|
Post by Atif Mirza on Apr 28, 2008 17:50:52 GMT 5
Kanwal sahiba- aapko kitaab ki ishaat per dili mubarakbaad!!! Razi bhai, Aatif sb aur deger ahbaab, aap sab sukhanwaroN ko is kamyab taqreeb per buhut mubarakbad! saeed Khair Mubark Saeed bhai! Aap ki duaaoN ki badolat hamaiN yeh moqa muyassar aya. Sub say ziyada tau Razi Sahib ki koshish thi hum tau buss ungli pakaR kar chal rahay thay..... Thanx
|
|
|
Post by Atif Mirza on Apr 28, 2008 18:37:29 GMT 5
Adaab o Tasleemat ,... . . . . sab bohat khaloos mohabbat se mille, aur kaNwal ka imaan hai ke jo khaloos e dil aur mohabbat se milta hai wo uss ke liye apne dil ko saaf kar liya karti hai aur har talkh baat ko bhool jaaya karti hai,.... bas iss baar bhi dostoN ki mohabbat o khaloos ne dilloN ki ranjisheiN khatam kar diN, . . . . khair main dil ki gehraaiyoN se Razi jee, shakir hussain shakir, aatif jee, waqar jee aur unn sab ehbaab ki shukar guzaar hooN jino ne shirkat ki aur unn ka bhi jo na kar sake, khaas tor pe rafi tabsum jee ka jo bad qismati se shaamil to na ho sake lekin unka khaloos, duaeiN mujhe pal pal mehsoos hoti rahi, go wo beemari ki wajah se shaamil na ho sake lekin roohani tor pe wo humaare saath hi rahe poori mehfil meiN,..... . . . .
KaNwal ji! Aap ka aana hamaray liay baeS-eSadd iftikhar raha. Aap ki Multan maiN aamad pooray Sukhanwar kay liay khushi lay kar aayee. HumaiN khushi hai keh hamari pehli taqreeb aap si pur-khalooS member kat ezaz maiN huwi. Insha Allah yeh silsila chal paRa hai aab dua kijiay keh Multan ko kissi aur member ki dawat ka sharf HaSil ho...
Ap yeh bataiay keh taqreeb aap ko kaisi lagi, Intezaam, taqareer, Nizamat, mushaera waighaira kaisay lagay aap ko, koi kami reh gayee ho tau zaroor bataiay...
|
|
|
Post by Sukhanwar on Apr 29, 2008 14:53:21 GMT 5
|
|
Shaheen
rukn
From City of Eagles
Posts: 161
|
Post by Shaheen on Apr 29, 2008 23:14:08 GMT 5
Thanx for sharing Ehwaal-e-tqreeb. Mubarak ho iss kamyab mehfil sajane per.
|
|
|
Post by Sukhanwar on May 1, 2008 16:42:01 GMT 5
By poetrazisaima kanwal taqreeb e roonumaai main shareek hain
|
|
|
Post by kanwal on May 18, 2008 2:46:46 GMT 5
|
|
|
Post by kanwal on May 18, 2008 19:23:17 GMT 5
Unn dostoN ke liye jinheiN Urdu parhne meiN dushwaari ho, kal waqt nahiN tha warna kal hi karna tha ,....
Adaab o Tasleemaat Ehl e Sukhan
Iss zeest ki roshni, khushboo,paidari, rooH agarche aaj talak qaim hai to sirf aur sirf iss badolat ke humare daaman meiN Malik e kainaat ne guloN ki soorat mohabbateiN be hisaab rakh di haiN, kabhi Maa ki bachoN ki soorat to kabhi bachoN ki Maa ki soorat,…..
Kabhi behan ki bhai ki soorat, to kabhi bhai ki behan ki ,…. Kabhi rishte daaroN ki soorat to kabhi dostoN ki soorat ,….
To kabhi kisi aise anjaane ki soorat jo kahiN achaanak mil jaata hai aur aap ke dil ke kisi kone meiN uss ki yaad ki mehak sandal ban ke mehakti rehti hai jo zindagi ki aakhri saans talak wafaa karti rehti hai aur yeh yaad rooh ko jhulsaana bhi jaanti hai aur kisi khushgawaar jhonke ki taraH mehakaana bhi ,….
Aise hi ik anjaane lamhe meiN muqayad ho kar kaNwal bhi bazM e Sukhan meiN shamil hui jahaN ghamoN ke saaye bhi mile aur khushyoN ke jugnoo bhi,….
Yeh khushnaseebi….. ke inn mile jule mausamoN meiN bhi sab ka saath raha… aur net jo ik khaab ki soorat nazar aata tha wo taabeer ki soorat lagne laga….. kabhi socha bhi na tha ke khaaboN ko yuN taabeer mile gi yuN dostoN se mulaqaat ho gi… go ke ziyaada waqt na mil saka ke unn haseeN palloN ko apne andar utaar sakti magar unn palloN ki patiyaN banaa kar apne aanchal meiN baandh laayee hooN, jin ki mehak se zeest meiN taazgi rahe gi.
Main shukr guzaar hooN apne unn saathiyoN ki …. JinhoN ne kahiN na kahiN, kabhi na kabhi mere raste khaaroN se bhar diye ke inhi khaaroN se khud ko lahoo lahaan kar ke maine zakhM seene seekhe haiN, takleef ki hiddat piglaaye deti thi to khud ko seese ki soorat samet liya karti thi ke pigal kar simitne meiN bhi ik nashaa, ik saroor hai.
Aur main dil ki gehraiyoN se shukr guzaar hooN apne unn sathiyoN ki… jinhoN ne khaaroN se mile zakhmoN par tasali ke do boloN ke marham rakhe haiN … Aage barhne ka hauslaa, himmat bakhshi hai, apni apni duaoN se meri zaat ko mazbooti bakhshi hai ….
Aur razi jee sab se ziyada shukr guzaar kaNwal aapki hai ke aapke hi waseele se khuda ne aabgeene ki soorat di hai.
Meri dua hai ke Khuda wand e kareem Sukhanwar ko aur aap ko mazeed taufeeQ ataa karta rahe ke wo Sukhanwar ki rooH aur aapke maqsad ko qaim rakh sake ke Aap jaisi hastiyaN hi hoti haiN jo bargad ki thandi ban ke har kaNwal ko raah dikhlaati haiN, aur aaj kitni hi kaNwal haiN jo seedhi raahoN se aage barhna chahti haiN, apni zaat ko pehchaanana chahti haiN,..
|
|
|
Post by Sukhanwar on May 18, 2008 23:15:35 GMT 5
Aur razi jee sab se ziyada shukr guzaar kaNwal aapki hai ke aapke hi waseele se khuda ne aabgeene ki soorat di hai. Meri dua hai ke Khuda wand e kareem Sukhanwar ko aur aap ko mazeed taufeeQ ataa karta rahe ke wo Sukhanwar ki rooH aur aapke maqsad ko qaim rakh sake ke Aap jaisi hastiyaN hi hoti haiN jo bargad ki thandi ban ke har kaNwal ko raah dikhlaati haiN, aur aaj kitni hi kaNwal haiN jo seedhi raahoN se aage barhna chahti haiN, apni zaat ko pehchaanana chahti haiN,.. [/b][/quote] kanwal itni boht see duain day deen tum nay bhai main inhain kahan sambhaloon ga aur phir bhala shukria ka kis baat ka bhai
|
|
|
Post by Atif Mirza on May 28, 2008 17:10:07 GMT 5
Yeh bhi khoobsoorat tehreer hai KaNwal!
|
|
|
Post by kanwal on May 28, 2008 23:43:08 GMT 5
Aur razi jee sab se ziyada shukr guzaar kaNwal aapki hai ke aapke hi waseele se khuda ne aabgeene ki soorat di hai. Meri dua hai ke Khuda wand e kareem Sukhanwar ko aur aap ko mazeed taufeeQ ataa karta rahe ke wo Sukhanwar ki rooH aur aapke maqsad ko qaim rakh sake ke Aap jaisi hastiyaN hi hoti haiN jo bargad ki thandi ban ke har kaNwal ko raah dikhlaati haiN, aur aaj kitni hi kaNwal haiN jo seedhi raahoN se aage barhna chahti haiN, apni zaat ko pehchaanana chahti haiN,.. [/b][/quote] kanwal itni boht see duain day deen tum nay bhai main inhain kahan sambhaloon ga aur phir bhala shukria ka kis baat ka bhai [/quote] Apne dil ke gulistaaN meiN ,.... YaadoN ke dareechoN meiN ,...
|
|
|
Post by kanwal on May 28, 2008 23:45:32 GMT 5
Yeh bhi khoobsoorat tehreer hai KaNwal!
Thank you Atif jee ,.... Yeh sirf aapka husn e nazar hai aur kuch bhi nahiN ,....
|
|
|
Post by Atif Mirza on Jun 20, 2008 15:40:23 GMT 5
Thank you Atif jee ,.... Yeh sirf aapka husn e nazar hai aur kuch bhi nahiN ,.... Ji haaN, issi husn-e-nazar ki wajah say hamaiN kafi fazool cheezaiN achhchhi lagna shuroo ho gayee haiN.
|
|
|
Post by kanwal on Jun 21, 2008 2:20:01 GMT 5
Thank you Atif jee ,.... Yeh sirf aapka husn e nazar hai aur kuch bhi nahiN ,.... Ji haaN, issi husn-e-nazar ki wajah say hamaiN kafi fazool cheezaiN achhchhi lagna shuroo ho gayee haiN. JanaaB ,...
Aap ki itlaa ke liye arZ hai ke fazooL logoN ko hi fazooL cheezeiN achi lagti haiN, ... Maine mahawaratan baat ki thi lekin Aapke mesg ko parh kar mujh par yeh agaahi hui hai ke Izzat bhi kissi kissi ko raas aaya karti hai ,....
|
|
|
Post by nazghazal on Jun 24, 2008 11:08:07 GMT 5
assalaam o alaikum kanwal sis,razi ji or atif ji sab se pehle to kanwal sis aapko aapki kitaab ki ashaat par intihaai khaloos e dil k saath dheron mubarak baad paish karti hoon khuda aapko bohot si khushiyaan or kaamyaabiyaan ata farmaaye aameen razi ji or atif ji aap ki kawishon k sabab hame yoon laga jese ham bhi is taqreeb main shamil rahay. razi ji ne jo tasaweer paste ki hain or atif sahab ne jis tafseel k saath is khobsoorat taqreeb ka haal qalam band kia hai to hame to waqai aisa mehsoos hua jese ham ye sab apne kanon se sun rhay hain or apni aankhon se dekh rahay hain us taqreeb ka hissa ban kar. tasaweer main kai saathion ko dekha laikin kanwal sis ko pehli baar dekha or unki tasweer dekh kar bohot khushi hui
|
|
|
Post by Sukhanwar on Jun 26, 2008 9:48:45 GMT 5
assalaam o alaikum kanwal sis,razi ji or atif ji sab se pehle to kanwal sis aapko aapki kitaab ki ashaat par intihaai khaloos e dil k saath dheron mubarak baad paish karti hoon khuda aapko bohot si khushiyaan or kaamyaabiyaan ata farmaaye aameen razi ji or atif ji aap ki kawishon k sabab hame yoon laga jese ham bhi is taqreeb main shamil rahay. razi ji ne jo tasaweer paste ki hain or atif sahab ne jis tafseel k saath is khobsoorat taqreeb ka haal qalam band kia hai to hame to waqai aisa mehsoos hua jese ham ye sab apne kanon se sun rhay hain or apni aankhon se dekh rahay hain us taqreeb ka hissa ban kar. tasaweer main kai saathion ko dekha laikin kanwal sis ko pehli baar dekha or unki tasweer dekh kar bohot khushi hui nazghazal sahiba sab sy pehlay to main aap ko is bazm main khush aamdeed kehta hoon akhir kaar itni tag o dau k baad aap forum tak rasaai main kamyaab ho hi gaai hain taqreeb ki roodaad aap ko pasand aai shukria razi
|
|