Sukhanwar ehbab ki nazar ek haqeer si kawish:
Arz kiya hay:
Derd ki Raat ki sahar na huee
Zindgi chain sey basar na huee
Jis gali mein ganwa di umr tamam
Wo gali teri reh guzar na huee
Kho diye jab tere hawaley sab
Phir koi baat mo’taber na huee
Ek ham haiN ke her khabar mein rahey
Ek tum ho jisey khabar na huee
Lakh patkha junooN mein ser ham ney
Us ki deewar khul ke der na huee
Manzil-e shauq jab hue aasaN
Phir hameN khawahishe safar na huee
Ek alam pe hay karam tera
KyuN mere hal pe nazar na huee
Sang tow they bohat sey raahoN mein
Aaj kyuN khatir-e Qamar na huee
Adab
Qamar