|
Post by brijinder on Jan 20, 2008 3:55:45 GMT 5
TalkhiaN-3
Kya tujhko sunaauN haal-e-dil apna Kya tujhko dikhaauN apni kashmkash ka jahaaN Tu abhi is des say nawaaqif hai meray dost Toonay daikha hi nahi abhi koi maNzar tanhaa
Toonay piya hi nahi jo ghum-e-ishq-o-jahaaN ka sum Tu samjhayga phir mera tarapana kya? Toonay to guzaari hai apni umr mefiloN kay saayoN maiN Ho kay bayparwaa ya reh kay khaufzadaa Aur daikhee jo har chahray maiN aisi hi baighairat ki jhalak Toonay isay parakhany ki kabhi koshish hi na ki
Aaj tu aayaa hai meri duniya maiN Aur khara hai uljha-uljha KhwaaboN kay abr say darta darta Ahsaas kay sooraj say sehma-sehma Tak raha hai meri wusat-e-tanhai ko beyaqeeni say Daikh raha hooN maiN teri aaNkhoN maiN hairat kay nishaaN
Kya tujhko sunaauN haal-e-dil apna Kya tujhko dikhaauN apni kasmkash ka jahaaN?
-----------------------------------------
|
|
zaamin
ibtidaai rukn
Posts: 69
|
Post by zaamin on Jan 22, 2008 2:34:26 GMT 5
aap ke makhsoos andaazx men eik khoobsoorat aur ba-waqaar nezm daad qabool farmaayein,brijinder ji zaamin
|
|
|
Post by Sukhanwar on Aug 2, 2008 23:52:04 GMT 5
khoobsoorat nazm aur umda khyaal hy is ka brijinder ji thanx razi
|
|