|
Post by Bilal Mirza on Jun 6, 2009 17:17:21 GMT 5
Mohtaram Sukhnawaraan! Salam
Apni pehli ghazal aap sub ki basaartoN ki nazr kar raha hooN. Umeed hai keh aap hosla afzaee farmaieN gay.
Kafi arsay ghair hazir rehnay ki maazrat. MIT kay final exam honay walay haiN aur Alhamdulillah maiN abhi tak Top kar raha hooN. Dua kijiay ga.
Chal paRa bay-gumaaN, Jaanay pohNchooN kahaaN Khojnay kehkashaaN, Jaanay pohNchooN kahaaN
Khud say hooN bay-khabar, shaakh say toot kar Taiz haiN aaNdhiyaaN, Jaanay pohNchooN kahaaN Bay-thikaana huwaa, kub say hooN laa-pataa Mit gaay sub nishaaN, Jaanay pohNchooN kahaaN KhooN say bhar ke qalam, kar raha hooN raqam Ik ajab daastaaN, Jaanay pohNchooN kahaaN Taiz ro hamsafar, chal diay chhoR kar Chhut gayaa kaarwaaN, Jaanay pohNchooN kahaaN Dil pighalta gayaa, chashm-e-tar say giraa Ban kay mauj-e-rawaaN, Jaanay pohNchooN kahaaN
|
|
jooni
sukhanshanas
Posts: 480
|
Post by jooni on Jun 7, 2009 21:02:59 GMT 5
Hi Bilal, Aap ki pehli ghazal hai, khoob hai. Khoob se khoob tarr ki justujoo jari rakhiye.
Boht si DaaD aap ki pehli ghazal ki nazr.
|
|
|
Post by Atif Mirza on Jun 9, 2009 22:41:57 GMT 5
Bilal Dear! Bahut khoob soorat aaghaaz hai, Aur baRa bhai honay kay bawajood maiN abhi tak samajh nahiN paayaa keh yeh shaeri tumhari zindagi maiN kub aur kaisay dakhil ho gayee. Adab say lagaao tau mujhay pata hai magar shaeri aur woh bhi itni manjhi huwi shaeri!!!!!
Dhair saari daad meri janib say. Aur issay grafiz maiN dhaaltay huway mujhay bhi maza aayaa. Bahut khoob!
|
|
|
Post by Farrukh Sajjad on Jun 18, 2009 20:08:48 GMT 5
bohot khoob soorat ghazal hai, aur pehli ghazal itni napti tuli kahi gayee hai. Jis per daad hazir hai.
|
|