|
Post by Sukhanwar on May 15, 2007 16:02:36 GMT 5
yeh meri zindagi kay pehlay janazay ka ahwaal hy jo meri kitab raftgaan e multan ka pehla mazmoon ban gia bohat sy doston k liay meri yeh tehreer nai ho gi aap ki aara ka muntazir rahoon ga thanx razii-ud-din razi
|
|
|
Post by shahkaar on May 15, 2007 22:46:57 GMT 5
Razi bhai
aap ki kitaab meibn yeh mazmoon parhaa tha, samajh nahi ata is mazmoon koadbi fanparay ki haseyat se parhoon ya keh apnoon keh bicher janay per kehay gaye ik nohay kay taur per,
i am totaly speechless.i am sorry
|
|
|
Post by kanwal on May 16, 2007 1:30:39 GMT 5
Razi jee ,...
"Pehla Janaza" kya parha apni zindagi ka pehla janaaza yaad aa gaya jo meri dadi ka tha aur shayed us waqt meri umr 3 saal ki na ho kiyonke main logoN ko badi herat se dekha karti ke yeh rote kaise haiN, yeh bain kaise karte haiN, mujhe bhi rona chahiye, mera koi bohat apna gaya hai, magar aik aansoo tak bhi aankh ki dehleez tak na aaya aur Ab,...
Ab yuN lagta hai jaise andar ik selaab hai,... bachpan ki kuch fazool si duaeiN bhi poori ho jaati haiN ,........
yeh "pehla janaza" parh ke "Maa ghar khaab" yaad aaya jo maine apni poopho ki yaad meiN likha,...jisse aakhri araamgah bhi baantni pari ,....
yeh parh kar apni 7 saala behn ka janaaza aankhoN ke saamne aa gaya jisse bidah kiye 10 saal ho gaye haiN aur itne badqismat haiN ke uski khabr lene tak bhi nahiN aa sakte,.... jaane pakistaan aana hua to kya haal hoga jab unki khabr lene jaayeinge, bohat dil karta hai wahaN aane ka sirf unke liye jo humara intzaar karte karte khud mitti ho gaye,.... Pata nahiN khuda ko kya manzoor hai.....
Dukh aik se hi hote haiN,....inka koi ranG nahi,... jis rang meiN bhi daalo ussi ke lagte haiN ,...
yeh dilkharash tehreer dil ki hadood tak ko chhooti chali gayee aur khaas tor pe aakhri satoor ke:
Aankh nam kar di aapki inn satoor ne, uss ehsaas ne andar tak hilaa ke rakh diya jo 3 saala bache ne kabhi mehsoos kiya hoga.
Khuda TalaaH humare buzrgoN ka saaaya hum pe rakhe, wo raheiN na raheiN unki duaeiN humesha humaara muhaasra karti rehti hai, yeh jo hum aage barhte haiN na, taraqiyaN karte haiN yeh unhi ki duaoN ka hi to nateeja hai warna hum to bade hi kamzor haiN,...
|
|
|
Post by Rafi Tabasum on May 16, 2007 1:58:46 GMT 5
bra aham mazmoon hay Razi bhai aap ki ketaab main bhi daekhain gay INSHA ALLAH
|
|
|
Post by ramishjaan on May 18, 2007 15:08:22 GMT 5
AOA mohtram razi bhai ap ka mazmoon padha our ese lagta raha ke jese ap ne apni keefiyat ke sath sath mere dil ki awaz ko bhi apni tehreer ke ayene me dekh liya ap ka mazmoon padh kar us 3 sala bache ko sochte sochte ek dam mujhe wo 6 sala bacha yad ageya jo 1972 ki ek shab hospital me apni walda ke sath geya our dekha ke us ka bap hospital me esi halat me he ke sab bade keh rahe hain ke duaa kare kion ke dr,s ne us ke cencer ke opration ke bad jawab de diya tha jab ke us ke sara peet khol kar usi waqt dobara band kar diya geya tha ke cencer esi halat me he ke koi ilaj nahi wo bacha in tumam bato se benyaz ho kar be tab he ke apne bap ke seene par charh ke bethe our use peyar kare magar tumam log use mana kar rahe hain ke beta ab nahi magar wo shafeeq baap esi halat me bhi jab ke us ka sara peet opration ki wajha se tanko se seeya howa he us 6 sala bache ko apne seene par bitha leta he ke shayd yeh us ki us apne bete se akhari mulaqat thi shayd wo shafeeq bap nahi chahta tha ke in lamho me wo beta kisi mehromi ka shikar ho jis ne bad me sari zindagi bap ki shafqat se mehrom ho jana tha so wo use apne seene par bitha kar peyar karta he our bohat peyar karta he phir mujeh woh manzar yad ageya jab raat ke 10 baje achnak ahoo zari ki awaz se wo bacha uth jata he our us ki badi bahne apne sath chimta kar use yeh afsos nak khabar sunati hain ke beta aj is pal se tum hamesha ke liye baap ki shafqat se mehraom ho wo 6 sala bacha kuch smajhta he kuch nahi samjhta magar ghar ka mahol use yaqeen dila deta he ke esa kuch howa he jo shayd ab tak us ki zindagi me nahi howa tha phir bap ki naash par bade bhaion ka behno ka rona our maan ka wo sabar wo zabt jo wo apne shohar ki wafat par sirf apne bacho ko hosla dene ke liye dikhati he wo sab manzar bhi ap ke is mazmoon ne meri yadon me ujagar kar diye kion ke us bache ka name rashid tha jee mera hi bachpan tha jab me ne bhi apni zindagi ka pehla janaza apne hi bap ka dekha ......................................................
razi bhai zindagi me bohat si cheeze bohat si tehrerre ese mehsos hoti hain ke ap ke dil ki awaz hain magar ap ki yeh tehreer meri rooh ke sath meri yadon ke sath esi peewasta mehsos hoi ke keya bataoN dil bar bar is tehreer ko parhne ke liye be chayn rehta he ke ek bar our parho take tumhe wo ehsas jo shayd us waqt itni yaqeen ke sath nahi howa tha wo dukh jo tum ek bache ki hesiyat me mehsos nahi kar sake go ke us ke bad aj tak wo kami pal pal lamha lamha zindagi me sath sath chali magar wo dukh jo ek samjhdar bacha kisi apne bohat apne ki wafat par karta he wo ehsas dil me ujagar kar diya ap ki tehreer .......................................... razi bhai me is mazmoon ki har satar parhne ke sath sath apni num ankho se our rote howe dil se ap ke liye apne liye our duniya ke har us shakhs ke liye duaa go hon jin se un ke mohabate karne wale juda hain ALLHA talla hum sab ko apne fazal se apni rehmat se sabar ki toufeq atta farmye ameen .... aj apna ek maqta bari shidat se yad araha he
jin ka milna muhal he ramish un ki yadin azaab hoti hain
|
|
|
Post by uzair on May 21, 2007 12:45:47 GMT 5
wah razi bhai,,,,,, yeh pehly aap ki kitabb main perha laken jab aj yahan nazer aya to perhy bina nahi reh saka.. bohat khob likhty hain ap aap ki her tehrer perhny k khahishmand hon... or aik din sab hi perh leni hain,,,,,
|
|
|
Post by Ghazalsara on May 22, 2007 17:49:32 GMT 5
Salam,mazmoon ki uthan say kitab k mawad oor aap k dili jazbat ka andaza hota hay.aagay aap ka makhsos rang yaqeenan aankhon ko nam rakhay ga, aap ki nazr aik sher jo main nay apnay walid ki wafat par kaha tha makan ka zikr kia?aehsas e bam o dar bhi gaya main jis ki chhaoon main baitha tha wo shajar bhi gaya
|
|
|
Post by muzafarmohsin on May 25, 2007 22:27:24 GMT 5
BOOK Samne Ha.....Sari Kitaab Hi Jazbatti Tehreeron aur Information se Bharpoor Ha...
|
|
|
Post by Atif Mirza on Sept 21, 2007 21:03:05 GMT 5
Be-Ikhtiyar aansoo! Bus Razi Bhai yehi kuch tabrsra kar sakta hoon, saari laffazi dhari ki dhari reh jati hai jab kissi say ta'ziyat karnay kay liyaey kuchh kehnay lagta hoon. "Dil say jo baat naikalti hai asar rakhti hai Per nahin taqat-e-parwaz magar rakhti hai"
Atif Mirza
|
|
|
Post by phototech81 on Nov 2, 2007 16:55:02 GMT 5
Aslam o Alekum Muhtaram janab Razi Sahab Pehla Janaza aaj hi nazar sy guzra aur iss ko parny ki sadat hasal hovi main ny aap k poetry parhi hai aur nsar pehi dafa parhi hai aap ki ye aabiti par k esa lag raha tha k jesy ye waqeya mari negaho k samany ho raha ho yaqenan jesy ye mazmon boaht mubda hai ishi tarha aap ki book bi umda hogi INSHAHALLAH aap ki book bi parhny ki sadat hasal karon ga baoht shukrea
|
|
zaki
sukhanshanas
Posts: 446
|
Post by zaki on May 9, 2009 12:06:58 GMT 5
Razi bhai, jiss yehreer mein sachaai ho woh pur assar hoti hai .... yeh koi afsaana, kahani, ya koi khaayali waqia nahi hai ... iss leay iss mein jazbaat aur woh dard jiss ko app ne mehsoos kia bayan kia hai ... qari ko apni girift mein le leta hai aur aise lagta hai jaise yeh ussi ka he waqia hai... dil mein utarti hui tehreer jo ankho ko nam kar gai .... Sada khush raheay ...
|
|
|
Post by Ramin Mughal on Jun 22, 2009 16:53:12 GMT 5
……………………...*……………………… …………………..***……………………… ……………....*****………………...... .............*******................. …………..*********…………………. ………...**********……………….. ………...**********…………….... ………....*********……………….. ………………******…………………… .................**.....................
Dil khoon ke aansoo rota hai. Razi sb!
|
|
|
Post by Atif Mirza on May 1, 2011 15:13:49 GMT 5
Razi bhai iss baar main nahin roya yeh mazmoon paRh kar, kiyooN keh guzishta aik baras kay liay uss nojawan kay liay ronay ki koshish kar raha hoon jisay aakhri ghusl main nay diya. Uss ki umr ab hamesha 31 baras rahay gi. Woh khud kisi ko ronay nahin deta tha. Ab ansoo ankhon kay shishon ko sirf dhundlanay tau nikal paRtay haiN magar bahaao ki himmat nahin kar patay keh haNsanay wala naraz na ho jaay.
|
|
|
Post by ashfaaq on May 1, 2011 16:50:06 GMT 5
razi ji Allah aap ke waalid sb ko jannat main aala muqaam atta farmay.wese wo jannat main bahut mutmain hon ge ke baad main assi aulaad chori he jo un ke naam ko zinda kie hue he Khuda aap ko is ka ajar aata farmaye aameen
|
|
sahil
ibtidaai rukn
Posts: 66
|
Post by sahil on May 17, 2011 13:30:04 GMT 5
Razi Bahi! Me Aap Ka Dukh Samjh Sakta Hoon. Allah Aap Ke Walid e Mohtarm Ko Janat Naseeb Farmaay! Merey Under Bhi Aik Aisa Qaberistan Abad He. Jis Ke Wast Main Meri Maan Abdi Nend Soo Rahi He.Orr Me Aaj Bhi Apni Maan Ke Qadmoon Main Baitha Sirf Itna Jannay Ka Muntizer Hoon Keh Maaain Apney Bachoon Ko Is Tapti Dhoop Main Julasta Chhorr Kar Kioun Chali Jati Hen?
|
|