|
Post by miim miim mughal on Sept 29, 2007 8:48:12 GMT 5
muHtaram aHbaab aik Ghazal paish-e-Khidmat hay aap kii aaraa' kaa intiZaar rahy gaa.
Ehd-e-junoN maiN chak gariibaaN kiyay baGhair guzrii bahaar jashn-e-bahaaraaN kiyay baGhair
karty rahy haiN yaad unhaiN bay basii say ham ashkauN kau zayb-o-ziinat-e-miZ'gaaN kiyay baGhair
mumkin nahiiN hay kau'ee mudaavaa'ay Gham kary sham'E-e-viSaal-e-yaar faruzaaN kiyay baGhair
guzraa hay kaun jaada'h-e-hastii say aaj tak ? Khud kau Harii-e-gardish-e-dauraaN kiyay baGhair
samjhaa hay kis nay ramz-e-Haqiqat kau ham nafas ? dil kau asiir-e-kaakul-e-paychaaN kiyay baGhair
kehnay kau "Eiid" maiN bhii manaa LauN magar muGhal~ muddat hau'ee hay ruyat-e-jaanaaN kiyay baGhair
miim miim mughal
|
|
|
Post by khalid on Sept 29, 2007 15:20:40 GMT 5
bohot khoob mughal sb. daad qubool keeje!
|
|
|
Post by Rafi Tabasum on Sept 29, 2007 22:22:07 GMT 5
Wahhhhhhh Wah
Bohat jandar ghazal kahi aap nay aik jani pehchani zameen par maza aa gia daad qabool kejiay Mughal sahib
|
|
|
Post by miim miim mughal on Oct 3, 2007 8:58:26 GMT 5
bohot khoob mughal sb. daad qubool keeje! navaazish khalid Mahmood SaaHib.
aap kii muKtaSar magar pur asar daad ky liay mamnoon hoon.
vas'slaam
miim miim mughal
|
|
|
Post by miim miim mughal on Oct 3, 2007 9:05:00 GMT 5
Wahhhhhhh Wah Bohat jandar ghazal kahi aap nay aik jani pehchani zameen par maza aa gia daad qabool kejiay Mughal sahib muHtarmii Rafi Tabasum SaaHib
aadaab.
aap nay naachiiz kii Ghazal par pasndiidgii kaa izhaar farmaayaa.
main mamnoon hooN.
miim miim mughal
|
|
|
Post by Sukhanwar on Oct 4, 2007 14:20:40 GMT 5
mughal sahib aap ki saarir ghazal khoobsoorat hy magar maqtay ka to jawab nahin Ehd-e-junoN maiN chak gariibaaN kiyay baGhair guzrii bahaar jashn-e-bahaaraaN kiyay baGhair wah wah daad haazir hy thanx razi
|
|
|
Post by miim miim mughal on Mar 31, 2008 14:28:23 GMT 5
mughal sahib aap ki saarir ghazal khoobsoorat hy magar maqtay ka to jawab nahin Ehd-e-junoN maiN chak gariibaaN kiyay baGhair guzrii bahaar jashn-e-bahaaraaN kiyay baGhair wah wah daad haazir hy thanx razi jnaab-e-raZii SaaHib aadaab/ aaap kii maHabbat, shafqat , daad, mubaarakbaad... kis kis kay liay shukria'y kay lafZ tlaash karoN.. maiN to Ghulaam hogyaa hooN aap ky iltifaataat par. aap kii SeHat -o- Aafiat aur Umr-e-Taviil kay liay duaa go miim miim mughal
|
|
|
Post by Atif Mirza on Mar 31, 2008 17:13:52 GMT 5
Wah Janab-e-Mann Mughal Sahib! Dil khush kia hai aap nay itni khoob soorat ghazal ataa kar kay. Meri janab say dil khol kar daad hazir hai. Aray piyaray sahib aik nazm aap nay tehreer farmaee hai woh bhi yahaN paish kijiay takeh sub log uss say mehzooz hoN. Aap ki ain nawazish ho gi.
|
|
|
Post by waqaar on Apr 1, 2008 13:18:01 GMT 5
Mughal SaaHeb, aadaab! bazm maiN khuSh-aamadeed. aapki ghazal paRH~ ker khuShii huii. mat^l'ah to bay-miCaal hay. "samjhaa hay kis nay ramz-e-Haqiqat kau ham nafas ? dil kau asiir-e-kaakul-e-paychaaN kiyay baGhair kehnay kau "Eiid" maiN bhii manaa LauN magar muGhal~ muddat hau'ee hay ruyat-e-jaanaaN kiyay baGhair" Yeh do aSh'aar bh~ii khoob rahay. meri daad haaZir hay,qubool kee jiYay! waQaar
|
|