|
Post by saeed on Apr 18, 2008 6:44:55 GMT 5
Eik taza kavish dostoN ki nazr. Saeed
Hum to jal-bujh gaye they jaaney kiyuN Baat chherhi hai phir hawaa ne kiyuN
Gard utri naheN musafat ki Sar uthaya hai dasht-e-paa ne kiyuN
Jism per aayenoN ka mosam hai Jaan bikhri parhi hai jaaney kiyuN
Apni bunyaad meiN basa ke usey Dil badalta hai ab thikaaney kiyuN
Aaj mosam ke sard lehjey se Zakhm jaagey hain kuch puraaney kiyuN
Hum bhi apney kiye pe qaayem haiN Woh bhi apna qasoor maaney kiyuN
Gard-e-hijraaN se bhar chaley the Saeed Zakhm kholey haiN phir hawa ne kiyuN
|
|
|
Post by Rafi Tabasum on Apr 18, 2008 23:18:02 GMT 5
Eik taza kavish dostoN ki nazr. Saeed Hum to jal-bujh chukey they jaaney kiyuN Baat chherhi hai phir hawaa ne kiyuN
Gard utri naheN musafat ki Sar uthaya hai dasht-e-paa ne kiyuN
Jism per aayenoN ka mosam hai Jaan bikhri parhi hai jaaney kiyuN
Apni bunyaad meiN basa ke usey Dil badalta hai ab thikaaney kiyuN
Aaj mosam ke sard lehjey se Zakhm jaagey hain kuch puraaney kiyuN
Hum bhi apney kiye pe qaayem haiN Woh bhi apna qasoor maaney kiyuN
Gard-e-hijraaN se bhar chaley the Saeed Zakhm kholey haiN phir hawa ne kiyuNHasb e sabiq Khoobsoorat ghazal attaa farmai aap nay Saeed sahib pehlay misray maiN baqi ghazal ki tarah rwaani mehsoos nahi hoti shaid misray maiN jeem aur chay kay ikathay aanay say jaisay kisi jumlay maiN noon aur bay ikathay aanay say meem ka shaiba guzarta hay isi tarah (bujh chukey( maiN kuch mukhtalif ta,asur ubharta hay fani nuqta e nazar say aik mukammal ghazal hay Radeef ki inferadiyat na,ay mzameen ko janam daetee hay
|
|
|
Post by Atif Mirza on Apr 18, 2008 23:24:07 GMT 5
Saeed Bhai bahut khoob soorat ghazal kahi hai aap nay. Daad qabool kijiay.
|
|
|
Post by nadeem on Apr 19, 2008 1:51:05 GMT 5
Muhtram Saeed Salam ghazal ki zameen ki jab kiya' kiyon ' kesay jesi radeef hoti hai to sab say mushkil ghazal ka matla kehna ho jata hai aap ko bari mubarak yeh ho kay matla shaandaar hai rafi bhai naen jo aitraaz uthaya mumkin hai wo apni jaga sahi ho lekin saut maen ab bhi bura nahen lag raha aur dosri baat misray maen taqreeban saray alfaaz hindi kay haen ye is ki khobsurati saut ko har lihaaz say cover karti hai sari ghazal achi hai hawa dono jaga bataur qafiya bahut acha laga meri taraf say daad hazir hai
|
|
|
Post by saeed on Apr 19, 2008 4:32:22 GMT 5
Eik taza kavish dostoN ki nazr. Saeed Hum to jal-bujh chukey they jaaney kiyuN Baat chherhi hai phir hawaa ne kiyuN
Gard utri naheN musafat ki Sar uthaya hai dasht-e-paa ne kiyuN
Jism per aayenoN ka mosam hai Jaan bikhri parhi hai jaaney kiyuN
Apni bunyaad meiN basa ke usey Dil badalta hai ab thikaaney kiyuN
Aaj mosam ke sard lehjey se Zakhm jaagey hain kuch puraaney kiyuN
Hum bhi apney kiye pe qaayem haiN Woh bhi apna qasoor maaney kiyuN
Gard-e-hijraaN se bhar chaley the Saeed Zakhm kholey haiN phir hawa ne kiyuNHasb e sabiq Khoobsoorat ghazal attaa farmai aap nay Saeed sahib pehlay misray maiN baqi ghazal ki tarah rwaani mehsoos nahi hoti shaid misray maiN jeem aur chay kay ikathay aanay say jaisay kisi jumlay maiN noon aur bay ikathay aanay say meem ka shaiba guzarta hay isi tarah (bujh chukey( maiN kuch mukhtalif ta,asur ubharta hay fani nuqta e nazar say aik mukammal ghazal hay Radeef ki inferadiyat na,ay mzameen ko janam daetee hay Rafi bhai, aapka mashwara bilkul baja hai. mujhey bhi jh aur ch ka soti effect zra khil raha tha. ab chukey ko gaye ker diya hai jis se muani bhi nahen badley aur rawani bhi behter hui hai. Hum to jal-bujh gaye they jaaney kiyuN Baat chherhi hai phir hawaa ne kiyuN Buhut nawazish aapke mashwarey aur hosla afzai keliye. khush rahen Saeed
|
|
|
Post by saeed on Apr 19, 2008 4:33:38 GMT 5
Saeed Bhai bahut khoob soorat ghazal kahi hai aap nay. Daad qabool kijiay. Atif saab, buhut nawazish aapki. saeed
|
|
|
Post by saeed on Apr 19, 2008 4:41:04 GMT 5
Muhtram Saeed Salam ghazal ki zameen ki jab kiya' kiyon ' kesay jesi radeef hoti hai to sab say mushkil ghazal ka matla kehna ho jata hai aap ko bari mubarak yeh ho kay matla shaandaar hai rafi bhai naen jo aitraaz uthaya mumkin hai wo apni jaga sahi ho lekin saut maen ab bhi bura nahen lag raha aur dosri baat misray maen taqreeban saray alfaaz hindi kay haen ye is ki khobsurati saut ko har lihaaz say cover karti hai sari ghazal achi hai hawa dono jaga bataur qafiya bahut acha laga meri taraf say daad hazir hai Nadeem saab, buhut shukriya izzat-afzai keliye. mashkoor. saeed
|
|
|
Post by Sukhanwar on Apr 20, 2008 2:25:56 GMT 5
saeed sahab boht khoobsoorat ghazal kahi aap nay mujhy tamaam ashaar nay lutf dia har shair main aik naya aahang khaas taur par aap ny radeef ko jis tara har shair main nibhaaya woh qabil e taareef hay aur phir aakhri baat jo naay logon k liay qaabil e taqleed honi chaahiay yeh hy k aap ki jab rafi sahib nay aik lafz ki jaanib tawaja mabzool kraai to aap ny apnay likhy ko harf e aakhir samajhnay ki baajaay un ki baat par ghor kia aur misra tabdeel kar dia ..is tabdeeli sy misray k husn main mazeed izaafa ho gia boht see daad aur boht see muhabatain aap k liay thanx razi
|
|
|
Post by saeed on Apr 21, 2008 7:58:48 GMT 5
saeed sahab boht khoobsoorat ghazal kahi aap nay mujhy tamaam ashaar nay lutf dia har shair main aik naya aahang khaas taur par aap ny radeef ko jis tara har shair main nibhaaya woh qabil e taareef hay aur phir aakhri baat jo naay logon k liay qaabil e taqleed honi chaahiay yeh hy k aap ki jab rafi sahib nay aik lafz ki jaanib tawaja mabzool kraai to aap ny apnay likhy ko harf e aakhir samajhnay ki baajaay un ki baat par ghor kia aur misra tabdeel kar dia ..is tabdeeli sy misray k husn main mazeed izaafa ho gia boht see daad aur boht see muhabatain aap k liay thanx razi Razi Bhai, Mujhey khushi hai ke meri kavish aapko pasand aayi. Rafi sb ke sheri iblaagh aur nuqta-e-nazar ki main qadr karta hoon. unka mashwara baja tha, acha laga aur meine forun maan liya. Buhut nawazish hosla afzai keliye. Kher andesh Saeed
|
|
|
Post by khalid on Apr 21, 2008 18:32:04 GMT 5
saeed sb aap sey behec o mubaahica apni jagah aur ussi safhey tak! lekin meiree ikhlaaqi zimmedaari hai ke aapke achhey kaam per daad dooN! so is ghazal k liye meiree jaanib sey daad qubool keeje!
|
|
|
Post by Aqeel Malik on Apr 22, 2008 21:19:01 GMT 5
Majmoee taur par Ghazal nisbatan behtar hay aur Dr Rafi Sahab ki shikayat bikul darust hay kiun ke jis satah ka saeed sahan kehty hein us mein in ko in pehlooN par ghaur karna zaroori hay aur aisay alfaz kay ikhtilaat say bachna ahasan hay.
aqeel
|
|
|
Post by saeed on Apr 23, 2008 4:56:45 GMT 5
saeed sb aap sey behec o mubaahica apni jagah aur ussi safhey tak! lekin meiree ikhlaaqi zimmedaari hai ke aapke achhey kaam per daad dooN! so is ghazal k liye meiree jaanib sey daad qubool keeje! Qibla Khalid saheb, aapki ikhalqi daad keliye ye bad-ikhlaq shaer buhut mamnoon hai! afsos sirf itna hai ke aapne meri shaeri ko achhai keh ker mujh se alag kar diya hai.... khush rahen, Saeed
|
|
|
Post by saeed on Apr 23, 2008 5:04:18 GMT 5
Majmoee taur par Ghazal nisbatan behtar hay aur Dr Rafi Sahab ki shikayat bikul darust hay kiun ke jis satah ka saeed sahan kehty hein us mein in ko in pehlooN par ghaur karna zaroori hay aur aisay alfaz kay ikhtilaat say bachna ahasan hay. aqeel Malik saab, nawazish. Buhut dinon baad tashreef laye aap. yeh ghazal is baat ka wazih saboot hai ke mujhey abhi buhut kuch seekhna hai! Khush rahen, Saeed
|
|