|
Post by nadeem on Apr 5, 2008 3:31:47 GMT 5
Muhtaram Dosto aap sab ki muhabbat naen mutasir kiya aur is qadar kiya kay yahan dil lag gaya aur ji chaha kay aik aur taza ghazal aap ki khidmat maen paish karon to arz hai dil say ik yaad bhula di gai hai kissi ghaflat ki saza di gai hai aib deewaar kay hon gay zahir meri tasweer hata di gai hai ab yahan say nahen ja sakta koi ab yahan shama jala di gai hai maen naen manzil ki dua mangi thi meri raftaar baRha di gai hai is liey jam kay yahan baitha hoon mujh ko mayri hi jaga di gai hai maen naen ik dil pay hakoomat kiya ki mujhay talwaar thama di gai hai ab muhabbat ka sabab wehshat hai warna hasrat to miTa di gai hai aap ki raey ka muntazir Muhammad Nadeem Bhabha www.nadeembhabha.com
|
|
|
Post by naheedv on Apr 5, 2008 4:39:37 GMT 5
Nadeem saaheb,
achi ghazal hai.
aib deewaar kay hon gay zahir meri tasweer hata di gai hai
behad achaa she'r hai.
daad haazir hai.
Naheed
|
|
|
Post by saeedsaeed on Apr 5, 2008 11:28:36 GMT 5
Dear nadeem shab i hope u will be very very best, ap ki ghazal parhy, khushi hoye, achy ghazal hy aur khas tooe par ye 2 aashar bohot acchy hain,,
main ny manzil ki duwa mangy thy meyre raftar braah di gaye hay ab mohabt ka sbab weyshat hy warna hasrat to mita dy gaye hay
ALLAHA zore kalam mein eezafa kary take care Mubashir Saeed france
|
|
|
Post by nadeem on Apr 5, 2008 14:43:27 GMT 5
Muhtarma Naheed sahiba aap naen jis sher ko pasand kiya is say andaza hota hai kay aap shairi ki bareekian aur mazameen kay naey pan ko bakhoobi samajhti haen meri taraf say aap k liey bahut si daad aur shukriya Nadeem Bhabha
|
|
|
Post by nadeem on Apr 5, 2008 14:47:11 GMT 5
muhtram saeed aap say to muhabbat ka silsala shiro honay wala hai aur ye sach hai kay aap maen aur ham sab dua ki qabooliat par yaqeen rakhtay haen lekin asbaad ki taraf nahen dekhtay
maen naen manzil ki dua mangi thi meri raftaar baRha di gai hai
is sher maen maen naen yehi kaha hai kay sabab kiya hota hai yani jesay yahan raftaar ka zikr aaya to raftaar sabab bani manzil tak pahunchnay ka
Allah aap ko pardais maen bahut say apnay ata karay Nadeem Bhabha
|
|
|
Post by Rafi Tabasum on Apr 6, 2008 0:46:59 GMT 5
Muhtaram Dosto aap sab ki muhabbat naen mutasir kiya aur is qadar kiya kay yahan dil lag gaya aur ji chaha kay aik aur taza ghazal aap ki khidmat maen paish karon to arz hai dil say ik yaad bhula di gai hai kissi ghaflat ki saza di gai hai aib deewaar kay hon gay zahir meri tasweer hata di gai hai ab yahan say nahen ja sakta koi ab yahan shama jala di gai hai maen naen manzil ki dua mangi thi meri raftaar baRha di gai hai is liey jam kay yahan baitha hoon mujh ko mayri hi jaga di gai hai maen naen ik dil pay hakoomat kiya ki mujhay talwaar thama di gai hai ab muhabbat ka sabab wehshat hai warna hasrat to miTa di gai hai aap ki raey ka muntazir Muhammad Nadeem Bhabha www.nadeembhabha.comHasb ema,amool aapki ghazal aap kay makhsoos rang maiN bolti hui daad haazir hay Nadeem sahib
|
|
|
Post by Sukhanwar on Apr 6, 2008 1:55:21 GMT 5
nadeem bohat khoob bhai lutf aa gia ..
aib deewaar kay hon gay zahir meri tasweer hata di gai hai
ab yahan say nahen ja sakta koi ab yahan shama jala di gai hai
yoon to saari ghazal murassa hy magar in do ashaar ka to jawab nahin khush raho bhaai thanx razi
|
|
|
Post by Atif Mirza on Apr 6, 2008 13:00:29 GMT 5
Wah Nadeem Bhai aik aur shandaar ghazal! Advance maiN tau daad banti hi hai, magar khaas taur per inn dau ashaar ka haq hai keh inhaiN dil khol kar saraha jaay
aib deewaar kay hon gay zahir meri tasweer hata di gai hai
maen naen manzil ki dua mangi thi meri raftaar baRha di gai hai
Masha Allah umda kalam hai aap ka. DheroN daad hazir hai.....
|
|
|
Post by nadeem on Apr 6, 2008 21:10:16 GMT 5
Dear Rafi Tabassum nawazish kay aap naen ghazal ko pasand kiya aur apnay qeemati waqt maen say waqt nikaal kar mujhay raey say nawaza Nadeem Bhabha
|
|
|
Post by nadeem on Apr 6, 2008 21:13:59 GMT 5
piyaray Razi bhai aaj kay baad maen bhi aap ki bhai hi kaha karon ga baharhaal bahut shukriya aap naen ghazal ki pasand kiya ab maen samajhta hoon waqi ye qabil e isha_at hai Allah aap ko khush rakhay dua go Nadeem Bhabha
|
|
|
Post by nadeem on Apr 6, 2008 21:15:39 GMT 5
Dear Atif Mirza salamtiaan ghazal ko pasand karnay ka bahut shukriya muntazir hoon kay kab mulaqaat hoti hai khush rahaen Nadeem Bhabha
|
|
|
Post by saeed on Apr 7, 2008 4:59:44 GMT 5
Dear Nadeem saab,
Mashallah buhut piyari ghazal hai..... mujhe ye ashar bator-e-khas pasan aaye:
dil say ik yaad bhula di gai hai kissi ghaflat ki saza di gai hai
maen naen manzil ki dua mangi thi meri raftaar baRha di gai hai
bilkhasoos doosar sher aaj ki masroof zindagi aur nafasa-nafsi ki zabardast akkasi karta hai.
Mubarak aur dheron daad!
saeed
|
|
|
Post by nadeem on Apr 7, 2008 12:59:09 GMT 5
piyaray saeed wa alikum us salam aap ki wesite bhi visit ki aur ghazliyaat bhi paRhen bahut lutf aaya aik achay shair say daad wasool karnay ka maza hi nirala hota hai aap khud aik achay shair haen ye meray liey aizaaz hai kay aap meri nigarshaat parHtay haen was salam Nadeem Bhabha
|
|
|
Post by Atif Mirza on Apr 7, 2008 15:14:43 GMT 5
Dear Atif Mirza salamtiaan ghazal ko pasand karnay ka bahut shukriya muntazir hoon kay kab mulaqaat hoti hai khush rahaen Nadeem Bhabha Insha Allah jald ho gi.......
|
|
|
Post by nadeem on Apr 8, 2008 13:40:41 GMT 5
muhtarma sunita Adaad aap naen ghazal ko pasand kiya bahut acha laga aap ki bahut nawazish sunita ji aik mahawra hai piyasa konwaen kay paas aata hai to janaba jisay piyaas ho gi wo dastak day ga ab zabardasti kissi par islah laadnay say us kay naraaz ho janay ka khuf rehta hai is liey khamoshi hi behtar hai dua go Nadeem Bhabha
|
|