Sa'eed SaaHeb,
aadaab!
huZoor aapki kYa zaberdast ghazal hay. lut^f aaYa paRh~ ker.
khaaSker darj-e-zail aSh'aar :
Kisi lamhey zayaaN kuch ho gaya hai
DiloN ke darmiyaaN kuch ho gaya hai
ZubaaN afsos meiN uljhi hoo-e thi
Kaha kuch tha bayaaN kuch ho gaya hai
Terey wehshi sanbhaltey ja rahey haiN
Tujhey shehr-e-butaaN kuch ho gaya hai
JunooN hai, khauf hai, ya be-hissi hai
Jisey dekho yahaaN kuch ho gaya hai
in per khaSoosi daad qubool kee jiYay!
waQaar