|
Post by saeed on Mar 10, 2008 8:18:20 GMT 5
Nazm: Barf Ki Moorat (Saeed, Sydney) Ajab tehdaar moorat hai… Haseen bhi, dil-nasheen bhi aur gurezaan bhi Keh jiska zaheri paiker Koe sheeshey ki kam-aamez gurhiya hai Jo anpey fun ke mard-aalood maqtal mein Rawaan sang-o-sanaan se bach ke jeeney ki sa-e mein Faaselon se umr karti hai! Who khul jaye… To paiker hai kisi mohtaat matti ka Jo khul-ke hans to leta hai Magar rishton ke jungle mein sada khayef Kisi munh-zor khwahish ke machalney se Kisi na-mehrbaan barish mein ghulney se Jo ghul jaye… to who ek barf ki moorat jo muddat se kaehn oonchey paharhon per kisi ke garm seeney per pighalney ki tamanna mein sitadeh hai Pighal jaye… to apni zaat ke under Who ek khushboo ka paiker hai Keh jiskey must ranggon se dhanak bhi faiz leti hai Yeh be-khaufi, yeh rang-o-boo ki aamezash Yeh harf-o-khwab ka paras Kisi soorat Ger uskey zaheri paiker mein bas jayen To who moorat Namood-e-harf ke ka-bey mein Apney fun ki masnad per Amar honey ke layeq hai!
|
|
|
Post by Rafi Tabasum on Mar 10, 2008 23:30:19 GMT 5
Bohat khoob aap ki nazm bhi aik munfarid andaz rakhti hay Saeed sahib
|
|
|
Post by saeed on Mar 11, 2008 9:44:36 GMT 5
waah bahut hi khoob, bahut pasand aayi aap ki nazm.dheron daad meri aur se qubuul kareN.aap bahut achha kehte hain, chaahe ghazal ho ya nazm.khush raheN. Buhut shukriya Sunita gee. aapki zarra nawazi hai. saeed
|
|
|
Post by saeed on Mar 11, 2008 9:45:13 GMT 5
Bohat khoob aap ki nazm bhi aik munfarid andaz rakhti hay Saeed sahib buhut nawazish Rafi bhai! saeed
|
|
|
Post by khalid on Mar 11, 2008 16:03:27 GMT 5
munfarid aur khoobsoorat nazm hai saeed sb! daad qubool keeje!
|
|
|
Post by Aqeel Malik on Mar 12, 2008 19:43:44 GMT 5
Saeed sahab ap ki nazm parhi achi lagi magar ap ki ghazal kay muqablay mein nazm nisbatan kamzor hay.
|
|
|
Post by saeed on Mar 13, 2008 4:13:42 GMT 5
Saeed sahab ap ki nazm parhi achi lagi magar ap ki ghazal kay muqablay mein nazm nisbatan kamzor hay. Malak sb, mein ne kaha tha na mein abhi tifl-e-maktab hoon... ...aur phir aazad nazm ka apna ek alag mizaj hota hai...aapki muhabbat hai ke aapko meri ghazal ziadeh pasand hai. saeed
|
|
|
Post by kanwal on Mar 14, 2008 2:59:10 GMT 5
Bohat khoob ,.... Aik achi nazM parhne ko di aapne ,.... Shukriya ,.... Daad e guL aapki nazR ,....
|
|
|
Post by saeed on Mar 14, 2008 6:01:33 GMT 5
Bohat khoob ,.... Aik achi nazM parhne ko di aapne ,.... Shukriya ,.... Daad e guL aapki nazR ,.... Kanwal, Buhut shukriya aapka dad-e-gul keliye!!!! Saeed
|
|
zehrab
rukn
ham pe guzrey hain khizaN ke sadmey--Ham sey poochey koi afsaana-e gul
Posts: 125
|
Post by zehrab on Mar 15, 2008 11:55:49 GMT 5
Saeed Saheb
Aek achi nazm ke liye bherpoor daad. Aap ney sahi kaha ....azad nazm ka alehda mizaj hota hey ya shayad koi mizaj hota hi naheen. Azad nazm kehna her aek ke bas ki baat naheen..kam az kam merey bas ki baat tow naheen....aap ney khub nazm likhi aur khub nibhaya hey usey.
dheron daad
Kher andesh
Qamar
|
|
|
Post by saeed on Mar 17, 2008 4:01:12 GMT 5
Saeed Saheb Aek achi nazm ke liye bherpoor daad. Aap ney sahi kaha ....azad nazm ka alehda mizaj hota hey ya shayad koi mizaj hota hi naheen. Azad nazm kehna her aek ke bas ki baat naheen..kam az kam merey bas ki baat tow naheen....aap ney khub nazm likhi aur khub nibhaya hey usey. dheron daad Kher andesh Qamar Qamar sb, Nazm pasand karhey aur feedback keliye buhut mashkoor hoon. aadab! Saeed
|
|
|
Post by Sukhanwar on Mar 18, 2008 0:32:43 GMT 5
saeed sahab aap ki shairi ka maddah hoon ghazlain aap ki parhin aur nazmain bhi yeh drust k nazm kehna her aik k bus ki baat nahi aur yeh k is ka alag mizaaj hota hy magar meri raay yeh hy k acha ghazal go nazm mainn jub taba aazmaai karta hy to to wo zyaada behtar andaz main baat kar sakta hy us k haan jo craft hoti hy aur us k nateejay main nazm main joo aik aahang aur moseeqi payda hoti hy woh nazm ko qaari k dil main utaar dayti hy bohat see daad qabool kijiay aur nazmain kehtay rahiay thanx razi
|
|
|
Post by saeed on Mar 19, 2008 3:43:55 GMT 5
saeed sahab aap ki shairi ka maddah hoon ghazlain aap ki parhin aur nazmain bhi yeh drust k nazm kehna her aik k bus ki baat nahi aur yeh k is ka alag mizaaj hota hy magar meri raay yeh hy k acha ghazal go nazm mainn jub taba aazmaai karta hy to to wo zyaada behtar andaz main baat kar sakta hy us k haan jo craft hoti hy aur us k nateejay main nazm main joo aik aahang aur moseeqi payda hoti hy woh nazm ko qaari k dil main utaar dayti hy bohat see daad qabool kijiay aur nazmain kehtay rahiay thanx razi Razi Bhai, buhut shukriya daad ka. aapney baja kaha... aazad nazm se pehley baqaeda ghazal/ paband shaeri ko smajhna aur seekhna lazim hai. Jesey Picaso ne pehley baqaeda painting seekhi aur phir tajreedi art to ek nei meraj di. meri nacheez raye ye hai ke Ghazal seekhney aur smamajhney ki had tak to theek hai....Lekin aazad nazm mein kei barhey nam aisey hain jinki pehchaan he sirf nazm hai... misaal ke tor pe N M Rashid, Majeed Amjad...... aur phir Urdu mein be-shumar aisi bhi misaalen hain ke barhy barhy ghazal-go aazad nazm ko taskheer nahen kar sake.... aur kisi had tak aazad nazm to ghazal ke aashiqon ne ta-assub ka shikar bhi banaya hai..... Kher...meraey nazdeek nazm bhi ghazal ki tarah baqaeda ishq chahati hai...donon ka saroor apna apna hai. Buhut nawazish! saeed
|
|
|
Post by Sukhanwar on Mar 19, 2008 23:24:22 GMT 5
saeed sahab aap ki shairi ka maddah hoon ghazlain aap ki parhin aur nazmain bhi yeh drust k nazm kehna her aik k bus ki baat nahi aur yeh k is ka alag mizaaj hota hy magar meri raay yeh hy k acha ghazal go nazm mainn jub taba aazmaai karta hy to to wo zyaada behtar andaz main baat kar sakta hy us k haan jo craft hoti hy aur us k nateejay main nazm main joo aik aahang aur moseeqi payda hoti hy woh nazm ko qaari k dil main utaar dayti hy bohat see daad qabool kijiay aur nazmain kehtay rahiay thanx razi Razi Bhai, buhut shukriya daad ka. aapney baja kaha... aazad nazm se pehley baqaeda ghazal/ paband shaeri ko smajhna aur seekhna lazim hai. Jesey Picaso ne pehley baqaeda painting seekhi aur phir tajreedi art to ek nei meraj di. meri nacheez raye ye hai ke Ghazal seekhney aur smamajhney ki had tak to theek hai....Lekin aazad nazm mein kei barhey nam aisey hain jinki pehchaan he sirf nazm hai... misaal ke tor pe N M Rashid, Majeed Amjad...... aur phir Urdu mein be-shumar aisi bhi misaalen hain ke barhy barhy ghazal-go aazad nazm ko taskheer nahen kar sake.... aur kisi had tak aazad nazm to ghazal ke aashiqon ne ta-assub ka shikar bhi banaya hai..... Kher...meraey nazdeek nazm bhi ghazal ki tarah baqaeda ishq chahati hai...donon ka saroor apna apna hai. Buhut nawazish! saeed saeed sahab main aap ki raay say muttafiq hoon
|
|