|
Post by kanwal on Feb 3, 2008 19:33:54 GMT 5
Kanwal Jee Aapp ko meri taraf say zindagi ka naya safar mubarak. Allah aap ko bahut khusian aur rahat day. Bohat nawazish atif jee ,.... to aisa kahiye na k:---- Andhaa kuwaN to bhar sakta hai par ,.....
|
|
|
Post by kanwal on Feb 3, 2008 19:34:53 GMT 5
meri jaanib se bhi kanwal saHiba ko zindgi ka ye nayaa safar bahot bahot mubaarak ho. Allah se dua hai ke unheN zindagi ki tamaam khushiyaaN naseeb hoN. (aameen) Ramish saHib ki daa'vat ham bhi ba.sad masarrat qubool karte haiN thank you ibn e siddique sahib,...
|
|
|
Post by kanwal on Feb 3, 2008 19:36:16 GMT 5
Kanwal beti! zindgi ka ye nayaa safar bahot bahot mubaarak ho. Allah se dua hai ke zindagi ki tamaam khushiyaaN naseeb hoN. (aameen). TanweerThank you Uncle ,.... Iss naye safar meiN buzurgoN ki dueiN shaamil hoN to yaqeenan har mushkil asaaN ho jaaye gi ,....
|
|
|
Post by kanwal on Feb 3, 2008 19:37:19 GMT 5
zindigi kay is khubsoorat moor per aap ke leye duayen aur mubarakbaad. Bohat bohat nawaazish janaaB ,... chaliye issi bahaane aap aaye to sahi ,...
|
|
|
Post by kanwal on Feb 3, 2008 19:39:40 GMT 5
ghazal ko naya raNg mill jaaey ga ke pataal dholak sey hil jaaey ga mubaarak ho sabko meirey dosto kaNval ka kaNval aaj khil jaaey gakaNva aapko khaana aabaadi mubaarak ho! allah miaN aapko khush rakheN! Aapki munfarid, dilkash, aur pur assar Mubarakbaad aur dueiN dil ke gulshan meiN humesha mehakti raheiN gi.
|
|
|
Post by kanwal on Feb 3, 2008 19:44:28 GMT 5
very fuNny ,..... razi jee ko darr hai ke kahiN mote na hoN jaayeiN ,... ;D ;D ;D ;D ;D ;D
|
|
|
Post by kanwal on Feb 3, 2008 21:44:15 GMT 5
Aap sab ke replies parhe maine ,....
Har aik ne bohat muhabbat aur khaloos ke saath mubarakbaad aur duaeiN di haiN, jo mere dil ke gulshan meiN sadaa mehekti raheiN ge.
Sukhanwar pe har taraH ka waqt dekha hai, khushiyaN bhi thiN yahaN aur gham bhi, pareshaaniyaN bhi milli yahaN aur be intihaa muhabbat bhi,.....
Yeh choti si bazM thi phir badi hoti gayee, kayee baar issko nuksaan bhi pohncha, magar sabki muhabbat thi jo huM aapas meiN jure rahe,..... Bohat Forums dekheiN haiN maine, bohat mehfiloN meiN register hui hooN par wahaN ki dar o deewaroN pe har soo ajnabiyat hi ajnabiyat nazar aati rahi mujhe, wahaN sirf unhi ko salam kiya jaata hai jinka rutbaa badaa hota hai, Par Sukhanwar meiN chahe har tarah ke halaat aate rahe par aik baat to te thi ke har haalaat meiN yehi ehsaas raha ke sab apne hi haiN ,.....
Meri zindagi ka eham faisla kiya gaya to bhi Sukhanwar ki yaad aayee ke yahaN ki mehfil ne aik ghar ki soorat ikhtiyaar kar li hai Go ke ab yahaN sab ka aana kam ho gaya hai, ke sab ki apni majbooriyaN haiN zindagi sab ke liye aazmaish hai, har koi apne apne masayl meiN ghiraa hai aur kuch ke liye shayed yahaN aana zaroori nahiN ab, behr haal jo bhi hai, yahaN jitne bhi member aate haiN un sab se arhai saal ka waasta hai, KaNwal ne agar kahiN kisi se talkh lehje meiN baat ki thi to wahiN hath jor ke maafi bhi maangi thi, apni ghaltiyoN ko pe karrri nazR rakh ke un ko door karne ki poori koshish bhi karti rahi hooN humesha,.......
Maine jhukna seekha hai, uss shajar se jo tanawar hota hai par sajdaa zameen ko kiye rehta hai, meri ghalti ho ya na ho, mere kaam acha ho ya na acha ho main jaanti hooN ke maine jhuk kar aajzi se sab se paish aana hai kiyonke maine ibtdaa se hi kaha ke main kuch bhi nahiN mujhe bas seekhna hai aur Khuda ki Qasam bohat kuch seekha maine Sukhanwar se,.....
Sahyed itna kuch main kisi badi bazM se naa seekh paati jahaN sirf unheiN hi saraaha jaata hai jo khud ko badaa samjhte haiN. taqreeban 2 saal pehle kaNwal kuch bhi na thi aaj bhi kuch nahi hai magar kaNwal ke daaman meiN aap sab ki muhabbat ke yeh jo phool haiN na yeh taa umR meri rooh ko mo´atar karte raheiN ge, haaN inn phooloN ke saath kuch aise kaante bhi haiN jo meri rooh meiN paiwast hue par inn phooloN ki halaawat uss takleef ko madham kar deti hai.
Aaj jab naye safar ka aghaaz ho raha hai to sab yaad aa raha hai khushiyaN mayoosi aansoo izzat muhabbat haqaarat kya nahiN milla yahaN par Mera Khudaa jaanta hai ke maine har haal meiN sirf apni zaat pe tanqeed kar ke usse behtar banaane ki koshish ki hai jinke saath ziyadati hui kabhi mujhse un se jhuk kar humesha baat ki,.....
SUkhanwar ne aik azeem sabQ jo diya mujhe wo yeh tha ke seekhna hai to yuN khud ko giraa ke seekho jaisa seekhne ka haQ hai, apni zaat ko fanaa kar ke kaho ke haaN ab seekhao kiyonke main to jaahil hooN aur mujhe seekhna hai.
Sukhanwar se mujhe sikhaaya k
"Tum bhi jhuk jao samar daar shajar ki soorat Garmi e dil se phal o phool bhi pakaana sekho"
Aur maine bhi issi liye apni takleed apna dard kaaghaz pe undail diya, aur aaj aap se sirf iss liye share kar rahi hooN ke kehte haiN ke naye safar ki ibtidaa guzre lamhaat pe aakhri nigaah daal ke karni chahiye ,....
Agar kuch loG samjhte haiN ke wo baad meiN aa kar ultaa seedha mazaak kar ke apni ehmiyat banaa leiN ge to unka yeh weham hai dilloN meiN izzat ulta seedha mazaak kar ke nahiN balke apni zaat ki naffi kar ke banaayee jaati hai, .... Aur sab se badh ke tajub mujhe iss liye hota hai ke aaj humare rehbar kiyoN khamosh haiN,... kya aaj kisi ki izzat izzat nahiN rahi ya aaj rools badal gaye,....
aaj bhi bohat dekhti rahi hooN parhti rahi hooN par khamosh rahi sirf iss liye ke humare buzurg humare rehbar haiN hi par mujhe afsos hua yeh dekh kar ke jahaN sukhanwar ko nuqsaan baar baar pohnchaaya gaya hai wahiN par isske rools bhi maskh hue haiN,..... shayed yehi wajah hai ke ab yahaN wo member nahiN aate jo iss mehfil ki jaan hua karte the,....
Mohtaram admins main kisi ka dil dukhaana nahiN chahti bas ik safar ke aghaaz pe peechey mur ke dekha to kuch takleef hui so jo mehsoos hua keh diya, kaNwal ko jo qareeb se jaante haiN wo iss baat se achi tarah se waaqif hai ke kaNwal na muN dekhi tareef karti hai aur na bila wajah koi baat ya tanqeed. mujhe iss mehfil se dilli lagao hai iss ki behtari ke liye maine sab kuch kiya hai apne nafs ko maarna para wahan apne nafs ko maara hai aur INSHALLAH karti bhi rahoongi. Aur iss sab meiN aap sab ki muhabbat, khaloos aur duaeiN hi haiN jo humesha mujhe himmat, taaqat bakhshti rahiN haiN.
Meri dua hai ke yeh mera ghar humesha hansta basta rahe Khuda isse har bad nazR se bachaaye aur iss ghar ke jo nageene idhar udhar bikhar gaye haiN yeh soch kar ke ab yahaN kuch nahiN raha waapis issi ghar meiN aa kar chamkeiN kiyonke yeh utna hi un ka ghar hai jab ghar pe mueesbateiN aayeiN to usse toofaanoN ki zad meiN chodrna nahiN chahiye balke apni dhaal bana ka us ko bachaana chahiye yeh maine apni zindagi se seekha hai.
Kisi ko meri baat buri lagi ho haath jor ke mazrat hai
|
|
|
Post by ramishjaan on Feb 4, 2008 0:49:14 GMT 5
|
|
|
Post by ramishjaan on Feb 4, 2008 0:55:38 GMT 5
AOA kanwal jee ap ki khobsorat our is bazm ke dard me shamil tehreer parhne ko mili ............... kanwal jee dad dena chahon ga ke ap ne is pur musarat moqa par bhi apne farz se kotahi nahi ki our wo bat jo kai mimbran ne mehsos ki ap ne us ki nishandahi ka beera utha liya ..... razi bhai our dr rafi shaib aj kal lagta he shadeed masrof hain kahin me dast basta darkhwast guzar hon razi bhai se dr rafi shaib se ke is bazm ne bohat bure bure din bhi dekhe hain khuda ke liye ab is par un dino ke saye mat parne de ......................... waslam is bazm ke dukh ko apna dukh mehsos karne wala is bazm ka aik adna mimber ramishjaan
|
|
|
Post by Sukhanwar on Feb 4, 2008 19:28:44 GMT 5
kanwal tumhara taweel khat parha main nay jaanta hoon tum awal to khamosh rehti ho magar jab likhnay par aati ho to likhti hi chali jaati ho aik hassaas larki k yeh jumlay main nay baar baar parhay jin chand logon ny is bazm ko sambhaalay rakha aur baar ki aazmaaishon k bawajood himmat na haaray un main tum bhi shamil ho tum nay aaj guzray huay achay aur nagwaar lamhat ko bohat tafseel k saath yaad kia waqt to guzar jaata hay magar aysay moqon par sab kuch yaad aa jata hay mer dua hy k tum sada khush raho aur is tara udaas honay ki zaroorat nahi hy hum tumhain is bazm say kabhi bhi nahi jaanay dain gay mujhay yaqeen hy k tum janoon ki had tak poetry aur literature say jurri hui hy aur yeh janoon kabhi khtm nahi hota masroofiat kitni bhi kion na ho raabta barqraar rehta hy naay safar k aghaaz pr bohat see duaain hain tumharay liay khushgawar yaadon ko saath rakho aur talkhion ko bhool jaao ..khush gawar zindagi k liay yehi aik hunar hay bohat see duaain tumharay liay thanx razi
|
|