|
Post by Rafi Tabasum on May 10, 2008 22:44:34 GMT 5
Ustaad e muhtaram ki aik aur ghazal ahbab ki nazar
|
|
|
Post by Sukhanwar on May 10, 2008 23:10:00 GMT 5
bohat umda ghazal mehood ghazni sahib ka shumaar un asaatza main hota hy jinhon nay maraakiz sy door reh kar apni pehchaan karaai. agar cheh unhain wo maqaam nahi mila jo un ka haq tha magar woh darwaysh sift insaan hain aur sataaish ki tamanna kiay baghair likhtay hain is ghazal main un ki ustaadana mahaarat urooj par hay aik aik shair kamaal ka hy radeef daykhain kitnay ghazab ki hy aur phir is zameen main unhon ny jo mazameen nikaalay woh bhi kamaal k hain khaas taur par maqta ghazni sahib aap ki zindagi k liay boht see duaain thanx razi
|
|
|
Post by Atif Mirza on May 11, 2008 14:54:51 GMT 5
Tabasum Sahib pehlay tau iss khoob soorat eHsan kay liay aap ka mamnoon hooN keh itni bharpoor ghazal hamaiN paRhnay ko di. Ghazal kay mazameen infradiyat kay Hamil haiN, KhaS taur per yeh sher
Kia zaroori hai bhalaa, kon si majboori hai Ik piyaday ka kissi shah say pelay marna
Iss kay liay maiN bhi apna aik sher Mehmood sahib ki nazr karta hooN
Yeh kuhna rasm ab tabdeel honi chahiay Atif Keh har sheh maat say pehlay piyaday hi ko marna hai
Aik mushkil qafiyay kay saath itnay achhchhay khayaalaat ko sher kay qalib maiN dhalnay ka saleeqa Mohtaram Mehmood Ahmed Ghazni ka khaSSa maaloom hota hai. Mairi jaanib say iss ghazal kay liay dheroN daad aur Mehmood Sahib ki draz umri kay liay duaaiN.
|
|
|
Post by Ghazalsara on May 13, 2008 22:28:19 GMT 5
Salam,bahut shukria...Rafi Bhai...aap nay 2,2 ghazlain inayat keen.mujhay to khud un say sunnay ka ittifaq howa hay.kamal ka asar aafreen lehja paya hay.oor isi say pata chalta hay k rah e mazmoon e taza band naheen
|
|
|
Post by kanwal on Jun 4, 2008 23:51:25 GMT 5
Ustaad e muhtaram ki aik aur ghazal ahbab ki nazar Aapke Ustaad e Mohtaram kamaal ka likhte haiN ,... Aisi pur assar shakhsiyat se mulaqaat (raabta) ka sharf haasil karne ki khahish dil meiN uth ti hai, innka kalaam parhne ke baad. Aik purassar kalaam paish karne par daad ke hazaaroN phooL ,...
|
|