|
Post by haamidbaaqari on Mar 3, 2008 14:14:46 GMT 5
Assalaam o alaikum dosto
taza tarhi ghazal hum aapkay hawaalay kar rahay haiN
gar qubool uftad zahay....
arz kiya hai
woh ahsaan hum per jataanay lagay khud kau apni nazar say giraanay lagay
dunya gaati thi dauray jahaalat meiN jau haaye ab hum wohi geet gaanay lagay
jau samajh nah sakay deenay islam kau ab wohi deen hum kau sikhaanay lagay
ab kahaaN hai tameezay halaal o haraam bas kamaana hai maqsad kamaanay lagay
manzilay m'aarifat ki haiN raaheN kathin "khud kau pehchaannay meiN zamaanay lagay"
yeh mohammed(sawaw)kay haamid' yeh haiN baaqari mere ahbaab sab kau bataanay lagay
nateejaye fikr haamidbaaqari al hamdulillah
|
|
|
Post by Aqeel Malik on Mar 3, 2008 16:30:27 GMT 5
bahut acha kalam dad qabooleay
|
|
|
Post by Rafi Tabasum on Mar 3, 2008 22:42:50 GMT 5
Bohat Khoob HAmid sahib
|
|
|
Post by khalid on Mar 7, 2008 3:59:05 GMT 5
hesb e rivaayat khoobsoorat kalaam! daad haazir hai!
|
|
zehrab
rukn
ham pe guzrey hain khizaN ke sadmey--Ham sey poochey koi afsaana-e gul
Posts: 125
|
Post by zehrab on Mar 15, 2008 12:34:32 GMT 5
Wah wah, bohat khub Hamid saheb.
aek arz hey bura na maaniye ga. Matla ka misra-e sani :
woh ahsaan hum per jataanay lagay khud kau apni nazar say giraanay lagay
khud ko apni nazar sey......ya "meri nazar sey"........lekin yahan meri istemaal kerney ke liye aap ko misra-e oola mein "hum" ko "mujh" sey badalna ho ga.....
ye sirf meri adna raaey hey aur mujhey ilm-e shaaeri sey bohat kam ilaqa hey is liye shayad ye meri kam fehmi ho.
Kher andesh
Qamar
|
|
|
Post by haamidbaaqari on Mar 31, 2008 17:30:49 GMT 5
mohtaram aqeel malik saahib mohtaram rafi tabassum saahib azeez behan sunita saahebah mohtaram khalid mehmood bhaaii saahib mohtaram zehrab saahib
purkhuloos tasleemaat
aajkal hum bahut kam net per jaatay haiN.
jawaab meiN deree keliye muaazirat chaahtay haiN
aapki purkhuloos daad aur mubaarakbaad ka hum tahay dil say shukriya ada kartay haiN
aap sab salaamat raheN yeh hamaari dilee dua hai.
aapka apna haamidbaaqari
|
|
|
Post by dnangrani on Apr 2, 2008 10:58:39 GMT 5
Hamid ji
bahut hi sunder gazal , sunder matle ke saath
woh ahsaan hum per jataanay lagay khud kau apni nazar say giraanay lagay
daad kabool ho Devi
|
|