 12:00:03 GMT 5
SukhanwaroN ki nazar ek adna si tuk bandi:
Phool bulbul ko, shama chahiye perwaaney ko ek zanjeer bohat hay tere deewaney ko
Shokh hontowN pe tabasum ki gulabi chamki thaamiye dil ke qayamat hay kaheeN aaney ko
Aakhri bar mere geet ki ley ban jaao saaz-e hasti hay kisi lamha bikher jaaney ko
sokhta Jan ko ab aur hawa mat dena koi angara jala dey na sanam khaaney ko
ham talab gar-e tawajuh haiN faqat rind naheeN Muntazir lab haiN tere saamney khul jaaney ko
apney jazbaat ke aahoo ki tanaabeN khaincho mastiy-e chashm-e ghazalaaN hay behek jaaney ko
kuch tow dereena taluq ka bharam rakh letey aap - ghairoN ki tarah aaey haiN samjhaaney ko
apney daaman meiN inheN aap jaga dey di jey chand aansoo they mere pas yahaN laaney ko
Adab
Qamar
|
|