|
insaan
Aug 5, 2007 22:17:18 GMT 5
Post by tmasood on Aug 5, 2007 22:17:18 GMT 5
insaan ashraf-ul-makhluqaat akhlaaq ,aHsaas aur reh'm kaa majmuaa tehzeeb-o-tamddun kaa manba-o-makhiz masjud-e-malaaik? jab apne maqaam se girtaa hai tau drindoN aur HaiwaanoN ko bhi maat de jaata hai uff yeh insaan
|
|
|
insaan
Aug 5, 2007 23:28:08 GMT 5
Post by Rafi Tabasum on Aug 5, 2007 23:28:08 GMT 5
Sahi kha T masoaood sahiba
|
|
|
insaan
Aug 6, 2007 16:30:03 GMT 5
Post by Sukhanwar on Aug 6, 2007 16:30:03 GMT 5
khoobsoorat khyaal hy aap ka thanx razi
|
|
|
insaan
Aug 6, 2007 17:43:15 GMT 5
Post by Tanweer on Aug 6, 2007 17:43:15 GMT 5
Tahira Masood Sahibah!
Khoob kaha aap nay Pasand aaya. - - - - - - - - - - - - - - - - - - - - - - - - - - - Es hawalay say kuch naam^war shoa^raa jo biyaan kartay hain on mein say kuch ko neechay raqam kar raha hon. Omeed k pasand farmaien gi. - - - - - - - - - - - - - - - - - - - - - - - - - - -
1- Qamar Jalalabadi
kuchh aise bhii lamhe.n merii taqadiir ke guzare[/color] insaan[/i][/color] to insaan[/i][/color] Khudaa kaam na aayaa
- - - - - - - - - - - - - - - - - - - - - - - - - - -
2- Abdul Hameed Adam
jo log jaan buujh ke naadaan ban gaye meraa Khayaal hai ki vo[/color] insaan ban gaye
ham hashr me.n gaye magar kuchh na puuchhiye vo jaan buujh kar vahaa.N anjaan ban gaye
ha.Nsate hai.n ham ko dekh ke arbaab-e-aagahii ham aap kii mizaaj kii pahachaan ban gaye
majh_dhaar tak pahu.Nchanaa to himmat kii baat thii saahil ke aas paas hii tuufaan ban gaye
insaaniyat kii baat to itanii hai shaiKh jii bad_qismatii se aap bhii insaan ban gaye
kaa.NTe bahut the daaman-e-fitarat me.n ai "Adam" kuchh phuul aur kuchh mere armaan ban gaye
- - - - - - - - - - - - - - - - - - - - - - - - - - -
3- Fana Nizami Kanpuri
dil se agar kabhii teraa aramaan jaayegaa ghar ko lagaake aag ye mehamaan jaayegaa
sab honge us se apane ta'arruf kii fikr me.n mujh ko mere sukuut se pahachaan jaayegaa
is kufr-e-ishq se mujhe kyo.n rokate ho tum imaan vaalo meraa hii imaan jaayegaa
aaj us se mai.n ne shikavaa kiyaa thaa sharaaratan kis ko Khabar thii itanaa buraa maan jaayegaa
ab us muqaam par hai.n merii beqaraariyaa.N samajhane vaalaa hoke pashemaan jaayegaa
duniyaa pe aisaa vaqt pa.Degaa ki ek din insaan kii talaash me.n[/color] insaan [color=greenjaayegaa[/color][/b]
- - - - - - - - - - - - - - - - - - - - - - - - - - -
4- Mirza Ghalib
daayam pa.Daa huaa tere dar par nahii.n huu.N mai.n Khaak aisii zindagii pe ke patthar nahii.n huu.N mai.n
kyuu.N gardish-e-mudaam se ghabaraa na jaaye dil insaan huu.N piyaalaa-o-saaGar nahii.n huu.N mai.n
yaa rab! zamaanaa mujh ko miTaataa hai kis liye lauh-e-jahaa.N pe harf-e-mukarrar nahii.n huu.N mai.n
had chaahiye sazaa me.n uquubat ke vaaste aaKhir gunah_gaar huu.N kaafir nahii.n huu.N mai.n
- - - - - - - - - - - - - - - - - - - - - - - - - - -
5- Bahadur Shah Zafar
hamane duniyaa me.n aake kyaa dekhaa dekhaa jo kuchh so Khvaab-saa dekhaa
hai to insaan Khaak kaa putalaa lek paanii kaa bul-bulaa dekhaa
Khuub dekhaa jahaa.N ke Khuubaa.N ko ek tujh saa na duusaraa dekhaa
ek dam par havaa na baa.Ndh habaab dam ko dam bhar me.n yaa.N havaa dekhaa
- - - - - - - - - - - - - - - - - - - - - - - - - - -
6- A nazm by Shahryar titled 'nayaa amrit'
davaao.n kii alamaariyo.n se sajii ik dukaa.N me.n mariizo.n ke anboh me.n muzmahil saa ik insaa.N kha.Daa hai jo ik kuba.Dii sii shiishii ke siin epe likhe hue ek ik harf ko Gaur se pa.Dh ahaa hai magar is pe to zahar likkhaa huaa hai is insaa.N ko kyaa marz hai ye kaisii davaa hai[/color]
- - - - - - - - - - - - - - - - - - - - - - - - - - -
7- Sagar Siddiqui
bargashtaa-e-yazdaa.N se kuchh bhuul hu_ii hai bhaTake hue[/color] insaan se kuchh bhuul hu_ii hai
taa hadd-e-nazar shole hii shole hai.n chaman me.n phuulo.n ke nigeh_baan se kuchh bhuul hu_ii hai
jis ahad me.n luT jaaye faqiiro.n kii kamaa_ii us ahad ke sultaan se kuchh bhuul hu_ii hai
ha.NSate hai.n merii suurat-e-maftuu.N pe shaguufe mere dil-e-naadaan se kuchh bhuul hu_ii hai
huuro.n kii talab aur mai-o-saaGar se hai nafrat zaahid tere irfaan se kuchh bhuul hu_ii hai
- - - - - - - - - - - - - - - - - - - - - - - - - - -
8- Jigar Moradabadi
bujhii hu_ii shamaa kaa dhuaa.N huu.N aur apane markaz ko jaa rahaa huu.N ke dil kii hastii to miT chukii hai ab apanii hastii miTaa rahaa huu.N
muhabbat[/color] insaan kii hai fitarat kahaa hai anqaa ne kar ke ulfat vo aur bhii yaad aa rahaa hai mai.n us ko jitanaa bhulaa rahaa huu.N
ye vaqt hai mujh pe bandagii kaa jise kaho sajdaa kar luu.N varnaa azal se taa be-afriinat mai.n aap apanaa Khudaa rahaa huu.N
zabaa.N pe labbaik har nafas me.n zamii.n pe sajde hai.n har qadam par chalaa huu.N yuu.N but_kade ko naaseh ke jaise kaabe ko jaa rahaa huu.N
- - - - - - - - - - - - - - - - - - - - - - - - - - -
9- Nisar Tareen Jazib
mujh se karataa thaa na milane ke bahaane kitane ab guzaaregaa mere saath zamaane kitane apanii taKhliiq me.n insaan ko shaamil kar ke dukh uThaaye hai.n Khudaa jaane Khudaa ne kitane
- - - - - - - - - - - - - - - - - - - - - - - - - - -
10- Qabil Ajmeri
tum na maano magar haqiiqat hai ishq insaan kii zaruurat hai
kuchh to dil mubatalaa-e-vahashat hai kuchh terii yaad bhii qayaamat hai
mere mahabuub mujh se jhuuTh na bol jhuuTh suurat-e-gar sadaaqat hai
jii rahaa huu.N is aitamaad ke saath zindagii ko merii zaruurat hai
husn hii husn jalve hii jalve sirf ehasaas kii zaruurat hai
us ke vaade pe naaz the kyaa kyaa ab dar-o-baam se nadaamat hai
us kii mahafil me.n baiTh kar dekho zindagii kitanii Khubsuurat hai
raastaa kaT hii jaayegaa 'Qabil' shauq-e-manzil agar salaamat hai
Tanweer
|
|
|
insaan
Aug 6, 2007 19:46:54 GMT 5
Post by tmasood on Aug 6, 2007 19:46:54 GMT 5
moHteram Tanweer Saheb
salaam
mujhe Hairat ho rehi hai keh aap ne iss cahuThi si nazm ki taaeeed maiN itnee khoobSurat aur itnee ziyaadah aur mustnid miCaaleiN dee haiN aur iss teraH ker k esko mo'Atbar ker diyaa hai
bohat bohat shuekriyah
isee behaane itnaa saara khoobSurat kalaam paRhen ko bhi mil gayaa
very well done
wassalam
|
|
|
insaan
May 11, 2008 19:28:12 GMT 5
Post by Atif Mirza on May 11, 2008 19:28:12 GMT 5
Nasri kaavish per daad hazir hai.
|
|
|
insaan
Mar 26, 2009 14:56:01 GMT 5
Post by tmasood on Mar 26, 2009 14:56:01 GMT 5
Nasri kaavish per daad hazir hai.
Atif bha'ee
salaam
woh kayaahuaa keh maiN is thread ko bhool gaee thi
aaj yaad aay aur aap jaise karamfermaoN ki aara paRheiN
daer se sahi magar jawaab denaa aur shukeriya adaa kernaa tau azaroori thaa
is liye dilee shukeriyah qabool fermaaiN
wassalam
|
|
jooni
sukhanshanas
Posts: 480
|
insaan
Mar 27, 2009 0:09:54 GMT 5
Post by jooni on Mar 27, 2009 0:09:54 GMT 5
Aik achhi nazm per daad hazir hai.
|
|
|
insaan
Mar 30, 2009 20:38:55 GMT 5
Post by tmasood on Mar 30, 2009 20:38:55 GMT 5
Aik achhi nazm per daad hazir hai. shukeriyah Jooni Bha'ee
so nice of you
apni raaeys e nawaazne kaa bohat bohat shukeriyah
|
|