Post by Tanweer on Sept 30, 2008 15:06:11 GMT 5
Sukhanwar k doston ko mera salam phonchay, aik adna si kawish aap k saath share kar raha hon, omeed k pasand farmaien gay.
================================
Sachi Khushi[/size]
Jawaid aaj subah say he bohat khush tha, musaratien oskay chahray aur aik aik harkaat o siknat say ayaan thee, bat baybaat oskay chahrey par aik anjana sa khafeef tabasum lehra jata tha...en he khushkun taswarat ko zehn mein basae wo office ko rawana hoova, aur yeh sab kuch es liey tha kay aaj os kay aklotay lakht-e-jigar aur aunkhoun kay taray Jamal ke panchvien (5th) salgirah thee..... rastay mein oski nigaah jaisey he Nirala sweet house par pari os nay apni bike foran wahn roki, aur birthday cake ka order day diya.....
office mein bhi aaj Jawaid har aik say khush ikhlaqi say mil raha tha, apna har kam wo jald say jald nimta dena chah raha tha, keounkay oskay zehan mein tha kay chuhti kay waqat seedha ghar ko nikal jaey, koi rukawat na parey, bar bar oski nigahoun mein nanhay Jamal ka muskarata chehra lehra jata jis nay subah office nikaltay hoovay apni meethee zaban say Jawaid ke bahoun mein jholtay hoovay aur Jawaid ka oskay mathey par piyar laytey hoovey kaha tha "Papa aaj hamali shaldirah hay, take (cake) laien day (gay) na"....
Sham ko hawa kay ghorey par sawar jab Jawaid ghar phoncha to nanha Jamal darwazay par khara oska entezar kar raha tha, Jawaid nay bike khari kar kay osey utha liya piyar kiya aur andar chala gaya...Jamal ke ammi (Jabeen) Jawaid kay kapray tiyar kar rahi thee, dono bap beta neechay bichHi chandni par dheenga mushti kar rahay the... Jabeen nay andar say awaz de "Jawaid jab tak mein Jamal kay kapray theek karti houn, aap chae pee kar zara Jamal ko bahir leja kar ghuma laien, subah say shor macha raha tha kay papa aien gay to mujhay bike par sair karaien gay"
Jabeen nay nanhay Jamal kay sar par ooni topi pehnae, hathoun mein dastanay charhay, jacket pehnaee, pichlay chand roz say mousam kafi sard ho chala tha, Abbotabad aur Murree ke tarf say barfeeli havaien chal rahi theen. Aur dono bap beta bahir nikal gae, Jawaid nay bazar ka aik chakar laga kar Jawaid ko khilonay khareed kar diey, wapsi par rastay mein fruit shop dekh kar Jamal machal gaya "papa ham jooosh (juice) peeouN da" aur nanhay Jamal ke koi farmaish aur khushi to jaisay Jawaid kay liey duniya kay har kam say barh kar hoti thee...
Jawaid nay bike aik side par khari ke aur Jamal ko bazooun mein uthata hoova fruit shop kay andar janay laga.....
"ae bacho hato yahn se rasta do", dukan kay tahray kay saath he 2 afghan bachay baithay the jinko dekh kar jawaid nay yeh jumla ada kiya tha...
dono bachay baghair paouN mein jotoun kay, aur badan par aik aik halki phulki se qameez, aur phati purani aur mael khorda puranay say sweeter atkay baithey the...... ujli gori rangat jo na janey kab kahien ghusal kiya ho ga gehnaee hovi thee, baal aisey kay jaisey kisi nay mati utha kar onkay sar mein undail de ho, aur wo baytarteeb say guchahay banay bikhray paray the....
Jawaid ke baroub aur daant bhari awaz sun kar dono bachay seham kar aik taraf khari rehri kay neechay dabak gaey jaisay es kee panah mein wo sard seenooun kay par guzarti hawa say bach jaien gay....
Jawaid betay ko lay kar andar gaya, air tight darwazoun ke wajah say andar ka mahol kafi garam tha, Jamal ko aik table par bitha kar Jawaid khud counter par gaya aur apni nigrani mein Jamal ka pasandeeda juice banwanay laga, kay kahien koi purana gala sarRa phal na par jaey....
Juice bananay waley nay shaker mein phal daley button on kiya, aur keyloun (bananas) kay chilkay aur saib (apples) ka gooda aik shoper mein dala aur khirki say bahir dust bin ka nishana lay kar phenk diya...... you he insaani nafsiyat kay zair e asar Jawaid ke nigaahoun nay os shopper ka taaqub kiya .....
aur aur jo kuch Jawaid nay dekha os ke rooh kaanp gae, tarap gae, zehan kay taar jhunjhuna gaey...
Uff meray malik aisa bhi hay ... hoova yeh tha ka jab fruit juice bananay walay nay wo shopper bahir phenka to wo he dono afghan bachey aik uqaab ke tarah apni kameen gaah say lapkay aur toot paray os fruit kay maslay hoovay gooday par...... ya maray khuda, wo kayloun kay chilkay kaha rahey thee, onhien apnay ird gird ke koi khabar na thee, aur wo es qadar tezi say os dust bin say wo ghiza kaha rahay thee, jis mein aur na janay kiya kiya ghilazat ho ge, sath he shehd ke makhiyan aur aam makhiyan bhi bhinbhina rahi theen...
aur wo masoom bachay jo na janay kis ke aunkhoun ka noor honge, kis kay dil ka tukra honge, lekin imtedaad e zamana aur zalim waqat kay thapayroun ke sakhtiyoun kay hathoun majboor o baykas ho kar apnay pait ke dozakh bujha rahay the, youn jaisay aab nahi to phir kabhi na mil paey ge khoraak.......
Jawaid es manzar ke taab na la saka aur sar pakar kar wahn he aik stool par dhair ho gaya, kuch zehan o dil say bojh utra to Jamal ko lay kar khali zehan kay saath ghar phoncha, jahan Jabeen on dono kay entezar mein halkan hoovi ja rahi thee...
Salgirah ke taqreeb na janay kab khatam hoovi, kab Jabeen aur nanha Jamal so gaey..... shaid Jawaid aaj osay poori tawajah bhi na day paya, aisa shaid pehli bar hoova tha.....
Jawaid ka dimagh kahien aur he ghoom raha tha, bas wo do chehray oski nigahoun mein ghoom rahey the... wo sehmi sehmi aunkhien, phir achanak wo sehmi nigahien, jo kisi uqaab ke manind apnay shikar par jhapti theen, pait ke aag bujhanay ko wo har khouf say bayniyaz ho kar medan mein aa gaey they.....
Jawaid raat gaey tak yeh sochta raha kay wo kuch karay en bachouN kay liey kuch karay, lekin kiya ??
kiya os mein itni himat aur ikhlaqi jurat hay kay wo en bachoun ko g^od lay lay.. nahi yeh os kay liey mumkin nahi tha.... Jabeen kahn apnay ladlay kay sath bin ma baap kay melay kuchailay bachoun ko apni mamta sanjh kar sakti hay.... Jawaid soch raha tha "mein en bachoun ko school mein dakhil karwa deta houn ya lawaris bachoun kay markaz mein lay jata houn...."
lekin yeh sab sochnay ke had tak mumkin tha... en batoun par amli jama pehnana os kay bas say bahir tha...oski apni majbooriyan mehdood tankhah aur amadni kay zaraey, en sab mein bhala yeh kahn mumkin tha os kay liey..... oskay zehan mein aur bhi bohat se sochein theen, chalo agar mein yeh sab nahi kar sakta to kiya wo log jo sahib -e- istaytaaut hein on mein say kisi ko qom kay yeh nonehal nazar nahi aatey, kisi ka dil en ko dekh kar nahi paseejta.... kisi bap ke shafqat , aur kisi ma ke mamta enko dekh kar nahi tarapti......
koi to ho jo en mustaqbil kay meymarouN ko sahara day, ik dast-e-shafqat rakhay en par ..... aaj hamaray mulq kay konay konay mein na janay aisey kitnay hee johar mati mein rul rahay honge....
kiya yeh he hay hamari qom ka roshan mustaqbil......
Aur bilakhir Jawaid nay aik faisla kiya, aik iradaah bandha, aur kuch masroor aur shadaan ho kar neend ke wadi mein ja soya ......... lekin aik pursakoon se muskrahat oskey laboun par taer rahi thee....
Aaj ke subah bohat nikhri hoovi thee, aftab ke hararat say roshan kirno say thithray hoovay badan hararat pa rahey the.... nashtay par Jawaid nay Jabeen ko kal ka guzra hoova waqia sunaya aur apni khahish ka izhaar kiya kay "aaj wo dhoondh dhand kar on dono bachoun ko laey ga, aur ham sab mil kar onki salgiraah manatay hein"
Yeh sab sun kar Jabeen ka gala bhi rundh gaya aur os nay kaha "zaroor jawaid kam az kam ham on bachoun ko thori dair ko khushi to baham phoncha paien gay... aur haan app nay aik kam aur bhi karna hay, enko madrasa mein dakhil bhi karwana hay, aur inkay tamam akhrajaat ham bardashat karien gay, zara sochien to agar hamari aur aulaad ho ge to kiya ham onki zaroortien aur zima dariyaan poori nahi karien gay, ham yeh he samjhein gay kay Allah Tallah nay hamari jholi mein 2 phool aur daal diey hein..."
aur firt-e-musarat say Jawaid nay Jabeen[/b][/size] ko apni bahoun mein samait kar oski Jabeen[/b][/size] choom lee......
================================
Sachi Khushi[/size]
Jawaid aaj subah say he bohat khush tha, musaratien oskay chahray aur aik aik harkaat o siknat say ayaan thee, bat baybaat oskay chahrey par aik anjana sa khafeef tabasum lehra jata tha...en he khushkun taswarat ko zehn mein basae wo office ko rawana hoova, aur yeh sab kuch es liey tha kay aaj os kay aklotay lakht-e-jigar aur aunkhoun kay taray Jamal ke panchvien (5th) salgirah thee..... rastay mein oski nigaah jaisey he Nirala sweet house par pari os nay apni bike foran wahn roki, aur birthday cake ka order day diya.....
office mein bhi aaj Jawaid har aik say khush ikhlaqi say mil raha tha, apna har kam wo jald say jald nimta dena chah raha tha, keounkay oskay zehan mein tha kay chuhti kay waqat seedha ghar ko nikal jaey, koi rukawat na parey, bar bar oski nigahoun mein nanhay Jamal ka muskarata chehra lehra jata jis nay subah office nikaltay hoovay apni meethee zaban say Jawaid ke bahoun mein jholtay hoovay aur Jawaid ka oskay mathey par piyar laytey hoovey kaha tha "Papa aaj hamali shaldirah hay, take (cake) laien day (gay) na"....
Sham ko hawa kay ghorey par sawar jab Jawaid ghar phoncha to nanha Jamal darwazay par khara oska entezar kar raha tha, Jawaid nay bike khari kar kay osey utha liya piyar kiya aur andar chala gaya...Jamal ke ammi (Jabeen) Jawaid kay kapray tiyar kar rahi thee, dono bap beta neechay bichHi chandni par dheenga mushti kar rahay the... Jabeen nay andar say awaz de "Jawaid jab tak mein Jamal kay kapray theek karti houn, aap chae pee kar zara Jamal ko bahir leja kar ghuma laien, subah say shor macha raha tha kay papa aien gay to mujhay bike par sair karaien gay"
Jabeen nay nanhay Jamal kay sar par ooni topi pehnae, hathoun mein dastanay charhay, jacket pehnaee, pichlay chand roz say mousam kafi sard ho chala tha, Abbotabad aur Murree ke tarf say barfeeli havaien chal rahi theen. Aur dono bap beta bahir nikal gae, Jawaid nay bazar ka aik chakar laga kar Jawaid ko khilonay khareed kar diey, wapsi par rastay mein fruit shop dekh kar Jamal machal gaya "papa ham jooosh (juice) peeouN da" aur nanhay Jamal ke koi farmaish aur khushi to jaisay Jawaid kay liey duniya kay har kam say barh kar hoti thee...
Jawaid nay bike aik side par khari ke aur Jamal ko bazooun mein uthata hoova fruit shop kay andar janay laga.....
"ae bacho hato yahn se rasta do", dukan kay tahray kay saath he 2 afghan bachay baithay the jinko dekh kar jawaid nay yeh jumla ada kiya tha...
dono bachay baghair paouN mein jotoun kay, aur badan par aik aik halki phulki se qameez, aur phati purani aur mael khorda puranay say sweeter atkay baithey the...... ujli gori rangat jo na janey kab kahien ghusal kiya ho ga gehnaee hovi thee, baal aisey kay jaisey kisi nay mati utha kar onkay sar mein undail de ho, aur wo baytarteeb say guchahay banay bikhray paray the....
Jawaid ke baroub aur daant bhari awaz sun kar dono bachay seham kar aik taraf khari rehri kay neechay dabak gaey jaisay es kee panah mein wo sard seenooun kay par guzarti hawa say bach jaien gay....
Jawaid betay ko lay kar andar gaya, air tight darwazoun ke wajah say andar ka mahol kafi garam tha, Jamal ko aik table par bitha kar Jawaid khud counter par gaya aur apni nigrani mein Jamal ka pasandeeda juice banwanay laga, kay kahien koi purana gala sarRa phal na par jaey....
Juice bananay waley nay shaker mein phal daley button on kiya, aur keyloun (bananas) kay chilkay aur saib (apples) ka gooda aik shoper mein dala aur khirki say bahir dust bin ka nishana lay kar phenk diya...... you he insaani nafsiyat kay zair e asar Jawaid ke nigaahoun nay os shopper ka taaqub kiya .....
aur aur jo kuch Jawaid nay dekha os ke rooh kaanp gae, tarap gae, zehan kay taar jhunjhuna gaey...
Uff meray malik aisa bhi hay ... hoova yeh tha ka jab fruit juice bananay walay nay wo shopper bahir phenka to wo he dono afghan bachey aik uqaab ke tarah apni kameen gaah say lapkay aur toot paray os fruit kay maslay hoovay gooday par...... ya maray khuda, wo kayloun kay chilkay kaha rahey thee, onhien apnay ird gird ke koi khabar na thee, aur wo es qadar tezi say os dust bin say wo ghiza kaha rahay thee, jis mein aur na janay kiya kiya ghilazat ho ge, sath he shehd ke makhiyan aur aam makhiyan bhi bhinbhina rahi theen...
aur wo masoom bachay jo na janay kis ke aunkhoun ka noor honge, kis kay dil ka tukra honge, lekin imtedaad e zamana aur zalim waqat kay thapayroun ke sakhtiyoun kay hathoun majboor o baykas ho kar apnay pait ke dozakh bujha rahay the, youn jaisay aab nahi to phir kabhi na mil paey ge khoraak.......
Jawaid es manzar ke taab na la saka aur sar pakar kar wahn he aik stool par dhair ho gaya, kuch zehan o dil say bojh utra to Jamal ko lay kar khali zehan kay saath ghar phoncha, jahan Jabeen on dono kay entezar mein halkan hoovi ja rahi thee...
Salgirah ke taqreeb na janay kab khatam hoovi, kab Jabeen aur nanha Jamal so gaey..... shaid Jawaid aaj osay poori tawajah bhi na day paya, aisa shaid pehli bar hoova tha.....
Jawaid ka dimagh kahien aur he ghoom raha tha, bas wo do chehray oski nigahoun mein ghoom rahey the... wo sehmi sehmi aunkhien, phir achanak wo sehmi nigahien, jo kisi uqaab ke manind apnay shikar par jhapti theen, pait ke aag bujhanay ko wo har khouf say bayniyaz ho kar medan mein aa gaey they.....
Jawaid raat gaey tak yeh sochta raha kay wo kuch karay en bachouN kay liey kuch karay, lekin kiya ??
kiya os mein itni himat aur ikhlaqi jurat hay kay wo en bachoun ko g^od lay lay.. nahi yeh os kay liey mumkin nahi tha.... Jabeen kahn apnay ladlay kay sath bin ma baap kay melay kuchailay bachoun ko apni mamta sanjh kar sakti hay.... Jawaid soch raha tha "mein en bachoun ko school mein dakhil karwa deta houn ya lawaris bachoun kay markaz mein lay jata houn...."
lekin yeh sab sochnay ke had tak mumkin tha... en batoun par amli jama pehnana os kay bas say bahir tha...oski apni majbooriyan mehdood tankhah aur amadni kay zaraey, en sab mein bhala yeh kahn mumkin tha os kay liey..... oskay zehan mein aur bhi bohat se sochein theen, chalo agar mein yeh sab nahi kar sakta to kiya wo log jo sahib -e- istaytaaut hein on mein say kisi ko qom kay yeh nonehal nazar nahi aatey, kisi ka dil en ko dekh kar nahi paseejta.... kisi bap ke shafqat , aur kisi ma ke mamta enko dekh kar nahi tarapti......
koi to ho jo en mustaqbil kay meymarouN ko sahara day, ik dast-e-shafqat rakhay en par ..... aaj hamaray mulq kay konay konay mein na janay aisey kitnay hee johar mati mein rul rahay honge....
kiya yeh he hay hamari qom ka roshan mustaqbil......
Aur bilakhir Jawaid nay aik faisla kiya, aik iradaah bandha, aur kuch masroor aur shadaan ho kar neend ke wadi mein ja soya ......... lekin aik pursakoon se muskrahat oskey laboun par taer rahi thee....
Aaj ke subah bohat nikhri hoovi thee, aftab ke hararat say roshan kirno say thithray hoovay badan hararat pa rahey the.... nashtay par Jawaid nay Jabeen ko kal ka guzra hoova waqia sunaya aur apni khahish ka izhaar kiya kay "aaj wo dhoondh dhand kar on dono bachoun ko laey ga, aur ham sab mil kar onki salgiraah manatay hein"
Yeh sab sun kar Jabeen ka gala bhi rundh gaya aur os nay kaha "zaroor jawaid kam az kam ham on bachoun ko thori dair ko khushi to baham phoncha paien gay... aur haan app nay aik kam aur bhi karna hay, enko madrasa mein dakhil bhi karwana hay, aur inkay tamam akhrajaat ham bardashat karien gay, zara sochien to agar hamari aur aulaad ho ge to kiya ham onki zaroortien aur zima dariyaan poori nahi karien gay, ham yeh he samjhein gay kay Allah Tallah nay hamari jholi mein 2 phool aur daal diey hein..."
aur firt-e-musarat say Jawaid nay Jabeen[/b][/size] ko apni bahoun mein samait kar oski Jabeen[/b][/size] choom lee......