|
Post by kanwal on May 10, 2007 1:11:07 GMT 5
Aik ghazL aapki bisaartoN ki nazR ,... itfaaQ se mauqa e munasbit se hi lag rahi hai mujhe ,........ Apni bigri hui baatoN ko banaana seekho Bujh bhi jaayeiN to chiraaghoN ko jalaana seekho
Dekhna ghair sitam tum pe kare ga phir se Koi takleef ho dushman se nibhaana seekho
Tum bhi jhuk jaao samar daar shajar ki soorat Garmi e dil se phal o phooL bhi pakaana seekho
Tum kahiN kaanta, kahiN pather, aur kankar rakh kar Apne haathoN se har ik zakhm sajaana seekho
Waqt ke saath chalo, rah bhatak kar dekho Behte paani ki taraH khud ko bahaana seekho
Ban ke sandal to jalo tum bhi miri jaan e kaNwal Aaj mehfil meiN mehak chod ke jaana seekho
|
|
|
Post by Rafi Tabasum on May 10, 2007 1:41:01 GMT 5
Bohat Khoob Kanwal ji umeed o rejaeyat say rachi hui ghazal kahiaap nay
|
|
|
Post by shahkaar on May 10, 2007 10:52:41 GMT 5
kanwal saheba
buhut umdah
buhut acchi ghazal he, daadqubool kerain
presentation bhi khoob he,
|
|
neha
rukn
Posts: 239
|
Post by neha on May 10, 2007 14:54:41 GMT 5
Waqt ke saath chalo, rah bhatak kar dekho Behte paani ki taraH khud ko bahaana seekho Bohut khoob kanwal ji....itny pyari ghazal likhnay par daad haazir hai..
|
|
|
Post by uzair143 on May 10, 2007 15:02:21 GMT 5
Apni bigri hui baatoN ko banaana seekho Bujh bhi jaayeiN to chiraaghoN ko jalaana seekho
KANWAL BAJI
ZABARDAST.KIA KHOOB LIKHA HAI APP NE
|
|
|
Post by Sukhanwar on May 11, 2007 0:38:13 GMT 5
Dekhna ghair sitam tum pe kare ga phir se Koi takleef ho dushman se nibhaana seekho
wah wah kanwal lutf aa gia is shair ka waysay to sari ghazal hi achi hy daad qabool karo thanx razi
|
|
|
Post by kanwal on May 12, 2007 0:24:50 GMT 5
Bohat Khoob Kanwal ji umeed o rejaeyat say rachi hui ghazal kahiaap nay Thank u ,.........
|
|
|
Post by kanwal on May 12, 2007 0:29:40 GMT 5
waah kanwal bahut pyaari ghazal kahi hai, dheron daad meri aur se. Thank You didi,............
|
|
|
Post by kanwal on May 12, 2007 0:30:15 GMT 5
kanwal saheba buhut umdah buhut acchi ghazal he, daadqubool kerain presentation bhi khoob he, Thank YOu shahkaar jee ,.....
|
|
|
Post by kanwal on Jul 25, 2008 1:42:09 GMT 5
Waqt ke saath chalo, rah bhatak kar dekho Behte paani ki taraH khud ko bahaana seekho Bohut khoob kanwal ji....itny pyari ghazal likhnay par daad haazir hai.. Thank You Neha jee ,...
|
|
|
Post by Zagham Abidi on Jul 29, 2008 12:33:27 GMT 5
kawanl sahiba aik acchi ghazal kahi aap nay.ghasoosan dushman wala shair padand aayay hay.lakin aik nuqtay ki taraf nishandahi kerna chahoon ga k GARMI-E- DIL SAY PHAL O PHOOL.... walay misray main lafz BHI izafi hay. baqi ghazal umda hay . dad qabool kijiay
zagham abidi
|
|
|
Post by Atif Mirza on Jul 29, 2008 15:23:41 GMT 5
KaNwal Ji! Bahut umda ghazal hai. Khasoosi daad qabool kijiay.
Dr Zaigham bhi iss misray kay baaray maiN bataa chukay haiN. Iss maiN say lafz "bhi" nikaal dijiay tau misraa theek ho jaay ga.
Garmi e dil se phal o phooL bhi pakaana seekho
Garmi e dil se phal o phooL pakaana seekho
|
|
|
Post by kanwal on Jul 31, 2008 1:15:27 GMT 5
Apni bigri hui baatoN ko banaana seekho Bujh bhi jaayeiN to chiraaghoN ko jalaana seekho KANWAL BAJI ZABARDAST.KIA KHOOB LIKHA HAI APP NE Thank you ,...
|
|