|
Post by Salem Bashwar on Aug 1, 2008 18:28:58 GMT 5
Aziz Qariyeen-e-mehfil :salaam: Mohtaram Azeez Belgaumi sahib ka ek aur mazmoon khud unke alfaz mein: "Ummat ki Moujuda Surat e Hal par mutaaddad Nuqta haye nazar aaye hain aur chhap rahe hain... Meri Kaavish aapki Khidmat mein bhej raha hun... Ummid ke is pahlu par log Zaroor Gour Karenge.. " Allah jaza-e-khair de. Shukria Salem Bashwar
|
|
|
Post by Sukhanwar on Aug 1, 2008 22:59:08 GMT 5
khoobsooart aur fikr angaiz mazmoon hy shukria razi
|
|
|
Post by Atif Mirza on Aug 1, 2008 23:54:49 GMT 5
Umda tehreer hai Azeez sb!
|
|
|
Post by ramishjaan on Aug 2, 2008 23:20:56 GMT 5
AOA Azeez sahib bohat hi asr angeez aur dil par asar karta howa mazmoon he kash jese ap soch rahe hain wese hi huamre danishwaro ki aksriyat esa samjh le to shayd umaat ke halat tabdeel ho jaye ameen suma ameen kash haume bhi ap jesi soch Atta ho jaye ameen is Shandar tehreer par dil se nikli hoi duaao,n ka tohfa peesh he qabol kijiye waslam mukhlis ramishjaan[/size]
|
|
|
Post by azeezbelgaumi on Aug 3, 2008 14:54:04 GMT 5
Mere in karam farmaaon ki himmat afzaayiyoun ka shukriya adaa karta hun azeez belgaumi
|
|
|
Post by tashiezaheer on Aug 4, 2008 11:26:23 GMT 5
Mohtaram Aziz Bilgaumi Saheb,
Aapka baseerat afroz mazmoon nazar nawaz hooa. Ye yaqinan meri khush qismati hey. Aapne ek intihaiee tashweshnaak soorat e haal pe qalam uthaya, jis se kul ummat e Muslimah do chaar hey.
Hamari badqismati ye hey ke hamarey aksar danishwar sahibaan, masael to pesh kar detey heN laikin un masael ka hal tajveez karne meN nakaam rehtey heN.
Aaapne bohat wazahat aur fasahat ke saath masael ki nashan dahi ki hey aur Qur'an o Sunnah ki Roshni meN un ka hal bhi tanveez farmaya hey.
Ye badqismati naheeN to aur kiya hey ke "MASH'AL E HIDAYAT" hamarey hathooN meN hey aur ham zulmatoN ki siahioN se ROSHNI kasheed karney meN masroof rehtey heN.
Do guzarishat ki ijazat chahooN ga meN aap sey.
1. Aap ka usloob aur tarz e tahreer alimana hey. Ham logoN ki aksariat aap ke mazmoon meN istemaal hooey bohat se alfaaz se na ashna hogi. Isliey ain mumkin hey ke ye bohat eham paigham shayad bohat se logoN tak na pohanch paey.
2. hamari naee nasl, jo America, Canada , aur Europe meN paee jati hey, wo yaqeenan, ye Urdu na to paRh sakeN ge aur na hi samajh sakeN gey. Meri aap se ek darkhwast ye hogi ke aap ye intihaee eham mazmoon, ek baar saada aur aam fehm Urdu meN likh dijiey aur iska English meN tarjuma bhi kar dijiey. It is too important a topic to be ignored. We need to make sure that this reaches the majority of Umaat e Muslima. MeN ye mazmoon apney tamam karam farmaoN (600 recepients) ko aaj hi bhej raha hooN. Aaap yaqinana, mubarakbaad aur dil ki gehrayoN se hamarey shkriey ke mustahiq heN. So, qubool farmaey. Niaz kesh, Tashie Zaheer
|
|
|
Post by azeezbelgaumi on Aug 4, 2008 17:59:39 GMT 5
Biradar e Girami Qadr,
Tashie Zaheer Saheb,
Salam o Rahmat,
Girami Naama Nazar nawaz huwa... Mujhe khushi is baat ki hai ke aap ne mere dard ko samjha awr mere Khayalat se ittefaq kiya.. Aapki Himmat Afzai mere liye Nemat e Ghair mutraqaba hai.. Main aapka shukriya adaa karta huN ke aapne Husn e Zan se kaam liya aur mere baare mein achche Khayalat ka Izhar farmaya.. Main Ummat ki Halat ko dekh kar raat raat bhar rota rehta hun.. Aur Sochta Rehta hun ke aakhir is ummat ke saath kya muamila hone wala hai.. Agar aap jaise dost yahi kuchch mehsoos karte hain jo main ne mehsoos kiya hai to dil ki Dharas bandhti hai..
2. Ye yaqeenan baayis e Massarat amr hai ke aap ne is paigaham ko saare aalam mein pahonchne ke liye jo zahmat uthai hai Allah Tabarak wa Taala Is ka bharpur ajr aapko inayat kare ga..
3. Is noyiyat ke mazameen musalsal rawana karta rahunga awr mere koshishen jari rahengi.. aapki duaayen darkar hain.. aap se rabita rahega.. kisi site par post karne se pahle ek copy aapki Khidmat mein rawana ki jati rahegi...
4. Aapki Pesh karda tajaveez ka mere dil mein bada Ihteram hai.. Main Khud bhi mehsoos karta hun ke zaban aam faham ho.. Is ke English Tarjume ke liye koshish karunga.. Aap bhi maaloom karein ke koi aisa fard jo English ke adab awr Usloob se ba khubi waaqif ho to un se Khidmat li ja sakti hai...
Apna Khayal rakhen and Ahl e Khana ko salam arz farma deN.
Faqt wassalam
Niyazmand
Azeez Belgaumi
|
|
|
Post by Rafi Tabasum on Aug 4, 2008 23:23:21 GMT 5
Bohat aham mazmoon parhnay ko diya aap nay Aziz sahib
|
|