|
Post by Atif Mirza on Jul 21, 2008 22:30:22 GMT 5
KABHI TAU DIKHLAAO CHAAND CHEHRAA
Udaas lamHoN ki meethi yaadoN ko saath rehnay dau jaan-e-jaanaaN! GhamoN ki talkhi ko khush dili say muji ko sehnay dau jaan-e-jaanaaN! Guzartay lamHoN ko rok kar karo gi kia kuchh bataao mujh ko? Yeh waqt tau aik behta darya hai, iss ko behnay dau jaan-e-jaanaaN!
Tumhi ko dekha, tumhi ko chahaa, tumhaiN hi dil maiN basaa liya hai Meray liay ajnabi theeN pehlay, ab apnaa tum ko banaa liya hai Kuchh aisay din maiN bitaa chukaa hooN keh khaali khaali theeN mairi aaNkhaiN Ab inn kay pardoN kay peechay maiN nay tumhaaraa chehraa chupaa liya hai
Yeh zindagi hai azaab saari jo bin tumharay guzar rahi hai Yeh bin tumharay guzar rahi hai, mujhay praishaan kar rahi hai Tumhari Soorat hi mairi aaNkhoN kay saamnay jhilmilaa rahi hai Tumhari yaadoN ki chaaNdni ab tau mairay dil maiN utar rahi hai
Meri umeedaiN aur aarzooaiN jo raNg laaieN tau kia bura hai? Hamaray dil maiN khush ki kalyaaN o khil hi jaaieN tau kia bura hai? Hai kia bura gar udaasiyoN ki khizaaiaN hum say rahaiN alaihadaa? Hamari chaahat ki sar zameeN per bahaaraiN aaiaN tau kia bura hai?
Kabhi tau pooray hoN hum nay dekhay thay saath rehnay kay khwaab saaray Kabhi Haqeeqat ki aab thehraiN jo saamnay haiN saraab saaray Kabhi taSawwur ki sar-zameeN say nikal kay aao tau saamnay tum Kabhi tau dikhlaao chaaNd chehraa, haTaao iss say Hijaab saaray
|
|
|
Post by Rafi Tabasum on Jul 22, 2008 1:57:48 GMT 5
wahhhhhhh aap ki nazm aur woh bhi paband nazm achi lagi Mirza sahib
|
|
|
Post by Atif Mirza on Jul 22, 2008 11:37:33 GMT 5
wahhhhhhh aap ki nazm aur woh bhi paband nazm achi lagi Mirza sahib Rafi sahib maiN nay paband nazmaiN ziyada kahi haiN. Taareef ka shukriya.
|
|
|
Post by Zagham Abidi on Jul 22, 2008 21:22:48 GMT 5
aatif sahab
acchi nazm kahi aap nay. is azad shairi k dor main paband nazmain kum kum hi nazar aati hain . paband nazm parh ker ziada lutf aata hay. acchi aur paband nazm khanay per dad qabool kijiay
zagham abidi
|
|
|
Post by Atif Mirza on Jul 23, 2008 16:35:56 GMT 5
Atif sahab! acchi nazm kahi aap nay. is azad shairi k dor main paband nazmain kum kum hi nazar aati hain . paband nazm parh ker ziada lutf aata hay. acchi aur paband nazm khanay per dad qabool kijiay Zagham Abidi Zaigham Bhai! Taareef-o-shunwayee ka bahut shukriya. Jaisa keh maiN nay pehlay Rafi sahib kay liay jawab maiN batayaa keh main nay Paaband nazmaiN kafi likhi haiN, maza aataa hai iss paabandi maiN bhi. Insha Allah aap ko aur bhi nazmaiN paRhnay kay liay milaiN gi.
Aap ki daad qabool ki, inayat hai aap ki.
|
|
|
Post by Aqeel Malik on Jul 24, 2008 18:52:12 GMT 5
ap ki nazm e muara achi lagi dad qabool kejeay aqeel
|
|
|
Post by Atif Mirza on Jul 24, 2008 22:54:45 GMT 5
ap ki nazm e muara achi lagi dad qabool kejeay aqeel Aqeel ji! Aap ki nawazish keh aap ko nazm achhi lagi. Husn-e-nazar hai aap ka. Daad kay liay mamnoon hooN.
|
|
zaki
sukhanshanas
Posts: 446
|
Post by zaki on Sept 27, 2008 14:37:14 GMT 5
Wah Atif Mirza Sahib..........App ne bahut he umdah nazam share ki hai......
Thanks for sharing..........
Sada KHush Raheay........
|
|
|
Post by Atif Mirza on Jan 26, 2009 17:39:32 GMT 5
Wah Atif Mirza Sahib..........App ne bahut he umdah nazam share ki hai...... Thanks for sharing.......... Sada KHush Raheay........ Pasandeedgi ka shukriya! Zaki Sahib
|
|
jooni
sukhanshanas
Posts: 480
|
Post by jooni on Jan 26, 2009 23:23:24 GMT 5
"Kabhi tau pooray hoN hum nay dekhay thay saath rehnay kay khwaab saaray Kabhi Haqeeqat ki aab thehraiN jo saamnay haiN saraab saaray Kabhi taSawwur ki sar-zameeN say nikal kay aao tau saamnay tum Kabhi tau dikhlaao chaaNd chehraa, haTaao iss say Hijaab saaray"
Kiya baat hai Atif Bhai. Boht khoob janab.
|
|
|
Post by Atif Mirza on May 5, 2009 2:46:27 GMT 5
"Kabhi tau pooray hoN hum nay dekhay thay saath rehnay kay khwaab saaray Kabhi Haqeeqat ki aab thehraiN jo saamnay haiN saraab saaray Kabhi taSawwur ki sar-zameeN say nikal kay aao tau saamnay tum Kabhi tau dikhlaao chaaNd chehraa, haTaao iss say Hijaab saaray" Kiya baat hai Atif Bhai. Boht khoob janab. Jooni Bhai pasandeedgi aur daad ka bahut shukriya.
|
|
|
Post by ramishjaan on May 6, 2009 1:11:21 GMT 5
AOA Atif bro itni khobsorat nazm parh kar b ikhtyar yehi mehsos howa
JAAN e JANNA apne sath hi baha kar le gai yeh nazm bohat sari dad qabol ki jiye waslam mukhlis ramishjaan[/color]
|
|