ab kay ta had-e-nazar,khaak nasheen heiN ye sitarooN kay hujoom
Khaab zarooN pe jhapatty heiN samajoN kay uqaab
aur tareekh junooN khaiz hoe jati hay
kitni ye wadi-e-ay-oohaam fasooN khiaz hoe jati hay
jis tammanna pe jeay ahl-e-hawas
usi ehsas ki tabeer mili hay unko
aik he geet ki jhankaar pe heiN raqs kunaN ahl-e-qafas
gaty jaty heiN wohi aik he dhun ko
ye jo hangama-e-hasti hay yahaN
ye jo ghaughaa-e-alasti hay yahan
aik shair kay leay kuch bhi nahi
kuch nahi,zair-o-zabar kuch bhi nahi
kuch nahi us kay leay shaam-o-sahar kuch bhi nahi
aik soraj say zayada hay magar us kay takhayyul ka charagh
wusaat-e-kar-e-jahaN us kay leay kar-e-faragh
us ki ye door ufuq taab nigaheiN tiry aflaak pe markooz nahi
yahaN ram bharty heiN aahoo-ay-ghazal
yahaN ik jaysay shab-o-rooz nahi
us ki in door ufaq taab nigahooN kay leay qabil-e-taskheer hay attom
ye jo chauda(14) heiN tabbaq, us kay takhayyul kay leay kam
aik parmaatma shair nay kaha tha us ko
Hafizaa! door nahi shula-e-shabnam
" dar khiraabaat-e-mughaN noor-e-khuda mee beenam"