|
Post by Atif Mirza on Aug 4, 2008 0:59:16 GMT 5
Hamaray bahut hi mohtaram aur bazurg shaer janaab Najm-ul-Asghar Shahia saheb nay hamaray forum ko izzat bakhshi aur rukniyat ikhtiyar ki hai. Hum sub unhaiN tah-e-dil saqy khush aamdeed kehtay haiN.
Shahia saheb ka taalluq asl maiN Hari Pur (Hazara) say hai. Mulaazmat say retirement Multan maiN aa kar huwi aur phir unhoN nay yaheeN sakoonat ikhtiyaar kar li.
Shahia Saheb Nazm aur ghazal kay bahut maahir aur ustaad shaer haiN. Iss kay ilaawaa kayee asaatiza ka kalaam unn kay hafizay maiN mehfooz hai. Unn ki dau kitaabaiN aa chuki haiN:-
- Douzakh MaiN Pehli Baarish
- NeeNd MaiN Chalti Hawaa
Unn ki aik ghazal ka matlaa aur maqtaa aap ki khidmat maiN paish hai:-
Sub HaseenoN ki ho fitrat maiN sitam gar honaa Mujh ko khouf aataaa hai, tum baRi sundar ho naa . . . . Aainaa daikhta hai ab baRi Hairat say mujhay Aur phir poochhta hai, tum wohi Asghar ho naa
|
|
|
Post by saeed on Aug 4, 2008 4:07:26 GMT 5
Mohtaram Najm-ul-Asghar Shahia saheb, Mera aapse taaruf nahen lekin Aapko yahan dekh ker sub se ziadeh khushi mujhey hui hai....Kiyun???
iska jawab merey is sher mein hai.....
Ik jism ke perdes mein phirta hai preshaaN ik rooh ke choR aaye they ham des hazarey
mein bhi Khanpur Dam (Haripur) se hoon.
Aapkey Ashaar jo Atif bhai ne ata kiye haiN lajawab haiN Umeed hai ke aapse deger DAK-KHANEY bhi milenge aur khubsoorat shari se bhi mustafeed honey ka moqa milega.
Dili Khush-aamdeed Saeed
|
|
|
Post by suhailabbaskhan on Aug 4, 2008 7:41:16 GMT 5
shahia sahib aap ki amad kushkun hay.mera bhii aap say taaruf naheen hay.main agerchay multan main 7 saal raha hoon lakin "Aab e gumm"ki tarah.lakin akhbaarat main aap ki shairy kaii baar perhnay ka muqqa mila.umeed hain aap iss forum ko bhii apnay kalam say musajja karain gay.
|
|
|
Post by ramishjaan on Aug 4, 2008 12:41:54 GMT 5
|
|
|
Post by Rafi Tabasum on Aug 4, 2008 22:28:01 GMT 5
Muhtram Jnab Najm-ul-Asghar Shahia sahib Bohat khushi hui aap ko yhaaN daekh kar INSHA ALLAH jald hi aap say mulaqaat bhi ho gi is mehfil maiN aap ko khush amdeed kehta hooN umeed hay aap ki maujoodagi is mehfil kay liay babarkat sabat ho gi aap kay klaam ka intezaar rahay ga
|
|
|
Post by Sukhanwar on Aug 4, 2008 22:49:51 GMT 5
mohtram shahia sahab main ny hi aap ko forum par aanay ki daawat dee aur istaqbaalia kalmaat main takheer ho gai asal main hua yoon k kul jab main forum sy rukhsat hua to ain usi lamhay aap ki yahan aamad hui aatif bhai ka shukria k unhon ny mayri ghair mojoodgi main istaqbaalia thread shuroo kar dia shahia sahab hum aap ko dil ki gehraaion sy yahan khush aamdeed kehtay hain mujhy yaqeen hy k aap ki aamad say yahan k shoraa ko boht kuch seekhnay ko milay aap ki ghalon ka intzaar hy thanx razi
|
|
|
Post by Sukhanwar on Aug 4, 2008 23:46:23 GMT 5
najam ul asghar shaahia sahab agarchay sukhanwar forum main ab aay hain magar is forum say unka taaluk boht purana hay aur un ka tazkra is fgorum main pehlay bhi raha april main kanwal ki kitab ki taarafi taqreeb multan main munaqid hui to shahia sahb ny us taqreeb main mehmaan e khasoosi k taur par shirkay ki thee us taqreeb ki yeh tasweer mehfil k aik thread main mojood hy hum yeh tasweer yahan bhi post kar rahay hain thanx razi
|
|
|
Post by azeezbelgaumi on Aug 5, 2008 7:28:23 GMT 5
Mohataram Najam ul Asghar Shaahia sahab .. Khush amdeed. Razi bhai aur aatif bhai hamarey shukriye ke mustahaq hain.. azeez belgaumi
|
|
|
Post by shahkaar on Aug 5, 2008 21:54:28 GMT 5
Janab e muhturam Najm ul asghar shahya saheb
hamain buhut khushi hoye keh aap nay hamari is mehfil ki rukneyat ikhtayar kiHamaray leye saadat hay , baees e fakhr hay, ham dil ki gehrayoon say aap ka khair maqdam kartay hein .
shahkaar
|
|
|
Post by Salem Bashwar on Aug 13, 2008 9:41:06 GMT 5
Mohtaram Najm ul ashgar shahya saheb Asslam Alaikom Main teh dil se aapka is bazm mein khair-moqdam kehta houn. Main safar par tha isliye takheer se isteqbal kar raha houn. Wasalam Salem Bashwar
|
|
|
Post by tmasood on Aug 14, 2008 23:38:10 GMT 5
Mohtarm-o-mukarram Shahia Saheb
assalamo Alaikum w.w ham aapko isn mehfil mian tah-e-dil se khush aamdeed kehtay hain.
wassalam
|
|