|
Post by khalid on Oct 20, 2007 10:15:44 GMT 5
atif ssaheb ne begum se kuch guzaarishaat ki thiiN kuch deir qabl! javaab meiN ab begum ko kuch kehna hai saahibaan se............ chusaaey tum ko guthli, khud wo choosey aam saaheb ager socho yehee haiN guthliyoN key daam saaheb
ye belan pyaar sey tum ney hi begum ko diya tha ye subho laaey, ya phir zindgee ki shaam saaheb
abhi soii nahiN maiN, aao meirey paauN daabo isey bhee aaj sey samjho zarooree kaam sahib
meree ammaN pey qurbaN ho gaee abba kee daulat karo kuch tum bhi qurbaN, ker ke meirey naam saaheb
ghusa k gher meiN beevi aur ik bachoN ka lashker saho phir umr saaree laam key aalaam saaheb
karo dono shikaar ik teer sey ger meiree maano mujhey P A bana lo, shak ko ker do khaam saaheb
dilaao met mujhey saaRi magar itna samjh lo chaley hai saaRiyoN k dum se saara kaam saaheb
tumhaarey qehqahey haiN qeemti, tum paas rakhho yeh bangla aur gaaRee ker do meirey naam saaheb
|
|
|
Post by Rafi Tabasum on Oct 20, 2007 21:55:36 GMT 5
hahahaaaaaaaa khoob jwaab hay sahib
|
|
|
Post by khalid on Oct 21, 2007 0:47:04 GMT 5
hahahaaaaaaaa khoob jwaab hay sahib shukriya rafi sb!! ;D
|
|
|
Post by Sukhanwar on Oct 26, 2007 12:00:14 GMT 5
khalid bhaai bohat barjastgi hy aap k haan thanx razi
|
|
|
Post by Atif Mirza on Oct 26, 2007 14:40:09 GMT 5
Wahhhhh! Kia hazir jawabi hai! Kamal kia hai!
|
|
|
Post by khalid on Oct 26, 2007 17:56:34 GMT 5
khalid bhaai bohat barjastgi hy aap k haan thanx razi janaab ye vaardaat usi waqt huii thee ja aatif sb ka kalaam aaya! isko shayad mazeed behter kiya jaa sakey, lekin phir forun javaab deine ka maza jaata rehta hai!
shukriya!
|
|
|
Post by khalid on Oct 26, 2007 18:00:20 GMT 5
Wahhhhh! Kia hazir jawabi hai! Kamal kia hai! janaab ye haazir javaabi to ab puraani ho chuki! usi waqt dimaagh aur ungliaN kulbulaiiN aur jo samajh meiN aaya keh daala! aapko pasaNd aaya, aapki zerra navaazi hai!
aaka mamnoon!
|
|
|
Post by Atif Mirza on May 12, 2008 0:56:38 GMT 5
U R welcome, hum aap kay qail haiN
|
|