|
Post by saeed on Apr 28, 2008 5:24:02 GMT 5
Kiya jaaniye aashiq hai keh mehboob ko-e hai Is dil ke dar-o-baam se mansoob ko-e hai
Aaraam kahaN ishq-o-ibaadat mein bhi dil ko Butt ko-e muqabil hai to matloob ko-e hai
Kiya kam hai ta-alluq ke is aashob meiN reh ker Ham jesey kharaboN se bhi mansoob ko-e hai
Phir der-paye aazaar haiN furqat ki hawayeN Phir baam-e-shab-e-hijr pe masloob ko-e hai
Tehreer bhi tasveer bana deti hai uski HaathoN ki lakeeroN se jo mansoob ko-e hai
Phirtey haiN Saeed aur ghazal-go yahaN kitney Kab tujh sa magar sahib-e-asloob ko-e hai
|
|
|
Post by Atif Mirza on Apr 28, 2008 18:43:47 GMT 5
Ghazal achchi hai magar aakhir maiN aap ki khud sataishi pasand nahiN ayee. Gharoor ko Allah Taalaa bhi pasand nahiN karta.
|
|
|
Post by Aqeel Malik on Apr 28, 2008 18:51:57 GMT 5
Meib barha socha karta tha ke yahan takhleeqi hawalay say bahut kam kam horaha hay aur jo chand aik naam hein wo apnay taein koshish kar rahay hein ke fresh satah par hatul maqdoor kam kia jaeay aur kae bar aisa dil girfita hoa ke g chaha ke yahan ab kehnay sunnay ko kuch nahi bacha sab takh gaey magar ap ki jab jab ghazal kabhi aisa nahi hoa ke mein koe sher apnay sath lay kar na gia hoN aur yahan mayra ana raigan gia ho........khiar yahan kae aik jumla hae mutariza ke deay maqsoob ye tha ke jo masloob hota hay usay anal haq ki satah par ja kar he masloob honay ka maza ata hay aur kia khoob ye kaha( ab is ko anal haq kay hawalay say mat dekheay ga ke mayra mudaa ap samajh gaey hoN gaY) Phir der-paye aazaar haiN furqat ki hawayeN Phir baam-e-shab-e-hijr pe masloob ko-e hai mein ye sher aur lehja yaqeenan sath lay kar ja raha hoN
magar yahan lafz moorat ne maza kirkira kar dia ke farsi daro bast kay sath ati hoe ghazal mein achanak aik hindi lafz kuch khatakta mehsoos hoa
dua go aqeel
|
|
noshi
ibtidaai rukn
Posts: 31
|
Post by noshi on Apr 29, 2008 2:28:11 GMT 5
[glow=red,2,300]Bohat khubsurat ghazal
hai...Mujasim e kamal e hunar.
khas tor pe ye sher,
Tehreer bhi tasveer bana deti hai uski HaathoN ki lakeeroN se jo mansoob ko-e hai
Mubarak!
Noshi[/glow]
|
|
|
Post by naheedv on May 1, 2008 4:13:11 GMT 5
Saeed,
aik achi ghazal paish karne par daad aur mubaarak.
Naheed
|
|
|
Post by saeed on May 1, 2008 6:25:38 GMT 5
Ghazal achchi hai magar aakhir maiN aap ki khud sataishi pasand nahiN ayee. Gharoor ko Allah Taalaa bhi pasand nahiN karta. Atif sb, Buhut Nawazish Ghazal pasand aayi aapko! Merey khiyal mein Ghazal Khuda se ziadeh uski makhlooq aur bil-khasoos butoN ki sarzameen hai….yahan ghroor ke sewa ishq-o-ibaadat aur dard ki riyazat ka safar aur uska sroor udhora rehta hai. ButoN ko fi zamana ghroor pasand hai ya shayed ghroor torhna.. ….isi liye shayed ye gunah classiki ghazal ki riwayat bhi hai. Mein phir bhi aapki baat pe ghaur zroor karonga. Thanks Saeed
|
|
|
Post by saeed on May 1, 2008 6:31:44 GMT 5
[glow=red,2,300]Bohat khubsurat ghazal
hai...Mujasim e kamal e hunar.
khas tor pe ye sher,
Tehreer bhi tasveer bana deti hai uski HaathoN ki lakeeroN se jo mansoob ko-e hai
Mubarak!
Noshi[/glow] Noshi saheba, Buhut nawazish is pazeerayi keliye!!! Mamnoon Saeed
|
|
|
Post by saeed on May 1, 2008 6:33:01 GMT 5
Saeed, aik achi ghazal paish karne par daad aur mubaarak. Naheed Naheed, Buhut shukriya aapka! saeed
|
|
|
Post by Sukhanwar on May 1, 2008 16:23:37 GMT 5
Ghazal achchi hai magar aakhir maiN aap ki khud sataishi pasand nahiN ayee. Gharoor ko Allah Taalaa bhi pasand nahiN karta. aatif bhaai gharoor nahin hay yeh shaairana taali hy aur hamari riwayat main is ki boht see misaalain mojood hain
|
|
|
Post by Sukhanwar on May 1, 2008 16:24:33 GMT 5
saeed sahib aap ki ghazalpasand aai khoobsoorat andaz aur boht umda radeef jisay aap ny nibhaya bhi khoob hy thanx razi
|
|
|
Post by saeed on May 2, 2008 4:45:05 GMT 5
saeed sahib aap ki ghazalpasand aai khoobsoorat andaz aur boht umda radeef jisay aap ny nibhaya bhi khoob hy thanx razi Razi bhai, Is pazeerayi keliye Buhut nawazish !!! sab aap jesey doston ki hosla afzai ka faiz hai. Thnaks Saeed
|
|
|
Post by akhtarshumaar on May 25, 2008 22:54:46 GMT 5
plz send me your e mail & phone no . My contact is : 0169196259
|
|
|
Post by Rafi Tabasum on May 25, 2008 23:44:10 GMT 5
wahwah Takheer kay liay ma,azrat
|
|
|
Post by nadeem on May 26, 2008 13:36:45 GMT 5
Muhtram Saeed Sahib Salamat Rahaen bahut arsay baad aana howa aur yahan aap ki ghazal paRhi warna to maen yahan say ja chuka tha jesay naik roohaen ilaqa chooR deti haen aisay hi maen bhi ye ilaqa chooR chuka tha par dost hausla bhi hotay haen aur paon ki zanjeer bhi tamam ghazal hi achi hai lekin khaas taur par ye sher to kamaal hai
Tehreer bhi tasveer bana deti hai uski HaathoN ki lakeeroN se jo mansoob ko-e hai
waaaaaaaaaaaaaaaaaaah
|
|
|
Post by saeedsaeed on May 26, 2008 19:10:23 GMT 5
aoa saeed shab acchy hy ghazall wah wah wah janab maza aa gaya hy aur khas tooe par ye share
Kiya kam hai ta-alluq ke is aashob meiN reh ker Ham jesey kharaboN se bhi mansoob ko-e hai
zameen ky lehaz hy, qawaef ky leehaz hy, mukammal ghazal hy, dadd hazer hy janab ok waiting for more ghazals by u ap ka Muabshir saeed
|
|