|
Post by suhelulfat on May 19, 2008 17:57:04 GMT 5
Salaam sabhii dosto ko,
Ek ghazal....jo ki ek sunehrii yaad hai...jo taa um'r saath rahegii...aap sabse share kar rahaa huN yahii ek ghazal aisii hai jise shaayad maine dobaara kabhii post nahiiN kiyaa....!
kaise bataaooN ke merii nazro meN kyaa hai tuu shaayad mirii hayaat kaa ik aainaa hai tuu
qaabil nahiiN huN maiN tire yeh jaantaa hai tuu phir bhii sivaa kyuN sabse mujhe chaahtaa hai tuu
maiN jaantaa huN terii vafaa hai mere liye lekin merii vafaaoN se naaaashnaa hai tuu
merii vafaa pe haq hai kisii aur kaa ai! dost meraa ahad ye mujhse sivaa jaantaa hai tuu
mere har ek gham ko samajhtaa hai apnaa gham merii khushii meN apniii khushii dekhtaa hai tuu
kaaToN ko chun ke phir miri raah-e-hayaat se haatho ko apne zakhmii kiye jaa rahaa hai tuu
kyuNkar nah naaz ho tujhe 'Ulfat' nasiib par aise hasiin dost se joh mil gayaa hai tuu
Niyaazmand Suhel 'Ulfat'
|
|
|
Post by Atif Mirza on May 20, 2008 0:13:30 GMT 5
Achhchhi koshish hai Suhel Saheb!
|
|
|
Post by waqaar on May 23, 2008 3:09:16 GMT 5
Suhel bh~aa,ii! muddat ba'd aayeN haiN. umeed hay kheriYat say haiN. bahut hii uMdah ghazal kahii. tabSirah asaatizah hi keraiNgay. meri jaanib say daad. aik She'r khaaSker bay-Had pasand aaYa. "mere har ek gham ko samajhtaa hai apnaa gham merii khushii meN apniii khushii dekhtaa hai tuu" vaah! daad qubool kee jiYay! waQaar
|
|
|
Post by Sukhanwar on May 23, 2008 19:30:39 GMT 5
suhail sahab muddat k baad aap ki ghazal parhi kahan rehtay hain aap..kia masroofiat ziaada barh gai hay ? khoobsoorat ashaar atta karnay ka shukria razi
|
|
|
Post by Rafi Tabasum on May 23, 2008 23:40:04 GMT 5
wahhhhhhhhh
|
|
|
Post by suhelulfat on May 24, 2008 15:35:02 GMT 5
Atif bhaaii koshish pasand aayii aapko...merii khushnasiibii hai!
niyaazmand Suhel
|
|
|
Post by suhelulfat on May 24, 2008 15:35:59 GMT 5
Waqaar bhaaii kai dino baad aapse baat ho rahii hai....aap hameshaa se merii hausla-afzaaii karte aaye haiN....aapko ghazal pasand aayii...aapkaa mamnoon huN...!
Suhel
|
|
|
Post by suhelulfat on May 24, 2008 15:37:05 GMT 5
Razi bhaaii masroofiyat to baDhnii hai....aur yahii sabse baDii vajha hai yahaaN nah aane kii....aapko merii ghazal achchhii lagii.....Shukriya tah-e-dil se shukriya
Suhel
|
|
|
Post by suhelulfat on May 24, 2008 15:37:48 GMT 5
Rafi bhaaii aapki ye waahh! dil tak utar gayii....GHazal pasand farmaane ka Shukriya!
Suhel
|
|
|
Post by kanwal on May 25, 2008 1:53:00 GMT 5
Bohat Umdaa ,... Suhel aaye ho tu saath nibhaana, yuN adhoore raste pe chod na jaana. Iss Qaafile ke nageeN the tum jaise dost jo apni apni raahoN meiN kho chuke haiN,... Khushi hui dekh kar ke tu ne iss Qaafile ko phir paa liya ,... Iss khubsoorat si ghazl pe dheroN daad ke phooL Qabool karo,....
|
|
|
Post by suhelulfat on May 26, 2008 12:43:58 GMT 5
kanwal terii baate paDh kar dil chaahtaa hai ke sach meN likhna shuruu karuuN jo maine kaafii arse se band kiyaa huaa hai...tu hamesha merii hausla-afzaaii kartii rahii hai....aa'inda bhii meraa yuhiN saath dena....!
Suhel
|
|
|
Post by kanwal on May 27, 2008 0:12:52 GMT 5
kanwal terii baate paDh kar dil chaahtaa hai ke sach meN likhna shuruu karuuN jo maine kaafii arse se band kiyaa huaa hai...tu hamesha merii hausla-afzaaii kartii rahii hai....aa'inda bhii meraa yuhiN saath dena....! Suhel Jaan kar khushi hui ,.... Khuda tujhe himmat o hauslaa ataa kare ,... Aur har ache maqsad meiN kaamyabi ataa farmaaye,...Ameen
|
|