|
Post by Sukhanwar on May 7, 2007 16:56:22 GMT 5
sukhanwaron ko aik baar phir khush aamdeed kehta hoon hamari yeh chotti see mehfil baaz logon ko bohat khatakti hy aur unhain khatakti hy jin ka shair o adab sy koi aysa khaas wasta bhi nahin is bazm ko abaad hua 2 saal honay ko hain aur is doraan yeh doosri baar hack ki gai do char roz qabl sukhanwar forum ko destroy kar dia gia kaysi kaysi tehreerain theen yahan jo zaay kar dee gain aik saal qabl jab yehi kuch hua to unhon ny socha tha yeh jahan e sukhan phir abad na ho sakay ga .. magar mukhtasir sy arsay main yeh phir abad ho gia ab unhon ny aik baar phir aysa hi kia hum ny bhi himmat na haarnay ki qasam kha rakhi hy lijiay hum is mehfil ko phir abaad kar rahay hain aap shamil hotay jaain aur nay hoslay k saath yeh safar jaari rakhiay abhi pehlay roz aap ko boards ki tadaad kum milay gi members bhi rafta rafta dobara jama hon gay magar koi baat nahion hum isay phir abaad kar lain gy aap ki muhabaton aap k taawan par mujhy hamaysha sy bharosa hy thanx razi-ud-din razi
|
|
|
Post by shahkar on May 7, 2007 18:08:28 GMT 5
Razi bhai
khush amdeed kehnay ka shukria
3-4 din se mein bhi preshan thaa keh najanay sukhanwar ko kia howa hay.
aur hairat he keh is mehfil se bhi loog hasad kertay hein jehan deger mehfiloon ki terah kisi se koye muqabla nahi keya jata
Ap ka shukria keh aap ne phir se mehfil abaad ke, ham phir yehan aa gay hein, aur atay rehain gay,
nawazish
aur tamam degar araakeen ko meriteraf se bhi khush amdeed, jo aa gay hein, aur atay rehain gay.
|
|
|
Post by Tanweer on May 7, 2007 22:56:34 GMT 5
Lejiey sahib ham bhee aan phonchay....
tamam mehfil ko hamary salam aur duaien
Khair Andesh Tanwer
|
|
|
Post by khalid on May 8, 2007 0:31:44 GMT 5
dobaara haazir hooN razi sb pak ke aik "hacker" ka zikr le ker!
tujh meiN aamir ki shabaahat hai shuja,at chaudhry naam ki bhi kab shuja,at hai, shuja,at chaudhry adl ki ger haiN alaamat aitezaaz o iftikhaar tu saraapa ik khajaalat hai shuja,at chaudhry
|
|
|
Post by Rafi Tabasum on May 8, 2007 3:10:33 GMT 5
Razi Bhai Ham sab aap kay saath haiN Insha ALLAH daubara is bazm ko sjain gay
manzil say door aik hi jhaunkay nay phaink kar phir say mray naseeb main likh deeN musaftaiN
koi baat nahi
ham safar jitnay bhi chahay saath hooN par safar karna hay apnay paoN par
hamaray paoN abhi slamat hain safar jari rahay ga
|
|
|
Post by sunita on May 8, 2007 3:26:50 GMT 5
Razi bhai aur bazm ke sabhi naye pooraane members ko mera salaam aur Razi bhai khushaamdeed ka shukariya.maine aap se do roz pehle bhi kaha tha ki ham hamesha aap ke saath hain.buraaii ki kabhi jeet nahin hoti.aur jab ham sab ek saath hain to koii kitne roz tang kar lega.ham sab ne museebatoN se ladna seekha hai aur kabhi haar nahin maani.aap kabhi khud ko akela mehsoos na karen.aap ko sukhanwar ki mehfil ka aagaaz ek baar phir mubaarak ho, ek baar aap phir jeet gaye.iss bazm ko meri mubaarak.Khuda iss bazm ko hamesha mehkaaye rakhe, aameen. khush rahen, aabaad rahen.
|
|
|
Post by kanwal on May 8, 2007 16:04:26 GMT 5
Ufff,.......... Ya Allah,....
Girte haiN shehswaar hi maidanoN meiN ,....
Khabar to doosre din hi ho gayee thi, Aur pehley to bohat bohat dukh hua, ke yuN laga jaise apna bana banaaya ghar jal gaya ho, phir dil ne kaha "YuN bhi hota hai",.... to muskura di ,... Ke chalo jitna aazmaana chahte haiN shauQ se aazmaeiN ,...
Jab Sukhanwar kuch nahiN tha us waqt sukhanwar arooj pe pohncha,... phir usse pataal meiN pohnchaane ki koshish hui to doobara yeh naye sire, naye hausle se mazeed taraqi haasil karta raha aur ab jab kuch nahiN to INSHALLAH pehle se bhi mazeed popular hoga.
Kiyonke jin meiN lagan hoti hai, jo sachayee ki lau jalaate haiN unka aik haath kaato to doosra haath kaam aata hai doosra haath na bhi ho to paoN ,... even jin meiN lagan ho wo reengte hue bhi apni manzil ko rawaN dawaN rehta hai.
behte paani ko na koi rok saka hai aur na rok paaye ga,.... Jinke paas aur koi kaaM nahiN wohi naye naye harbe sochte haiN ke kal yeh hua aaj yeh karna kal wo karna,.... jinka maqsad sirf manziloN ki taraf barhna hai to wo barhte hi raheiN ge,... aik dar band ho to 100 dar khulte haiN,....
Yeh mushkaleiN hi aage barhne ka hausla deti haiN,... hausla wo haarte haiN jinka maqsad hi ghalt ho,...
Iss bayaabaan ko razi jee pehle bhi aapki mehnat ne gulshan ka roop diya tha aur aaj bhi yeh bayabaan phir se haseeN gulshan bane ga kiyonke dil meiN lagan ho, sachayee ho, khaloos ho, mohabat ho to Khuda bhi saath deta hai aur jab Khuda saath deta hai to saari Dunya aik taraf aur aik kamzor sa insaan aik tarf reh ke bhi poori dunya pe bhaari par sakta hai.
Aapke iss gulshan ko abaad karne ke liye jo ho saka kareiN ge aur sab se barh ke dili DuaeiN haiN aapke aur aapke iss gulshan ke naaM.
Rahi baat qeemati asaasa, posts ki to haath salamat raheiN; zehan chalta rahe, khaloos mehakta rahe to pehle se bhi barh kar takhleeQ ho sakti hai,...
|
|
neha
rukn
Posts: 239
|
Post by neha on May 8, 2007 16:23:17 GMT 5
Salam Razi bhai, Thanx GOD k humara ye khubsurat forum doobara say start hogaya hai......I was shocked k jab ye site open nahin ho rahy thi but jab mail mili tou yahan aa k maloom hua k site hack hogai thi ...but dont worry jab itnay saaray log aap k saath hain tou phir kia gham hai dushmano'n ka .....aur ab tou aahista aahista sab log doobara say jama hona shuroo hogaye hain so Inshallah kuch hi din main phir say ye gulshan pehlay ki tarhan hi mehkay ga .....mery taraf say ye site doobara say start karnay par mubarak baad qubool kijye:) n Salam to all members
|
|
|
Post by Sukhanwar on May 8, 2007 22:26:09 GMT 5
aur hairat he keh is mehfil se bhi loog hasad kertay hein jehan deger mehfiloon ki terah kisi se koye muqabla nahi keya jata waqar aap ka shukria k aap ny itni muhabat sy izhaar e yak jehti kia ..jahan tak hasd ka taaluk hy to bhai jo log kuch nahin kartay woh hasad hi to kartay hain thanx razi
|
|
|
Post by Sukhanwar on May 8, 2007 22:28:30 GMT 5
Lejiey sahib ham bhee aan phonchay.... tamam mehfil ko hamary salam aur duaien Khair Andesh Tanwertanweer sahib aap aa gay humain khushi hui aap ki is bazm ko bohat zyaada zaroorat hy ab thanx razi
|
|
|
Post by uzair143 on May 8, 2007 23:27:43 GMT 5
as salam alikum sukhanwar k ache sathiyoun waise hume kisi ne bulaya nahi lakin sukhanwar ki mohabbat hume yaha khainch layi hai razi sb app ne is dobara is mehfil ko start ker k bout acha kia hai or sukhanwar k sathiyoun ko bikherne se bacha lia hai uzair
|
|
|
Post by Rafi Tabasum on May 9, 2007 0:58:53 GMT 5
Razi Bhai Ham sab aap kay saath haiN Insha ALLAH daubara is bazm ko sjain gay
manzil say door aik hi jhaunkay nay phaink kar phir say mray naseeb main likh deeN musaftaiN
koi baat nahi
ham safar jitnay bhi chahay saath hooN par safar karna hay apnay paoN par
hamaray paoN abhi slamat hain safar jari rahay ga
|
|
|
Post by HASIB RANA on May 11, 2007 17:07:15 GMT 5
YEH HERKAT JISS NAY B KI HAY WO KOI INTEHAE GHATEYA SHAKHS THA .......... ALLAH KI BLAAYIN IS K PECHEY HON ............
RAZI BHAI MAIN DIL KI GHRAEUOON SAY APP KA MAMNOON HOON KEH APP NAY DOBARAH FORUM KO START KIA ............ PEHLEY TU MAIN KUCH BEMARE KI WAJAH SAY FORUM KO TIME NAHEEN DAY PAYA ..... PHER MASROFEYAT B ITNI THEEN KEH .................. KUCH BTA NAHEEN SAKTA .............. RAZI BHAI MAIN PECHLEY 9 / 10 DINOON SAY DAILY MULTAN AA JA RHA HON .. LAKIN SAD AFSOS KEH LAKH CHAHNEY K BAWAJOOD TIME KI KAMI K BAES APP SAY MOLAQAT KA SHARAF HASEL NA KER SKA ........ I AM SORRY ........ MAIN IS NAY SAFER PER TAMAM MEMBERS KO KHASOSAAN APP KO DILI MUBARAK BAAD PASH KERTA HOON .............. ALLAH PAK HM SAB KA Aor HUMARE IS PEYARE MEHFEL KA HAME-O-NASIR HO AaMEEN
|
|
|
Post by kanwal on May 11, 2007 23:11:39 GMT 5
as salam alikum sukhanwar k ache sathiyoun waise hume kisi ne bulaya nahi lakin sukhanwar ki mohabbat hume yaha khainch layi hai razi sb app ne is dobara is mehfil ko start ker k bout acha kia hai or sukhanwar k sathiyoun ko bikherne se bacha lia hai uzair JO apne hote haiN uzair unheiN bulaaya nahiN jaata woh bas kachi dor se khinche chale aate haiN.
|
|
simran
ibtidaai rukn
Posts: 14
|
Post by simran on May 13, 2007 20:53:14 GMT 5
Razi sahib sukhanwar ke baar emeiN sun kar afsos hua par yeh khushi bhi hui ke aik baar phir se sab waise hi aik saath haiN jaise pehle the, dua hai ke Khuda aapka haam i nasir rahe aur iss mehfil ko nazr e bad se bachaaye.
|
|