|
Post by rooh on May 8, 2008 19:55:54 GMT 5
Aaj you tube per Rahat indori sahab kii video clips daikhi hain...inn janab kaa Andaaz hii nirala hai...ek mastii bharaa andaaz.
unki ye ghazal aap se share kar rahii hun...ummed hai aap sabhhi ko pasand aayegii.
intezamaat naye sire se sambhaale jaayein jitaney kamzarf haiN mehafil se nikaale jaayeiN
meraa ghar aag kii lapaToN mein chhupaa hai lekin jab mazaa hai tere aaNgan meiN ujaale jaayeiN
Ghum salaamat hai to piitey hii raheiNge lekin pehale maiKhaane kii haalaat sambhaale jaayeiN
Khaalii vaqtoN mein kahiiN baiTh ke rolein yaaro fursatein hain to samandar hii khangaale jaayeiN
Khaak mein yuuN na milaa zabt kii tauhiin na kar ye vo aaNsuuN hain jo duniyaa ko bahaa le jaayeiN
ham bhii pyaase hain ye ehasaas to ho saaqii ko Khaalii shiishe hii havaaon mein uchhaale jaayeiN
aao shahr men naye dost banaayein "Rahat" aastiinoN mein chalo saaNp hii paale jaayeiN
|
|
|
Post by Rafi Tabasum on May 8, 2008 22:30:16 GMT 5
wahhhhh
|
|
|
Post by Atif Mirza on May 9, 2008 0:03:02 GMT 5
Wah Rooh sahiba khoob intekhaab hai
|
|
|
Post by kanwal on Jun 4, 2008 23:58:13 GMT 5
bohat khoob rooh jee ,...
|
|
|
Post by Sukhanwar on Jul 20, 2008 14:26:14 GMT 5
Khaalii vaqtoN mein kahiiN baiTh ke rolein yaaro fursatein hain to samandar hii khangaale jaayeiN
Khaak mein yuuN na milaa zabt kii tauhiin na kar ye vo aaNsuuN hain jo duniyaa ko bahaa le jaaye
khoobsoorat ghazal share ki aap ny rooh ji thanx razi
|
|