|
Post by kanwal on Dec 24, 2007 3:55:33 GMT 5
Hum ko bhi chaahat thi bohat Tum meiN bhi jur´at thi bohat Hum ne kiya tum par yaqeeN Itni himaa qat thi bohat Badlaa wafaa ko waqt ne Warna rawaayat thi bohat Dil meiN koi na aas hai Pehle zaroorat thi bohat Raahat hai dil ko gham se ab Warna to vehshat thi bohat KyuN zindagi se gila kaNwal Tum meiN hi chaahat thi bohat Haasil hua kuch bhi nahiN Ki to ibaadat thi bohat KyuN paas reh k bhi door haiN Kis ki anaayat thi bohat Tall hi gaya wo waqt bhi Jis meiN aziyat thi bohatIk jhoot ne sab kuch kiya Warna muhabbat thi bohat Bikhri kaNwal jo na toot ke Maula ki rehmat thi bohat
|
|
|
Post by Rafi Tabasum on Dec 25, 2007 3:54:28 GMT 5
Bohat Khoob Kanwal ji
|
|
|
Post by Atif Mirza on Jan 5, 2008 18:37:07 GMT 5
Good! Laikin kahin kahin thori si islah ki gunjaesh mojood hai!
|
|
|
Post by ramishjaan on Jan 14, 2008 2:12:53 GMT 5
AOA muhtrama kanwal jee bazm ki rahon par ek bar phir ap ki khidmat me hazir hon meri janib se is khobsorat ghazal ke liye dad ke bohat sare phool ap ki nazr ALLHA kare ap ke qalm me mazeed husn our nikhar peeda ho ameen waslam mukhlis ramishjaan
|
|
|
Post by kanwal on Jan 14, 2008 4:05:59 GMT 5
Hum ko bhi chaahat thi bohat Tum meiN bhi jur´at thi bohat bahut khoobHum ne kiya tum par yaqeeN Itni himaa qat thi bohat waahBadlaa wafaa ko waqt ne Warna rawaayat thi bohat rawaayat bhi theek hai aur ulfat bhi ho sakta hai, warna to ulfat thi bahut.kya khayaal hai?AOA didi ,... Sorry masroofiyat ki wajah se aa na saki ,... Aapka reply parha acha laga ke aap ne itni gehrayee se aur tafseel se parha ,.... Aapka "to ulfat" ka mashwara pasand aaya ,... Ma badaulat ghaur farmayeiN ge ,.... hmmmm ,.... Didi aap jo misra bataa rahi ho us meiN sawaliya nishaan aa raha hai jaise ke mujhe shak ho ke shayed mujh meiN chaht na thi ,.. jabke mere misre meiN main khud ko samjha rahi hooN ke kanwal mayoos mat ho chaahat tum meiN hi thi ,..... kiyoN hai na ,.... u r right didi ,... typing mistake ,... maine dhehaan nahiN diya ,... didi aapka mashwara to pasand aaya mujhe par pata nahiN mujhe iss meiN rabt kam hota maloom hota hai,... shayed main ghalt hooN aap phir se dekh ke batao plzz ,.... Aapki raaye pasand nahiN aayee mujhe bohat ghusa hooN main chalo ab saza ke liye tayaar ho jao ,.... 100 baar uthak baithak karo ,... aur dekho no dhandhli ,...
|
|
|
Post by kanwal on Jan 14, 2008 4:06:24 GMT 5
Thank you tabsum jee ,...
|
|
|
Post by kanwal on Jan 14, 2008 4:10:33 GMT 5
Good! Laikin kahin kahin thori si islah ki gunjaesh mojood hai! Mohtaram Atif sahib ,...
Adaab ,...
Khaaksaara ki Khush qismati ke aap jaise azeem
shair ki nazr e karam iss na cheez ki tooti phooti
tehreer par pari, yuN samjhiye ke bas qismat
khul gayee ,...
Bai aap jaise bade shairoN ki araa hi huM jaise
adnaa se likhne waaloN ke liye khushnaseebi
ki baat hoti hai, aur isi se to huM seekhte bhi
haiN to mohtaram aap se modbaana iltmaas
hai ke hazoor jahaN jahaN gunjaish ki zaroorat
aapko mehsoos hoti hai wahaN wahaN apne
Mubarak haathoN se uss gunjaish ki nishandahi
kar ke mukamal farmaa deiN iss na cheez bandi
par Ehsaan e azeem ho ga janaab ka ,.......
|
|
|
Post by Sukhanwar on Jan 14, 2008 14:49:40 GMT 5
kanwal tumhari nazm parhi aaj kul forum par baqaaidgi say nahi aaraha khushi hui yeh ghazal daykh kar aur us par sunita ji ki raay bhi nazar sy guzri sunita ji ka tum to shukria ada karo gi magar main bhi un ka mashkoor hoon k woh posts par tafseel sy raay day kar hamaray hissay ka kaam bhi kar dayti hain aur isi sy bazm ki ifaadiat main izafa hota hy thanx razi
|
|
|
Post by Atif Mirza on Jan 15, 2008 21:00:11 GMT 5
Humaray ustad-e-mohtaram janab Allama Anees Lakhnavi nay sirf hamari ghalati ki nishandahi ki aur hamaisha durust hum nay khud kia. Main nay aik dost honay kay naatay taqtee kar dee, baraay mehrbani aap durustgi ka freeza khud anjaam daiN. Aap ki aap ni shaeri maiN nikhar aay ga. Thanx
|
|
|
Post by manu1979 on Jan 19, 2008 19:40:05 GMT 5
Hum ko bhi chaahat thi bohat Tum meiN bhi jur´at thi bohat Hum ne kiya tum par yaqeeN Itni himaa qat thi bohat Badlaa wafaa ko waqt ne Warna rawaayat thi bohat Dil meiN koi na aas hai Pehle zaroorat thi bohat Raahat hai dil ko gham se ab Warna to vehshat thi bohat KyuN zindagi se gila kaNwal Tum meiN hi chaahat thi bohat Haasil hua kuch bhi nahiN Ki to ibaadat thi bohat KyuN paas reh k bhi door haiN Kis ki anaayat thi bohat Tall hi gaya wo waqt bhi Jis meiN aziyat thi bohatIk jhoot ne sab kuch kiya Warna muhabbat thi bohat Bikhri kaNwal jo na toot ke Maula ki rehmat thi bohat bahoot khoob kanwal jee kyaa ghazab ki ghazal likhi hai aap ne, jee haan main phir aa gaya hoon aap ko satane ke liye, badi mashakkat ke baad mujhe aap ka aur sunididi ka pata laga hai aur is site ka bhii ,bahoot dhooondhaa aap dono ko ab jaa kar mile ho ab to jaan khaa jaaongaa................. ;D achaa aap to pehle sab ko phoolo ka tohfaa diyaa karti thii, aaj aap ko main detaa hoon is khoobsurat ghazal par daad qubool farmaaye,aur dher saare phool bhee............... regards manu
|
|
|
Post by uzair143 on Jan 26, 2008 20:53:08 GMT 5
very nice zaberdast Uzair
|
|
zaamin
ibtidaai rukn
Posts: 69
|
Post by zaamin on Jan 30, 2008 0:08:02 GMT 5
bahut khoob kanwal saahiba meri aor se daad haazir hai
zaamin
|
|
|
Post by Atif Mirza on May 9, 2008 18:03:51 GMT 5
Suna hai aap ko hamara mashwara pasand aa gaya hai....
|
|
|
Post by kanwal on May 25, 2008 2:44:35 GMT 5
AOA muhtrama kanwal jee bazm ki rahon par ek bar phir ap ki khidmat me hazir hon meri janib se is khobsorat ghazal ke liye dad ke bohat sare phool ap ki nazr ALLHA kare ap ke qalm me mazeed husn our nikhar peeda ho ameen waslam mukhlis ramishjaan Thank you ramish jee ,...
|
|
|
Post by kanwal on Jul 25, 2008 1:47:39 GMT 5
kanwal tumhari nazm parhi aaj kul forum par baqaaidgi say nahi aaraha khushi hui yeh ghazal daykh kar aur us par sunita ji ki raay bhi nazar sy guzri sunita ji ka tum to shukria ada karo gi magar main bhi un ka mashkoor hoon k woh posts par tafseel sy raay day kar hamaray hissay ka kaam bhi kar dayti hain aur isi sy bazm ki ifaadiat main izafa hota hy thanx razi Aur main dono ki shukr guzaar hooN ,....
|
|