|
Post by Atif Mirza on Nov 3, 2007 14:31:09 GMT 5
|
|
|
Post by Rafi Tabasum on Nov 3, 2007 23:08:10 GMT 5
bohat khoob Mirza sahib sari ghazal khoobsoorat khasoosan aakhree do ash,aar daad qabool farmaiay
|
|
|
Post by Atif Mirza on Nov 4, 2007 12:27:40 GMT 5
bohat khoob Mirza sahib sari ghazal khoobsoorat khasoosan aakhree do ash,aar daad qabool farmaiay Zarra Nawazi Hai Rafi Sahib! Shukriya
|
|
|
Post by Sukhanwar on Nov 5, 2007 23:19:14 GMT 5
atif bhai umda ghazal kahi aap nay saath apnay kuch magar yaadain purani lay chalo wah wah thanx razi
|
|
|
Post by khalid on Nov 6, 2007 8:14:06 GMT 5
bohot khoob janaab aatif sb! ghazal ka her she'r khoobsoorat hai! apni daad ko mustanad kerne ke kiye she'r arz e khidmet hai!........ gheir ke maqsad ki khaatir tum jala lo apna gher gheir kee tum apney gher aatish fishaani le chalo
|
|
|
Post by Atif Mirza on Nov 6, 2007 15:56:34 GMT 5
atif bhai umda ghazal kahi aap nay saath apnay kuch magar yaadain purani lay chalo wah wah thanx razi Razi sahib bahut shukriya ghazal pasand karnay aur daad denay ka!
|
|
|
Post by waqaar on Nov 6, 2007 15:57:41 GMT 5
'aat^if Saaheb,
aadaab,
aik umdah ghazal kahii hay aapnay. merii daad qubool kee jiyay.
apni raaye Zaroor dooNgaa.
She'r No.1 kay misr'ah doham maiN ... "kal kii ko,ii" ... yeh teen kaaf ikaTTh~ii mujh~ay kh~aTa rahii haiN.
======== "jaanib-e-maqtal" kii bajaaye "soo-e-maqtal hii chalay ho to..." ho to kaisa rahay gaa?
------------- aakhrii do aSh;'aar per khaSooSi daad haaZir hay,qubool kee jiyay!
waQaar
|
|
|
Post by Atif Mirza on Nov 6, 2007 16:32:33 GMT 5
bohot khoob janaab aatif sb! ghazal ka her she'r khoobsoorat hai! apni daad ko mustanad kerne ke kiye she'r arz e khidmet hai!........ gheir ke maqsad ki khaatir tum jala lo apna gher gheir kee tum apney gher aatish fishaani le chalo Wah Khalid Sahib! MaiN nay theek kaha hai keh aap HAZIR-ul-KALAAM shaer haiN Shukriya
|
|
|
Post by Atif Mirza on Nov 6, 2007 17:04:48 GMT 5
'aat^if Saaheb, aadaab, aik umdah ghazal kahii hay aapnay. merii daad qubool kee jiyay. apni raaye Zaroor dooNgaa. She'r No.1 kay misr'ah doham maiN ... "kal kii ko,ii" ... yeh teen kaaf ikaTTh~ii mujh~ay kh~aTa rahii haiN. ======== "jaanib-e-maqtal" kii bajaaye "soo-e-maqtal hii chalay ho to..." ho to kaisa rahay gaa? ------------- aakhrii do aSh;'aar per khaSooSi daad haaZir hay,qubool kee jiyay! waQaar Janab Waqar Sahib! Tasleemaat! Tareef, daad aur mashwaray ka shukriya. Mujhay khushi iss cheez ki huwi keh aap nay meri ghazal ko iss qabil jana keh iss per tawajja di aur apnay achhay mashwaroN say nawaza.
Teen "Kaaf" aana koi aib nahiN aur na hi yeh zaban kay liay adaa karna mushkil haiN. Is kay ilawa yeh taqtee' maiN pooray bhi haiN. Lihaza maiN issay suqm ya aib tasleem nahiN karroN ga.
"Janib-e-Maqtal" aur "sooay maqtal" maiN bhi koi khas farq nahiN bus "sooay maqtal" kay saath wazan poora karnay kay liay "hi" lagana parRay ga. Issay "Hushw" kehtay haiN keh jab aap ko bharti ka lafz lagana paRay. "Janib-e-Maqtal" maiN specifically maqtal ki taraf ishara hai jab keh "Sooay Maqal Hi" maiN az rah-e-tafannun kaha ja raha hai, keh yaar udhar hi jaa rahay ho tau yeh bhi lay jao.
Umeed hai keh aap mera jawaz samajh gaay hoN gey.
Dua Go!
|
|
|
Post by khalid on Nov 6, 2007 23:45:40 GMT 5
bohot khoob janaab aatif sb! ghazal ka her she'r khoobsoorat hai! apni daad ko mustanad kerne ke kiye she'r arz e khidmet hai!........ gheir ke maqsad ki khaatir tum jala lo apna gher gheir kee tum apney gher aatish fishaani le chalo Wah Khalid Sahib! MaiN nay theek kaha hai keh aap HAZIR-ul-KALAAM shaer haiN Shukriya aatif sb ye aapki zerra navaazi hai! maiN jo aik she'r joRta hooN apne dostoN ke kalaam meiN, uska mashvara mujhe raj kumaar qais sb (net ki dunya ke jaane maane shaa'er aur meire ustaad e mohtaram aur dost) ne diya tha. unke mutaabig kisi kee zameen meiN kuch kehna us shaaer ki izzat afzii hai, aur adab ki dunya meiN isey daad o tehseen ka aik arfa amal qaraar diya jaata hai...... mashq e sukhan bhi bahar haal meira matma' e nazar hota hai.
rahi haazir ul kalaami, to wo koii ghazal peRhtey waqt ager masroofiyat ya pareshaani na ho to maiN aapki dua se usi waqt aik aadh she'r keh hi leita hooN.
aapke ''compliment'' ka shukriya!
|
|
|
Post by khalid on Nov 7, 2007 0:00:18 GMT 5
'aat^if Saaheb, aadaab, aik umdah ghazal kahii hay aapnay. merii daad qubool kee jiyay. apni raaye Zaroor dooNgaa. She'r No.1 kay misr'ah doham maiN ... "kal kii ko,ii" ... yeh teen kaaf ikaTTh~ii mujh~ay kh~aTa rahii haiN. ======== "jaanib-e-maqtal" kii bajaaye "soo-e-maqtal hii chalay ho to..." ho to kaisa rahay gaa? ------------- aakhrii do aSh;'aar per khaSooSi daad haaZir hay,qubool kee jiyay! waQaar waQaar aur aatif saahebaan!
aap donoN dostoN ka moqqif apni jagah durust hai!! aap hazraat ke liye aik 'kaaf' maiN nikaaley deita hooN ager qubool uftad..... ;D ager..... "apney beetey waqt ki koii nishaani le chalo" ho jaaey to kaisa rahey ga! aur ager aatif sb ko qubool hu to.........''apney beeteyy waqt sey koii nishaani le chalo''jaisa hai waisa bhi bahar haal chaley ga! lekin aisa nahiN hai k takraar e herfi ka koii ilaaj nahiN hai!
|
|
|
Post by Atif Mirza on Nov 8, 2007 0:03:56 GMT 5
Janab Khalid sahib aap ka mashwara sar aankhoN par magar maiN iss ghazal ko badalnay mood maiN nahiN hooN.
|
|
|
Post by khalid on Nov 8, 2007 1:30:53 GMT 5
Janab Khalid sahib aap ka mashwara sar aankhoN par magar maiN iss ghazal ko badalnay mood maiN nahiN hooN. janaab e aati sb. jamhooriyat ka zamaana hai! ye zaroori nahiN k aap hamaari raaey per amal kareN! aur jaisa k maiN ne pehley hi arz kiya k 'aisey hi chaley gee'
|
|
|
Post by Atif Mirza on Nov 8, 2007 17:14:50 GMT 5
Janab meray naam kay hijjay angrazi maiN "Atif" maiN na keh aatif ya aati!
|
|
|
Post by Aqeel Malik on Nov 15, 2007 18:36:31 GMT 5
sada jazboon ki numainda ghazal hay,rawayati bandish aur mauzaat ka rev ho tu us men mazaqa nahi magar dosri sorat mein zuaq ki taskeen nahi hoti. matla mein taqabul radeef ki waja say misra oola munasib nahi laga.
aqeel
|
|