|
Post by khalid on Sept 23, 2007 10:40:28 GMT 5
haakimo ab ke maah e ramzaN meiN jaaN sey apnee gaey bashar chaalis tum ager aur kuch na dey paaey do kam az kam sharaab hi khaalis
|
|
|
Post by Atif Mirza on Sept 23, 2007 16:09:56 GMT 5
Khalid Sahib! Qat'aa achcha hai magar main aap kay nazriay say ittifaq nahiN karta. Sharab khalis ho ya milawat wali hukmranoN ka iss main koi qasoor nahin. Awwal tau sharaab haram ahi aur ramzaaz main peena aur bhi kaar-e-gunah. Abb banda maray aur woh bhi zehreeli sharaab say tau uss ka thikana jahannum kay ilawa aur kia ho sakta ha. HukmranoN ko lataRnay kay liay aur bohut mozoo'aat hain lihaza iss mu'aamilay main unhaiN mu'aaf hi rakhaiN tau behtar hai. Ho sakta hai keh baqi dost mujh say ittifaq karaiN ya na karain magar HukmranoN ka iss main qasoor nahin yeh khalista"n (dau zabar wala TAN) bandoN ki apni raza shamil hai. Doosri baat sharaab aik chemical reaction ky sabab wajood main aati hai. Time ya kisi aur formulay main zra bhi farq aa jaey tau iss ka ajza zahr main tabdeel ho jatay hain, aur zehr kia hai? Woh bhi tau kisi chemical reaction ki waja hota hai. Tau janab yeh hai Chemistry ka kia dhara, app wasay hi, khwa Makhwa hukmranoN ko ilzam day rahay hain. Yeh meri zati rai hai aap mind na kijiay ga.
Atif Mirza
|
|
|
Post by khalid on Sept 23, 2007 22:31:50 GMT 5
ji mohtaram ager haakim koii aik kaam bhi theek ker rahey hotey to yaqeenan ye ilzaam ghalat tha. unheiN 12 tareekh ko 50 jaanoN k ziyaN ke baarey maiN kuch maaloom hai, na hi in 40 ya pachaas jaanoN k baarey maiN. ye log koii zimmedaari leine ko tayyaar hi nahiN haiN. na hi pul k gir jaana inki kotaahi hai, aur na hi karaachi kee seRkoN ke khud jaane se in ka koii ta,alluq hai. meire khayaal meiN intezaamiyah ka serbaraah her us baat ka zimmedaar hota hai jo uskey daur e hukmaraani maiN ho.
naazim saheb daawa fermaatey haiN k wo aik din meiN 18 ghantey kaam kertey haiN. lekin jab wo so rahey hotey haiN to poorey shehr ka traffic jam hotya hai. shayad yehi tarqqi hai jo wo chaahtey haiN
sharaab banaane waaloN per nazar rakhna inhi logoN ka kaam hai. in logoN ke eemaa per hi deisee sharaab ki bhattiyaN chalti haiN.
waisey bhi unheiN poorey sooba e sindh kee ''chemistry'' per uboor haasil hona chaahiye. verna kisi aur ke liye raasta choR deina chaahiye.
aapki masbat tanqeed k liye aapka shukr guzaar hooN, aur yaqeenan meiree raaey se ittefaaq aapke liye zaroori nahiN!
khaalid
|
|
|
Post by Atif Mirza on Sept 23, 2007 22:56:23 GMT 5
Khalid Sahib aap kay quick response per khushi huwi aur khoon bhi barha keh abhi tak soch zinda hai.
Main nay arz kia tha keh "HukmranoN ko lataRnay kay liay aur bohut mozoo'aat hain". Main nay yeh nahiN kaha keh 12 May kay Kci walay waq'ay, Jamia Hafsa, Bridge aur kai aur mu'amilat per Hukoomat ka koi qasoor nahin, main kum az kum unhain mu'af nahin kar sakta. Main aap ki rai say partially ittifaq karta hoon.
Thanx, Atif Mirza
|
|
|
Post by Rafi Tabasum on Sept 23, 2007 23:01:01 GMT 5
waqaee yeh bohat bara saneha hay magar asal baat is kay zima darooN ko tlaash karnay ki hay
|
|
|
Post by khalid on Sept 23, 2007 23:35:36 GMT 5
Khalid Sahib aap kay quick response per khushi huwi aur khoon bhi barha keh abhi tak soch zinda hai. Main nay arz kia tha keh "HukmranoN ko lataRnay kay liay aur bohut mozoo'aat hain". Main nay yeh nahiN kaha keh 12 May kay Kci walay waq'ay, Jamia Hafsa, Bridge aur kai aur mu'amilat per Hukoomat ka koi qasoor nahin, main kum az kum unhain mu'af nahin kar sakta. Main aap ki rai say partially ittifaq karta hoon. Thanx, Atif Mirza chaleN partially hi sahi ittefaaq to hai! maiN ye kehta hooN ke jo maiN kehna chaah raha hooN wo bhi to hukoomet hi ki zimme daari hai! aap ya meiN to sharaab ki bhattiyaN nahi chalaatey! theek hai k aur bhi mozooaat haiN, lekin maiN ne her mozu per, aur her waqt kaha hai. aap abhi naey aaey haiN, aapko bhi jald maloom ho jaaey ga ke ke maiN adab k daairey maiN rehty huey hesb e taufeeq her aik ko, aur her mozu (halaat e haazera) per apni raaey deita hooN!
meirey nazdeek in logoN ko talaash ker k saza deina haakim e waqt ki zimmedaari na ke meiree ya aapki. ham log ager kisi ki shikayat kareN to uska kitna acer hota hai, aap ba khoobi jaante haiN. insaani zindgee kee koii qeemat nahiN in logoN k nazdeek.
shuriya!
|
|
|
Post by khalid on Sept 23, 2007 23:40:24 GMT 5
waqaee yeh bohat bara saneha hay magar asal baat is kay zima darooN ko tlaash karnay ki hay janaab rafi sb, aap bhi yaqeenan aik hamdard dil rakhte haiN! aap jin ki talaash ki baat ker rahey haiN, wo to paltey hi police k saaey maiN haiN. aap aur maiN ager talaash kareN ge bhi to police unheN chupa ley gee
|
|
|
Post by Atif Mirza on May 11, 2008 23:14:19 GMT 5
Khalid Sahib aap kay quick response per khushi huwi aur khoon bhi barha keh abhi tak soch zinda hai. Main nay arz kia tha keh "HukmranoN ko lataRnay kay liay aur bohut mozoo'aat hain". Main nay yeh nahiN kaha keh 12 May kay Kci walay waq'ay, Jamia Hafsa, Bridge aur kai aur mu'amilat per Hukoomat ka koi qasoor nahin, main kum az kum unhain mu'af nahin kar sakta. Main aap ki rai say partially ittifaq karta hoon. Thanx, Atif Mirza chaleN partially hi sahi ittefaaq to hai! maiN ye kehta hooN ke jo maiN kehna chaah raha hooN wo bhi to hukoomet hi ki zimme daari hai! aap ya meiN to sharaab ki bhattiyaN nahi chalaatey! theek hai k aur bhi mozooaat haiN, lekin maiN ne her mozu per, aur her waqt kaha hai. aap abhi naey aaey haiN, aapko bhi jald maloom ho jaaey ga ke ke maiN adab k daairey maiN rehty huey hesb e taufeeq her aik ko, aur her mozu (halaat e haazera) per apni raaey deita hooN!
meirey nazdeek in logoN ko talaash ker k saza deina haakim e waqt ki zimmedaari na ke meiree ya aapki. ham log ager kisi ki shikayat kareN to uska kitna acer hota hai, aap ba khoobi jaante haiN. insaani zindgee kee koii qeemat nahiN in logoN k nazdeek.
shuriya! MaiN ab bhi yehi kehta hooN keh unn bandoN ka qasoor nahiN hai kia jo sharaab peetay haiN, MakimoN ko goli maraiN woh kiss kiss ko pakRaiN?
|
|